لادا اليكو

[hamiditch]

الحمد لله اخيرا اشتريت عربيه
يا جماعه العربيه اللى معايا لادا اليكو موديل 93 لسه شاريها من حوالى شهرين
لكن ماعرفش عنها اى حاجه
اصلا لحد اما اشتريت العربيه دى ما كنتش اعرف الفرق بين الفيتيس والدركسيون والدبرياج

نفسى لو اى حد يقولى معلومات عنها وقطع غيارها واسعارها ومشاكلها

[ahmdmagdy]

يا باشا ايه اللي خلاك تجبها بس

[kayson]

يا جماعة الراجل ادبس و خلاص و لاتبكى على اللبن المسكوب امامك احدى الحلول1- تبيعها فى اسرع وقت و تخسر فيها و ربنا يعوض عليك و ده افضل الحلول2- تستنى حد يكون بيفهم فيها يقولك ايه الحل (اماكن قطع الغيار و مين بيفهم فى الميكانيكا بتعتها) نصيحة لوجه الله معلش اخلص و اخسر بدل ماتقعدها جنبك

[smsm061274]

لادا 2105 2107 ونيفا
غير كده خوابير فى قطع الغيار والصيانه

[hamiditch]

قشطه يارجاله

تسلم ايديكو
عقدتونى - طب ياجماعه هيا متركب ليها مونور 2107 دا مش يعنى يمشى الحال

طب سعرها يعمل كام

[ahmdmagdy]

قشطه يارجاله

تسلم ايديكو
عقدتونى - طب ياجماعه هيا متركب ليها مونور 2107 دا مش يعنى يمشى الحال

طب سعرها يعمل كام
:_alshmokh08[1]:

انت كنت شاريها بكام

[hamiditch]

17 الف جنيه

[hamiditch]

ياجماعه انتو عزلتو والا ايه
حد يعبرنى ويقولى لو ابيعها تعمل كام

[kayson]

ازاى

يعنى ايه موتور 2107 على لادا اليكو؟؟؟؟؟؟؟؟؟؟؟ لو جابت 13000ج اخلصصصصص و بيع ماتنزلش بيها السوق بيع عن طريق اى موقع

[hamiditch]

ليه ماانزلش بيها السوق

[ELDOSOQE]

بص يا باشا إحنا عندنا العربية دى
هى عربية جميلة جدآآآآآ وحمالة قسية بطريقة ملهاش حدود
وكمان الموتور بتاعها موتور لادا 1600 عادى وقطع غياره متوفرة
المشكلة الوحيدة هى إن أنا من الإسكندرية وقطع غيار العفشة مش متوفرة فى الإسكندرية
بس هى موجودة فى القاهرة على ما سمعت
يعنى لو قطع غيار العفشة موجودة ولقيتها متزعلش إنك إشتريت العربية
لإنها بجد عربية جميلة جدآ
هى بقالها معانا 6 سنين وأكتر كمان
بس نصيحة : حافظ عليها وإعتنى بيها
ولو عايز أى حاجة عنها
قولى وأنا تحت امرك

[Truman]

أنا برضه شايف أن إذا كانت العربية مش تعباك يبقى مفيش لزوم للبيع و بالنسبة لقطع الغيار ممكن تلاقى حاجات كتير ليها فى عزبة شلبى بس الموتور اللى فيها موتورها الأصلى ولا موتور لادا 2107 متسقط فيها