ايه هى مشاكل الادا

[medooo333]

الادا 2107 معى الصبح بتدور بالعافية -كمان فيه خبطة باستمرار فى العفشة على الرغم من انها جديدة روسى -كمان الفتيس اوقات بعد التوقف ما يرضى ياخذ الغيار الاول الا بعد اخذ غيار تانى ثم اعطاؤه الاول مرة اخرى ممكن حد يرد عليا وهل الدبرياج على زيت و ازاى اكشف علية--ايضا حدفة شمال مع الفرامل فقط مع العلم انها لا تحدث باستمرار و لكن احيانا---شكرا لكم جميعا

[midomizo]

دى مشاكل طبيعية فى اى عربية لادا بس حكاية الخبطة الفى العفشة دى يبقى لازم تبص عليها وكمان الحدفة المع الفرامل دى معناها انها عايزة زبط زوايا و خراطيم الفرامل لان احيانا يوجد بها تسريب او انسداد والدبرياج بيزود زيت فقط ومغيرطوش قبل كدة غير ساعت العمرة بس وحكاية الغيار دى عادية فى اى عربية وحكاية الدوارة الصبح بردو عادى فى اى عربية لان الدنيا بتكون سقعة بس - ممكن تفهمنى شوية عن مكن التويوتا المركبة وجبتة منين وازاى لانى مش عارف اروح اسال اقولهم مكن تويتا لزجاج لادا ولا اعمل اية وفى حدود كام وهل جربت الموضوع دة قبل كدة

[medooo333]

انا مظبط زوايا ومرصص الجنوط والخراطيم سليمة والخزن شغالة --بخصوص مكن الزجاج دا بيبقى جاى استيراد استعمال خارج و غالبا بيكون بتاع التويوتا لانه احسن مكن ودا تلاقية عند بتوع الزجاج او عند بتوع الاستيراد وانا كنت مركب الاثنين شامل ثمنهم وتركيبهم 250 ج-دا من سنة ونصف تقريبا... و بتاع الزجاج يركبه.......شكرا لاهتمامك

[midomizo]

انا مظبط زوايا ومرصص الجنوط والخراطيم سليمة والخزن شغالة --بخصوص مكن الزجاج دا بيبقى جاى استيراد استعمال خارج و غالبا بيكون بتاع التويوتا لانه احسن مكن ودا تلاقية عند بتوع الزجاج او عند بتوع الاستيراد وانا كنت مركب الاثنين شامل ثمنهم وتركيبهم 250 ج-دا من سنة ونصف تقريبا... و بتاع الزجاج يركبه.......شكرا لاهتمامك

بس انا الصراحة معرفش حد ركب لادا الا ولازم يقول موضوع الحدفة مع الفرامل دة بس كل المشاكل المزكورة دى طبيعية جدا عد صوت العفشة دة طب معلش ممكن توضحلى موضوع الصوت بتاع العفشة دة وطالع منين تو مع المشى العادى ولا الجرى او ازاى وعايز اعرف بس انت ركبت مكن الزجاج عند مين او اسم ورقم المحل بسالجبتة منة واشكرك جدا لسرعة الرد

[ahmedemad15]

بسم الله الرحمن الرحيم
اخى العزيز بالنسه للحدفه اذا كانت العربيه بتحدف على طول فدا عاوزه ظبط زوايا
لو مع فرامل بس يبقى دا عيب تيل فرامل ممكن تغيره او ساعات بيبقى عليه زيت يعنى نضفه بس
اما الصوت اللى بيطلع دا ممكن ما يبقاش عفشه ازا كانت عربيتك جديده ومتهيألى هيبقى حاجه فى عامود الشكمان
انا كانت عندى اصوات من نص العربيه من تحت وددتها لبتاع الشكمان لحمهولى من النص ولالصوات اختفت

[sobhysm]

أنا كان عندى حدفة شمال مع الفرامل فى البولونيز وقعدت فترة لحد ما بالصدفة قلت أضبط هوا الكاوتشات أتارى العجلة الشمال الامامية كان ضغطها 10 بس ولما ضبط الهوا كلة على 30 الحدفة مع الفرامل ما بقتش موجودة

[romeo_6887]

نضف الكاربيراتير
ظبط زوايا
ربط العفشه

[zahra]

بالنسبة للتدوير الصبح أحسن حاجة جربتها أنك تشد الشفاط للّاخر و تدوس على البنزين مرتين ثلاثة للاّخر و بعدين تدوير, إن شاء الله تقوم من تانى أو ثالث مرة على أكثر تقدير. و بعد ما تسخن شوية رجع الشفاط مكانه لجوة تانى, و اصبر اللادا دى عربية مقرفة, و ربنا يصبرنا و يقدرنا على مشاكلها

[medooo333]

بالنسبة للخبطة الميكانيكى لقى الصامولة بتاعة البلى بتاع الفردة الشمال قدام سايبة وربطها وقاللى هتمنع الخبطة -هى صحيح خفت شوية لكن لسة موجودة اناتهيالى انها من الدريكسيون عشان اما اجى اهز الدريكسيون اسمع خبطة برضة -الصراحة احتارت ---

[mmzyan]

بالنسبة للتدوير الصبح أحسن حاجة جربتها أنك تشد الشفاط للّاخر و تدوس على البنزين مرتين ثلاثة للاّخر و بعدين تدوير, إن شاء الله تقوم من تانى أو ثالث مرة على أكثر تقدير. و بعد ما تسخن شوية رجع الشفاط مكانه لجوة تانى, و اصبر اللادا دى عربية مقرفة, و ربنا يصبرنا و يقدرنا على مشاكلها

ممكن حضرتك توضح فين الشفاط ده .... اعذرنى اصل انا لسه جايب العربية قريب ده حتى انا مش عارف فين زرار الانتظار

[medooo333]

[frame="2 60"]الشفاط اسفل الدريكسيون يمين زرار اسمر مدور تشدة لفوق لتسخين العربية ولما يبقى مرفوع لمبته تقيد فى التابلوه علامة قريبة من حرف h تقريبا وبعد ما تسخن العربية تنزله مكانه تانى ....[/frame].......

[ah79]

لا انصحك بالمرة استخدام الشفاط نظرا لانه من الممكن يتسبب في تلف البوجيهات سريعا....اما زرار الانتظار خلف طارة الدريكسيون علي اليمين وهو زرار دائري الشكل وعليه علامة مثلث الانتظار