طلب استشاره عاجله_بخصوص النيفا_

[Alymany_1]

السلام عليكم ورحمه الله وبركاته
بعد التحية
رجاء اشيروا عليا
معروض عليا عربه نيفا مو84
معاها حاجتها (موتورها_تكيف_فتيس غرس_كاوتش_الخ)
مالكها يقول انه تم رفعها 10 سنوات
لم تعمر
وبها كاوتشها الاصلي
ولم تغير عفشه او حتي اي سير بالموتور اوترش لادواخل
ولاحتي وش خارجي.
فتيسها وحتي كلاكسها
وبها سنتر لوك وولف
وزجاج كهربا
_ _ _
وعند الكشف عليها بأحد البنزينات
_كالتكس عباس_
ولا انصحكم بها
الفحص كامل لم ياخذ ربع ساعه
بصه عند الرفع وكشف كمبيوتر
ويسمونه كشف كامل _
المهم قالوا الموجود بها
بارومه خفيفه تحت الرفارف
وبارومه عند العتبه
وخبطه في اسفل الشاسية يسارا
ولحام اسفل احد الرفارف الخلفية
وقيموا الموتور بأنة يحتاج تظبيط
واجمالي حالته
60 %
_ _ _ _
مطلوب فيها 16 فبماذا تنصحوني
_ _ _ _
وهل هذا الكشف بالبنزينة كاف!
وهل حاله الموتور
%60
جيده وبالتقريب متي سأحتاج عمره موتور_تقريبايعني_؟
والبارومه دي ليها حل وخبطه الشاسيةهل تؤثر في ثمن العربه؟
وهل حاجتها لم تغير شئ ميزه ولاعيب
(عفشه مثلا يقول لم يغير بها إلا جلده مشفاكر اسمها وبيضها الاصلي)
_اقصد راح تفتح بقها يعني _!؟
_مع العلم ان العربه ماشية وثابته علي الطريق وصاحبها بيشد عليها _بيجيب سرعه 100ك/س وبيقول مش عايز يذود بس علشان الرادار_
ومبتسخنش بسهوله بيقف مره واحده بس في مشوار مصرالعريش_400ك_
===============
خلص الكلام
بأنتظار الرد
والتفصيل ان امكن
_بسرعه بالله عليكم_

[Alymany_1]

بانتظار الردود
جزاكم الله خيرا

[amr5500]

اعتقد انها ماتساويش المبلغ ده
وكمان موضوع الخبطه اللي في الشاسيه شئ يقلق
حاول تشوف حاجة احسن من كده

[Alymany_1]

حزاك الله خير
يا عمر علي المرور والرد

وبأنتظار ردود المشرف وباقي الاعضاء

[karemriko]

اتوكل على الله دى زيرو تجميع مصرى ب65 الف

اتوكل على الله دى زيرو تجميع مصرى ب65 الف النيفا اقوى سياره فى مصر العفشه كل 5 سنين الموتور كل 5 سنين عمره انسى نمره واحد فى الفئه بتاعتها انا مجربها

[Alymany_1]

شكرا علي الرد شباب
بس انت تقصد ايه ياكريم
اني اشبري جديد ولا اتوكل علي الله واخد المستعمله دي.
وياتري اية انسب سعر للعربية النيفا الي فوق في رأيكم بحيث اني لما اجي ابيعها مخسرش كتير.
بأنتظار باقي الاقتراحات والردود.

[karemriko]

اتوكل على الله مفيش نيفا فيها غرز غير قليل جدا ده معناه ان العربيه ديه متهلكتش وحاول تفاصل فى السعر

[Alymany_1]

كلام جميل بس بالنسبه للسعر _ _ _!

[أحمد علوان]

بص يا باشا انا دايخ على نيفا بسعر كويس ومن واقع خبرتي في اللف السعر دة يعتبر كويس بس يبقا احسن لو نزلت وعلى العموم موديلات التمنينات تعمل الكويس منها 15 او تكسرهم وربنا يباركلك ويرزقك خيرها ويكفيك شرها

[Alymany_1]

جزاكم الله خيرا علي المرور والرد

اخيshado
بس كنت عايز اقلك ان كشف البنزينه معجبنيش بس علشان الوقت_تخيل الكشف مكملش عشر دقايق_
وحاجه تاني حضرتك منين
اصل الاخ صاحب العربيه
بيقول ان الاسعار بتختلف من محافظه لأخري
يعني مثلا عندنا في الصعيد كمثال :
البيجو 504 تتراوح مابين
20 ل 30 الف
بالمثل الاخ صاحب النيفا بيقولي
ان سعرموديلات الثمانينات منها النضيفه في القاهره مابين
13 ل 20.
فهل كلامه صح!؟
_ _ _ _
وسر تمسكي بيها
اولا النيفا عربية شديده وبتستحمل
ثانيا اصل انا شايف حركتها
وثقه صاحبها في قسوته عليها ده غير ان صاحبها ده اول مالك ليها حسب كلامه ورفعه ليها عشر سنين ميحافظش !؟
_ _ _ _ _
وانا بأنتظار ردود واقتراحات بقية الاعضاء

[Alymany_1]

وبسؤالي عن الزيت
فصاحب العربه يخبرني ان نتيجه الكشف
60%
بسب ان زيت الموتور مستهلك وقارب ميعاد تغييره و بالمثل البوجيهات..يقصد كلام فاضي الكشف
فما قولكم...!?
بأنتظار الرد

[amr5500]

علي فكرة العربيه دي لو حالتها كويسه الراجل كان باعها ومااستنتش الوقت ده كله

انا من حوالي سنتين شفت عربيه نيفا تمانينات وكانت عربيه شبه زيرو وعرضت علي الراجل 22 الف وماوافقش وكان طلب فيها 25 الف وعرفت بعد كده ان باعها ب 23500
بس بصراحه ندمت اني ماخدتهاش
العربيه اللي حالتها ممتازة بتتخطف

[Truman]

النيفا المستعملة متعبة فى صيانة ألات ألجر بتاعتها فلو العربية ألات جرها (فتيس و كورونات) سلام و حالتهم كويسة يبقى خدها و توكل على الله بس هتحتاج تصرف شوية على تظبيط الموتور (واضح أن الكشف عليه كان كروته لأن موتور 60% يعنى مفوت و بياكل زيت) أما البارومة فمش مشكلة كبيرة طالما حضرتك فى الصعيد و أى عربية بالعمر ده غالبا لازم يكون فيها بارومة

[Alymany_1]

شكرا شباب علي المرور والرد
جزاكم الله خيرا