عايز أشترى لادا فبماذا تنصحونى ؟

[ramadan272]

هذه هى مشاركتى الاولى معكم وأتمنى ان تعتبرونى ضيف خفيف عليكم

انا عايزى أشترى سيارة لادا مع العلم
1 - هذه ستكون أول سيارة بالنسبة لى
2- الميزانية المرصودة لا تزيد عن 25 الف
3- عايز سيارة ماتكنش مصاريف تشغيلها كبيرة يعنى مش كل شوية عند الميكانيكى أو الكهربائى
4 - ما يكونش الموديل قديم
فبماذا تنصحونى ؟

[smsm061274]

انا كنت فى مثل ظروفك وقمت يشراء لادا 2105 95 بمبلغ 22500جم
وقمت بتغيير اشياء فيها بمبلغ 2000جم كاوتش وعلبع دريكسيون
لكن للاسف العربيه كل اسبوع تقريبا عند الميكانيكى بمشاكل مختلفه وغريبه واعتقد ان هذا هو حال السيارت القديمه

[ahmedsamir79]

حاول تجيب 2105 حالتها كويسه
وربنا معاك

[Mustafino]

شوف حاجة 128... هتكون أفضل فى رأيى فى حدود السعر المذكور... و ربنا يوفقك.... د. مصطفى

[Truman]

اللادا مش مناسبة كسيارة تتعلم عليها أحسن تبتدى ب 128 أو 127

[mmzyan]

هكلمك عن تجربة قوية جدا.... انا خدت راى ناس كتير فى الموضوع ده و الكل نصحنى اجيب جديد بس انا حسبتها لقيت ان المستعمل امتن و مصاريف تشغيلو هتكون قليلة بس للاسف لما جبت المستعمل ندمت جدا و قولت ياريت كنت جبت جديد ؟؟؟ حاول المبلغ اللى معاك تجيب حاجة جديده و تكون سعرها مناسب و تقسط الباقى ده احسن ميت الف مرة من المستعمل اللى ممكن تلاقى فيه مشاكل كتير

[Abdm]

هكلمك عن تجربة قوية جدا.... انا خدت راى ناس كتير فى الموضوع ده و الكل نصحنى اجيب جديد بس انا حسبتها لقيت ان المستعمل امتن و مصاريف تشغيلو هتكون قليلة بس للاسف لما جبت المستعمل ندمت جدا و قولت ياريت كنت جبت جديد ؟؟؟ حاول المبلغ اللى معاك تجيب حاجة جديده و تكون سعرها مناسب و تقسط الباقى ده احسن ميت الف مرة من المستعمل اللى ممكن تلاقى فيه مشاكل كتير

طالما دى أول عربية ليك وأنت لسة بتتعلم وأول مرة تسوق يبقى الآفضل تبتدى بمستعمل هو أيوة هيقرفك شوية لكن أنت مضطر علشان لسة أول عربية الزيرو هتبهدلة معاك وهتزعل علية أوى لازم تكون متمكن من السواقة الآول . أو تأخذ كورسات سواقة كتيير مش أقل من كورسين تلاتة يعنى حوالى 20 ساعة سواقة أوحسب مدى أستعابك وتعلمك للسواقة بسرعة ولازم تشترى زيرو بعد الكورسات على طول علشان السواقة ممارسة فى الآول كدة ممكن تتنسى بسرعة لازم تلحق الكورسات بعربية بعديها على طول وأنت سخن وممكن تشترى ماروتى زيرو وسعرها 38000 أوكسر زيرو 30000 جنية

اللادا مش مناسبة كسيارة تتعلم عليها أحسن تبتدى ب 128 أو 127

فعلا دية أفضل وأحسن وأريح عربيات تبتدى بيها السواقة لو ناوى على مستعمل فى الآول

[smsm061274]

اللادا مش مناسبة كسيارة تتعلم عليها أحسن تبتدى ب 128 أو 127

بصراحه فعلا لنا تعبان من قياده السياره وبحس انى سايق دبابه مش عربية

[hadado]

هكلمك بصراحة بص يا سيدي لو عايز عربية عشان تتعلم عليها يبقى اللادا احسن اختيار هتستحمل معاك الخبط و كل حاجة و الناس هتبقى ماشية خايفة منك d:

[د.محمود صلاح]

توكل على الله وهاتها حالة نظيفة وابحث عن خيارات أخري مثل البولونيز وال 128 والفليشيا

[aymansaad]

اكيد تكون حالتها كويسه وميكانيكى وعفشجى يشفها واكتر من واحد

[osamram]

مع احترامى لكل الردود السابقة ورغم أننى أركب سيارة لادا 2107 وموديل 2006 ، إلا أننى أنصح حضرتك نصيحة صادقه واسئل واستشير من تختار من الميكانيكية بعد ردى هذا :
مبلغك هذا يصلح لشراء سيارة 131 بحالة ممتازه وبأقل من هذا المبلغ أيضاً لهذا ابحث عن سيلرة 131 موديل ثمانينات تكون فابريكه من الداخل على الاقل وياسلام لو ربنا وفقك فى سياره بها موتور cl تبقى كده احسنت الاختيار فمزايا هذه السياره 131 كثيرة ( واسعه جداً من الداخل - عفشه بسيطة وشديدة التحمل - شكل جميل يصلح للتعديل إذا شئت - يمكن إضافة الكماليات بسهوله عن اللادا مثل البور والتكييف وغيره ) من الاخر مثل الشاهين عند الاهتمام بها .
أنا كنت عاوز اشتريها قبل اللادا بس فضلت اللادا علشان موديلها عالى ولكن مع الوقت والطرقات وزحمة القاهرة ومطباتها وثقل دركسيون اللادا اكتشفت انى كنت غلطان مش مهم الموديل المهم الحالة ومواصفات السياره .