مشكله فى عجله القياده

[smsm061274]

فجاءه زاد البوش فى العجله بشكل مبالغ واصبح خفيف جدا عن المعتاد كما لو كان باور
ذهبت للميكانيكى قام بضبطه وعاد لثقله واصبح البوش خفيف وبعد اسبوع عادت المشكله من جديد . فهل احد عنده فكره خصوصا نصحنى احد عمال البنزينه بتغيير علبه الدريكسيون بعلبه جديده وعندما سألت عنها وجدتها ب600 جم وهو يفوق امكانياتى

[Jimmy_lada]

هى فعلا طالما رجعت تانى يبقى هتغير علية الدركسيون لانك كل ما هنصلح البوش هيرجع تانى ولقدر الله ممكن الدركسيون مرة واحدة تلاقيه مش بقى معاك فتغيرها افضل لحسن لقدر الله تحصل حاجة

[x_gomgom]

شوف يا اخي الفاضل سبب البوش في الطاره عامه يا اما عيب في علبه الدركسيون او ان البارات خفيفه و اللي يقدر يحكم ايه السبب هو العفشجي...
بس عامه يا ريت تكشف الاول قبل ما تغير ..
يا رب اكون افدت

[ahmedemad15]

على فكره موضوع البوش دا فى كل العربيات اللادا وانا جننى وفى الاخر بدأت اتعود عليه

[smsm061274]

شوف يا اخي الفاضل سبب البوش في الطاره عامه يا اما عيب في علبه الدركسيون او ان البارات خفيفه و اللي يقدر يحكم ايه السبب هو العفشجي...
بس عامه يا ريت تكشف الاول قبل ما تغير ..
يا رب اكون افدت

شكرا يا جميل وانا هوديها للعفشجى بكره بس يا رب المدير يوافق على الاذن لانه انسان بارد جدا

على فكره موضوع البوش دا فى كل العربيات اللادا وانا جننى وفى الاخر بدأت اتعود عليه

حبيب قلبى المشكله مش فى البوش وانما فى زياده البوش مع خفه غير معتاده فى الدريكسيون لدرجه انى بلفه بصباعى الشمال الصغير .

[smsm061274]

المشكله فى العلبه بالفعل وتم شراء علبه جديده وسأقوم بتركيبها على رمان وادعو لى ان انتهى من هذا المشوار عشان انا تعبت بجد

[smottalib]

اشتريت العلبة منين؟ وبكام؟

[x_gomgom]

المشكله فى العلبه بالفعل وتم شراء علبه جديده وسأقوم بتركيبها على رمان وادعو لى ان انتهى من هذا المشوار عشان انا تعبت بجد

ربنا يعينك و إن شاء الله ترجع احسن من الاول... امين

[smsm061274]

اشتريت العلبه من النوتو فى صلاح الدين لانى من الاسكندرية ب475جم
وتم تركيبها وما زال هناك بوش خفيف وقال لى انه موجود فى كل عربيات اللادا حتى الجديده
والدريكسيون اصبح ثقيل جدا وقال انه سيخف بعد فتره .
وشخصيا انا غير مبسوط

[smsm061274]

ربنا يعينك و إن شاء الله ترجع احسن من الاول... امين

شكرا يا زعيم على الدعاء

[hanashoo]

على فكره موضوع البوش دا فى كل العربيات اللادا وانا جننى وفى الاخر بدأت اتعود عليه

بالفعل يا باشا..العربيات اللى بتكون علبة دركسيونها warm غالبا لما تقابل فيها المشكله دى
انا اعرف واحد عنده بولونيز بتقابله نفس المشكله