واحد مضايق

[فاروق]

فى ايه يا جماعة هو انا لازم اقعد اقول يا باشا ويا بيه عشان حد يعبرنى فى الموقع ده [smilie=real mad.gi: على العموم الف الف شكر ليكم

[Karim_Monir]

ايه بس ماللك يا اخ فاروق
من غير لا باشا ولا يا بية
ممكن تكون بتسال عن حاجة محدش يعرفها
ممكن تسال واللي يعرف ما شافش
التمس لاخيك عذرا وما تنساش انه عمل تطوعي

عايز ايه بقي اتفضل اسال

[Hossam_Hassan]

Re: واحد مضايق

فى ايه يا جماعة هو انا لازم اقعد اقول يا باشا ويا بيه عشان حد يعبرنى فى الموقع ده [smilie=real mad.gi: على العموم الف الف شكر ليكم

العفو

[فاروق]

شكرا على سرعة الرد سؤالى كان عن شراء عربيه فى حدود 65000 مع العلم انى هاشتريها بالتقسيط مع ذكر السبب من حيث الصيانة وقطع الغيار متوفرة باسعار معقولة ومرة اخرى شكرا لمن رد على :-)

[ibrahimsaad]

اخى العزيز فاروق

انا رديت عليك فى الموضوع الاخر حسب علمى

بخصوص اللادا 2110 فهى ممتازه وانا شخصيا لو معايا فلوس كنت اشتريتها بدون تفكير لماذا ؟

لانها فى فئتها تعتبر ارخص سياره سعرهاحوالى 58 الف وبالتكييف اعتقد 60 او 61 الف الروسى اما المصرى فحوالى 57 الف

بها جميع الكماليات واكثر
حديثه
جميله الشكل
واسعه
شنطتها واسعه
جامده فهى روسى وماأدراك مالروسى
قطع غيارها رخيص جدا مقارنه بالموديلات الاخرى
قطع غيارها متوفر

[Nader]

طيب يا اخي الفاضل ما انت اللى عامل الموضوع في قسم اللادا، حاجة زي دي تحطها في القسم العام ... او لو في عربيتين في دماغك وعاوز تفاضل بينهم يبقى في قسم المقارنات.

عموماً في حدود السعر دة عندك الاختيارات كالتالي:

شيفورلية افيو 1500

هيونداي فيرنا 1600

دايو لانوس 1500

هيونداي فيرنا 1500

[Karim_Monir]

شوفت بقي يا اخي ان الله مع الصابرين اذا صبروا
وانت اللي غلطان عشان اخطات مكان فتح الموضوع
زي ما استاذ نادر رد عليك بالظبط ودول افضل اختيارات وانا لا افضل الادا اطلاقا وخاصة لانها تعتبر بدون توكيل تقريبا

خليك مع الاسيوي احسن

وكمان هاطلب طلب
دور شوية في المقارنات وفي الكوري العام هاتلاقي حاجات كتير تفيدك

[ibrahimsaad]

استاذ كريم

اللادا لها توكيل رسمى فى مصر شركه الامل

ولماذا اللادا رغم قوتها ورغم انها بها موديلات حديثه مثل 2110 2115 2119 وكالينا

وتعتبر الكالينا فى حدود 64 بالكماليات

ولها توكيل وقطع غيار رخيصه جدا مقارنه بالاسيوى المكلف والغالى وكذلك قطع غياره وعدم توافر توكيل كويس

[فاروق]

على فكرة انا قريت فى مجلتى عربيتى ان الفيرنا1600 بقت ب70 الف جنيه

[Karim_Monir]

استاذ ابراهيم
انا بقول مالهاش وكيل تقريبا عشان عارف قد ايه التوكيل ده ما يعتبرش توكيل اكتر من تشبيه بورشه ولو جربت تتعامل معاه هاتعرف قصدي كويس وتقدر ترجع لريفيوهات الاعضاء عنه
الكالينا اول ما ركبتها حسيت انها لادا ما تعرفش ازاي
وتوترها ضعيف طحن وتكنلوجيا قديمة قوي ولو شغلت التكييف مش ممكن تقول دي 1300 مش 1600
وازاي تقول الاسيوي مكلف
انت ماتعرفش الكوري حاجتة بكام ولا ايه
ومش مهم توكيل في الكوري دي عربية منتشرة وليها مراكز كتير وقطع غيار في كل حتة

[Nader]

على فكرة انا قريت فى مجلتى عربيتى ان الفيرنا1600 بقت ب70 الف جنيه

والافيو برضة في الحدود دي ... انا بقول لك على العربيات اللي في حدود ال65 الف اكتر شوية او اقل شوية.

[حسام كرم]

استاذ ابراهيم
انا بقول مالهاش وكيل تقريبا عشان عارف قد ايه التوكيل ده ما يعتبرش توكيل اكتر من تشبيه بورشه ولو جربت تتعامل معاه هاتعرف قصدي كويس وتقدر ترجع لريفيوهات الاعضاء عنه
الكالينا اول ما ركبتها حسيت انها لادا ما تعرفش ازاي
وتوترها ضعيف طحن وتكنلوجيا قديمة قوي ولو شغلت التكييف مش ممكن تقول دي 1300 مش 1600
وازاي تقول الاسيوي مكلف
انت ماتعرفش الكوري حاجتة بكام ولا ايه
ومش مهم توكيل في الكوري دي عربية منتشرة وليها مراكز كتير وقطع غيار في كل حتة

الاخ العزيز كريم منير / التوكيل انا هحتاج منه اية غير انة يكون ورشه احنا كل الى يهمنا توافر قطع الغيار ووجود يد مدربه واجهزه مناسبة لتركيبهابسعر معقول انا معاك انة عليه ضغط وبنستنى فى الشارع ومكان الاستراحة الى موجود تعبان لكن كل هذة شكليات ملهاش قيمة فاحنا رايحين نصلح العربية مش رايحين نقعد فى كوفى شوب فانا مش هفرح بمشروب بربع جنية زى بعض التوكيلات ويروح رزعنى بقطعة غيار بالف جنية وانا اعنى بكلامى ان كل حاجة بثمنها فتوكيل اللادا موجود من 8 سنوات وقطع الغيار متوفرة فية وباسعار اقل من محلات قطع الغيار بالخارج واسعار المصنعيات ضعيفه جدا وهذا سبب الاقبال عليه حتى لمن انتهت فترة ضمان سيارته
اما بالنسبة لموضوع ان قطع غيار الكورى غالية فالاستاذ ابراهيم لم يخطى فهى بالنسبة للادا ايوه غالية وتصل على الاقل لخمسة اضعاف واستطيع ان اعطيك امثله كثيره على ذلك وافرض ان توكيل اللادا مش موجود فالادا جميع الميكانيكيه الموجودين فى كل مكان وجميع محلات قطع الغيار تستطيع ان تعتبرهم توكيل للادا لانها سيارة موجودة فى مصر من فترة تقارب على 40 سنة
واخيرا اهلا بك يا اخ كريم فى روم اللادا
ويارب نشوفك عالطول فروم اللادا مغضوب علية ويبدو انة روم الغلابه
والخلاف لايفسد للود قضيه
اخوك حسام