انا ناوى اشترى لادا نيفا 2009 افيدونى

[kemo1900]

العربية عاملة 33000 كم
تكيف و سنتر و باور و ازاز كهربة
اكصدمات و سلم
مطلوب فيها 45000 جنية

[kemo1900]

العربية فبريكة برة و جوة
بس ال كم زيادة
السعر مناسب ولا كتير؟

[amr5500]

انا باسمع ان النيفا المصري صناعتها تعبانه بالمقارنه بالروسي

حتي اللادا 2107 المصري صناعتها رديئة
والروسي احسن منها مليون مرة

[kemo1900]

هى صناعة مصرى بالكامل؟؟
ولا تجميع هنا بس؟

[amr5500]

اكيد داخل فيها بعض المكونات المصرية
عموما اسمع راي باقي الاعضاء
وربنا يوفقك

[ahmedemad15]

والله انا شايف ان السعر دا قليل اوى عشان العربيه انا شفتها فى المصريه الصيف اللى فات كانت عامله 65000 الف زيرو
بس سمعت ان النيفا الجديده مش كويسه عشان هيا بقت دفع رباعى والموتور بتاعها مش بيستحمل وبتسخن اكتر من اللادا العاديه دا بخلاف مشاكل العفشه وبعد دا كله مش هتلاقى حد يفهملها عشان موضوع الدفع الرباعى وفيها كمان فتيس غرس يعنى من الاخر فيها امكانيات مش على قدها
اتكل على الله وهاتلك شاهين او دايو استعمال

[ahmedemad15]

اه نسيت اقلك ان الموتور بس استيراد لكن البدى وكل حاجه فى العربيه مصرى زى اللادا العاديه ومافيش منها روسى لأن الروسى بتاعها كان بيعمل 100000 فالشركه مش بتجيبه اصلا

[kemo1900]

بعنى مش هتعيش و هتفتح بقها بسرعة ولا هتمسك نفسها بتاع 5 سنين كدة؟

[M.FOUAD]

لو ظروفك بتفرض عليك عربية دفع رباعي يبقى ممكن تجيب شيروكي 93-95 بنفس رانج السعر اللي معاك صحيح فرق 14 سنة موديل بس هتبقى راكب عربية
او ممكن سوزوكي فيتارا 99-2000 او تيريوس 99
بس منصحش بالنيفا نهائي عربية مش مطلوبة و هتتعبك في اعادة بيعها

[أحمد علوان]

بص يا باشا العربية النيفا الجديدة فيها مشاكل يعني هم مركبين فتيس الغرز بطريقة مختلفة فلو جيت تستعمله زي ما الكاتالوج بيقول هاتلاقية مختلف وفي منها ريحتها من جوة بنزين اكتر من التنك بس في ناس معاهم بيشكروا فيها بس الناي بتعلن عن بيعها في حدود 55 وانت بتقول 45 يعني في فرق يقلق الصراحة. مش دي اللي على كونتكت وليهها اكصدامات مثبوتة على الرخصة؟؟؟؟

[د.محمود صلاح]

المشكلة في متورها ال 1700 يعني ضريبة سنوية زيادة

التيريوس القديم في نفس الرينج واسهل في البيع

[kemo1900]

بص يا باشا العربية النيفا الجديدة فيها مشاكل يعني هم مركبين فتيس الغرز بطريقة مختلفة فلو جيت تستعمله زي ما الكاتالوج بيقول هاتلاقية مختلف وفي منها ريحتها من جوة بنزين اكتر من التنك بس في ناس معاهم بيشكروا فيها بس الناي بتعلن عن بيعها في حدود 55 وانت بتقول 45 يعني في فرق يقلق الصراحة. مش دي اللي على كونتكت وليهها اكصدامات مثبوتة على الرخصة؟؟؟؟

اة هية بس الحمد للة
هى اتباعت خلاص
واللة احسن عشان انا فعلا مكنتش مقتنع

[kemo1900]

الراجل اللى بيبعها طلع عيل :d
قالى هيرجع من السفر هكشف عليها
كلمتو قبل المعاد كمان
لقيتو باعها :d

[أحمد علوان]

ربنا يكرمك ويباركلك ويرزقك احسن منها ان شاء الله

بس موضوع 45 دة كان الصراحة يقلق مع ان لو اتكلمنا بالعقل بعيد عن الناس الجشعة المفروض العربية دي اساسا تتباع في التوكيل بكدة

[kemo1900]

ana kalemto ba3daha 3ashan kont nawy agebha zero
2olt as2alo 3eyobha eh bema eno khalas mesh hayed7ak 3alaia ya3ny
2ally soot el-marwe7 3aly gedan
we seir el-denamo et2ata3 wel-denamo et7ara2
wel-banzeen re7to betban lama yefawel