اللادا كانت هتتقلب منى ومعرفش اية كان السبب وقتها

[midomizo]

اول امبارح نازل كوبرى قصر حدايق القبة وبعد الكوبرى كنت رايح باتجاه سنترال القبة كان فية ملف بعد الكوبرى يمين نازل الكوبرى وسرعتى 60 عادى جدا واللاقى العربية مساعدها الشمال القدامى نزل جدا ووصل لدرجة كنت لو هاخد الملف على زاوية اقل من كدة كانت ممكن العربية تتقلب اطريت وقتها الف الملف على الواسع شوية ورميت على واحد على شمال بس الحمد لله حصل خير .......

مع انى اخدت الفى النصيب لما حدفت على الشمالى بس المهم عدت بسلام

بس عايز اعرف اية سبب ان المساعد هبط معايا جامد اوى كدة وسرعتى كانت مش عالية اوى والمساعد بعد منزلت بضغط على العربية من فوق مبيعملش غير صوت بصيت جدا مع الضغط وناشف مش بينزل بسهولة........

بس الصراحة مش عارف اية السبب ,وقلت اشاركم التجربة دى لو حد يقدر يفدنى عن سبب الحصل دة مع انى بقالى مدة مغيرتلهاش البيض بتاع العجل وكل مروح لبتاع الزوايا يقولى كويسين......

[medooo333]

اللادا ملفها ضيق وبرضه بص ع العفشة و الفرامل...وشوف اى مسمار يكون سايب مش مربوط كويس والله الحافظ...

[Eng_Mostafa_89]

جرب ربط العفشة واكشف على المساعدين

[M.ABDEEN]

كشف شامل للعفشة والفرامل ومراجعة المساعديين وجلب المقصات وكاوتش الميزان وبعدها ظبط زوايا

[ahmedemad15]

حمدا الله على سلامتك الاول
هيا تقريبا هتبقى يا اما بيضات عاوزه تتغير اوالمقصات وديها لبتاع عفشه كويس

[midomizo]

ما المشكلة معرفش بتاع عفشة كويس فى شبرا ويا اما بيعملولى فيها فاهمين وسعرهم غالى ياما على قد ما فاهم وسعرة رخص محدش طيب يعرف بتاع عفشة كويس فى شبرا اما بالنسبة لضبط الزوايا اعرف واحد اسمة عمرو فى الخريطة التحت وكل مروح عندو يقولى سليمة ومفهاش حاجة

<iframe src="http://wikimapia.org/#lat=30.0949771&lon=31.2756032&z=18&l=0&ifr=1&m=b" width="186" height="165" frameborder="0"></iframe>


الخريطة فى اللينك دة
click here
اصغر مربع مرسوم

هو الصراحة راجل محترم بس انا عايز حد بتاع عفشة عشان هو بيربط العربية من تحت بس لكن مش اوى فى موضوع المقصات والعفشة وكدة لو حد يعرف حد بتاع عفشةفى شبرا او قريب من شبرا كويس يريت يوصفهولى.

[د.محمود صلاح]

حصل خير وجت سليمة واكشف عليها فعلا عند عفشجى ثقة وخبرة

[romeo_6887]

عليك و علي العفشجي

[midomizo]

طب محدش يعرف عفشجى خبرة قريب من شبرا وسعرة فى الحنين

[lada2010]

لو عايز عفشجى صح عندى واحد فى التونسى الاتوستراد بس من الاخر

[midomizo]

طب دلنى على عنوانة ربنا يخليك يارب

[osamram]

أخى العزيز :
العفشه جننتنى إلى أن وصلت لعفشجى حكايه بصراحه ربنا يباركله أسمه ياسر عند الزاويه والعنوان بالضبط هو : اتجه فى شارع بور سعيد من الوايلى نحو الزاويه وبعد إشارة الزاويه هاتلاقى على اليمين صيدليه مش عارف اسمها عموما لف بعد الاشاره وادخل فى الشارع اللى بجانب الصيدليه هاتلاقيه على الشمال أمام محل كاوتش .
قولله بس أنا جايلك من طرف أسامه صاحب اللادا البيضا اللى انت ضبطت عفشتها .