اخيرا اشتريت الادا بس الحقونى

[lido_pink2000]

اخيرا اشتريت اللادا 2107 مو97 بس انا معرفش اى حاجة فى العربيات ممكن تقولولى ايه الى اكشف علية و امتى؟

[smsm061274]

وديها لعفشجى يفصص العربيه ويشوف البيض والمقصات لانها اخطر حاجه فى اللادا
لو فى بارومه مفيش مشاكل خليها عالصيف
وربنا يباركلك فيها يا رب وواحده واحده وانت ماشى ومتخليش حد يعصبك خالص

[medooo333]

اهم شىء العفشة و الفرامل اولا....ثم اى شىء بعد........

[ayad2007]

دفعت فيها كام .....؟؟

[lido_pink2000]

28 الف الا ربع

[smsm061274]

كتير جدا
انا شارى 2105 95 ب22500جم وحاسس انه اتنصب عليا

[M.ABDEEN]

العفشة والفرامل وظبط الهواء ومياه الريدياتير وجميع الزيوت وكمان زيت الكورونا

[midomizo]

اتاكد من الزيت انة جديد ومستواه مظبوط والماء بتاع الردياتير و زيت الفرامل والدبرياج وروح لحد بتاع ظبط زواية خلية يبصلك على العفشة واحنا معاك فى منتدى لادا اسال زى متحب وطمنا

[lido_pink2000]

زيت الفرامل و الدبرياجو الكورونا اشوفةعند مين يعنى عند واحد بتاع غيار زيت و يكون نوعه ايه؟

[midomizo]

زيت الدبرياج والفرامل اسمة زيت باكن وبيتباع عند بتوع الاكسسوارات وممكن تسال بتاع الاكسسوارات عن طريقة اضافتة وكيفية معرفة اذا كان الزيت عايز يتزود ولا لا
اما بالنسبة لزيت الكرونة فدة بيتغير عند نفس الراجل البتغير عندو زيت المحرك وهو بيزود زيت الكرونة فقط وبيقولك زودة كام كيلو وبكام كيلو زيت الكرونة ومصنعية تغييرة والاسعار تتفاوت من بنزينة لاخرى

[midomizo]

وعادتا المفروض الميكانيكى هو البيشوف زيت الفرامل والدبرياج وقت مبتروحلو يبص على المحرك ويقولك محتاج اية

[midomizo]

وزيت الكرونة متكشفش علية غير لو انت رفعت العربية ولقيت على الكرونة زيت وفية برضو زيت صندوق التروس ودة بيتكشف علة وقت متحس ان الغيارات بتتنقل بصعوبة وصوتها عالى زى الكرونة بالضبط بس بالنسبة لصندوق التروس والكرونة مبيتبصش عليهم غير كل وقت طويل اما اكتر الزيوت البتتغير ديما زيت المحرك والباكن فقط
ولو الفرامل تحت رجلك حسيت انها بتاخد مسافة على متقف يبقى الفرامل فيها هواء ولازم تظبط
واى سؤال تانى اسال وطمنا برضوا عادى

[lido_pink2000]

و الله انا مش عارفة اشكركم ازاى و معلش اسالتى حتبقى كتير و ساذجة شويه لانى مش عارفة اى حاجة و ان شاء الله اعمل النصايح دى

[midomizo]

و الله انا مش عارفة اشكركم ازاى و معلش اسالتى حتبقى كتير و ساذجة شويه لانى مش عارفة اى حاجة و ان شاء الله اعمل النصايح دى

اسالى كتير ولا يهمك ولو زوجك موجود بعد الظهر اى يوم ممكن اقابلة وافهمة كل حاجة فيها ولو مش فيها اى نوع من الاحراج انك تسالى زى متحبى فى المنتدى
واسالى عادى يعنى مين الكان قالى
واهم حاجة لو العربية بتحدف منة كتير لازم يكشف على العفشة
ولو حس باى مشكلة فى العربية اسالينا هنا قبل متعدو على اى ميكانيكى عشان الحمد لله عندنا الميكانيكية معندهمش ولا زمة ولا ضمير بس فية وفية يعنى مثلا انا كان عندى العربية الدركسيون فيها بيتهز جامد فى الملفات الشمال من بعد معملت العمرة رحت لواحد قالى دى عايزة مساعد وبتاع واعد يقلف عليا قصة طويلة عريضة وبعد ملفيت على ميكانيكية مصر كلهم عرفت ان المشكلة كانت فى بلى العجل الامامى وبعد مغيرتة فعلا الصوت راح حمدت ربنا وقتها وانى مدبستش فى الميكانيكى الكان عيزنى اغير تقريبا عفشة العربية القدام كلها فاسالى هنا واعرفى وخلى عندك خبرة واكيد هتساعدكو لو فكرتو تغيروا العربية فى اى وقت تبقو فاهمين اية الغير جيد فى العربيات الجديدة

[midomizo]

بس ان شاء الله بعد متغيرو الزيت ميكونش فية حاجة تانى