سؤال عن عفشة اللادا الروسى

[Abdm]

أنا عايز أشترى الروسى بس خايف جدا من موضوع البيض بتاع المقص وانة ممكن يملص فى أى وقت وأعمل حدثة . هل تم عمل تعديلات فى الروسى بخصوص البيض ولا التعديلات اتعملت فى المصرى بس يا ريت الاخوة فى القسم يجوبوا على هذا السؤال لانة مهم جدا وسوف يتوقف علية شراء السيارة من عدمة

[a7madramadan]

حاقوللك كلمتين بالعربي كده :)

أول ما تشتري العربية غير زيت الموتور و تشيك على زيت البتاعة المدورة الي ورا المتثبته في عمود الكوردون تقريبا اسمها الكابلن أو الكورونا و شحم البيض و العفشه و الكلام ده كله أول ما تطلع العربية من التوكيل و هي زيروو و خلي بالك على طوووول من تشحيم العربية و مواعيد تغيير الزيت و ربنا معــــــــاك دي نصائح من صديق ليا عنده لادا زيي بس جايبها من زمااان و كل الحاجات الي قولتها دي تعملها في البنزينة بكام ورقة ميه تريحلك بالك و توفرلك قداااام كتيييييير و كمان ماتنساش التليين لعربيتك لو زيرو علشان ما تعملش اي مشاكل انشاء الله و أي استفسارات تانيه أنا موجود و باقي الوحوش أصحاب اللادا المحترمين موجودين :)

[x_gomgom]

شوف هو الجديد جديد عامه و العيوب دي هتظهر بعد فتره.العيوب بتاعه البيض دي و حكايه تربيط العفشه كل فتره دا عيب موجود و ممكن التعايش معه (الادا 2107 مصري موديل 2008 بس العفشجي بيقول البيض وحش العربيه عامله 14,000 كيلو قثط!!) بس بصراحه لو عايز تريح دماغك من موضوع العفشه دا فكك من الادا....
لا مصري فارق من روسي بصراحه هي حماله اسيه لكن لما تفتح بقها بتصرف جامد (انا معايا الادا ال 2107 موديل 2008 و اخري نيفا 1993)...
راجع نفسك الاول و دع احتياجاتك اللي تحكم....
يا رب اكون افدت

[Abdm]

شكرا ليكم جميعا وجزاكم الله خيرا.واللى فية الخير يقدمة ربنا

[bassoma]

البيض عايز متابعة دائمة وتشحيم ذى ما قالك الاخ الكريم ---- اللادا سيارة محترمة وعايز اللى يتابعها دائما وصدقنى حمالة قسية