طلب شراء لادا 2107 روسي

[ayad2007]

انا جاد في شراء لادا 2107 روسي تكون كسر زيرو موديل 2007 او 2008 او 2009 و تكون حالتها جيدة . وسعرها مناسب حسب الأتفاق. انا من الفيوم وتليفوني هو 0119770801
ارجو المساعدة في عملية الشراء . وتسعير السيارة ولكم جزيل الشكر...:b4_048:

[ramyiar]

انا عندي عربية 2107 موديل 94 1500 cc لسة عامل عمرة كاملة للماتور و مغير اربع فرد الكاوتش و البطارية و الفرش الداخلي
انا شاريها من سنة ونص من واحد عجوز و تقريا مكنشي بيركبها
انا مكنتش بفكر ابعها بصراحة
بس عاوز اجيب حاجة يكون فيها تكييف
لو عاوز تبص علي العربية ابعتلي و احدد معاك معاد

[a7madramadan]

انا معايا لااااادا 2107 2009 روسي اينجيكشن ماشية 2036 كيلو بالظبط و لسة عاملها صيانة في التوكيل مركبلها كاسيت ال جي سيدي و سمااعات ال جي 400 وات و فرش جلد بني*بيج و شوية كماليات عالسريع اللون بني محروق او زي مابيقولو نبيتي محروق

للأمانة العربية فيها خدش خفيف 5-8 سم عند العجلة الشمال الأمامية مارضيتش احط عليه اي بوية عشان ما العبش في البوية الفابريكة و للأمانة في بوش حوالي 5-7 سم في الدريكسيون عند السرعة +120 و موش عارف السبب قد كده يمكن بسبب العربية الي ريحت على العجلة سنة و عملت خدش خفيف قدام العجلة :) بس البوش غير موجود نهائيا عند السرعة -100

اجمالي مصاريفها :
49.8 الف العربية
2.5 الف كماليات
4 آلاف رخصة 3 سنين بالتامين 3 سنين بعدة الامان (طفاية/عدة طبية/مثلث)

-(2000) جنيه استخدام
-(100) جنيه لتصليح الخدش
اجمالي 54200 هاطلب انا فيها 53 ألف لإني عاوز اشتري عربية اوبل فيكترا لقطة من واحد معرفة اول ما ابيع عربيتي ده لو لقيتلها مشتري بالسعر الي انا طالبه يا اما هاخليها لاني موش مستعد اخسر في تمنها باي حال

المشكلة الي هتقابلك معايا ان السعر موش هيناسبك لإنه غير قابل للتفاوض بالنسبالي و أنا عارف ان السعر غالي :) لو مهتم ابعتلي عالخاص و هاكون في منتهى الامانة معاك السعر غالي حبة بس العربية في حالة الزيرو

[ayad2007]

الي الأستاذ TheDieSeL:
انا كنت في التوكيل الأمل الأسبوع الماضي وسألت عن اسعار لادا2107 روسي و كان ردهم كما يلي:
موديل 2010 48500 ج ومع التفاوض ممكن توصل معاهم ل48000
موديل 2009 46500 ج وممكن توصل ل 46000ج
انا فكرت اجيب كسرزيرو علشان تكون اقل في السعر مش اغلي .

[ahmedemad15]

ايه ياعم انت عاوز 53000 فى عربيه استعملت والجديده عامله 48500 والفرق فى الترخيص والكاسيت والسماعات

[a7madramadan]

انا في ردي قولت اييه التكلفة الي كانت عليا و اني لو هابيعها هابيعها عشان اشتري عربية تانية حاضرة قدامي و عموما انا قولت اييه الاسعار الي شريت بيها و في اسكندرية عندنا سعر اللادا غلى شويتين الروسي 53 ألف جنيه زيرو في توكيل الأمل و في الشركة الهندسية 52و ماعنديش فكرة عن اسعار الوكلاء و الموزعين الصغار...ممكن يكونو اغلى او ارخص و انا قولت السعر الي انا محتاجة و قولت اني عارف ان السعر غالي و انا موش باضحك على حد باسعاري ده لو هابيع و اعتقد ان السعر الي اطلبه حرية شخصية و للشاري حرية الاختيار ...

[Abdm]

أستاذ thediesel سؤال صغير فقط للآستفسار مش قادر أفهم لية هذا السعر 4 ألاف جنية ترخيص أذاى أنا مش فاهم يا ريت حضرتك تشرح السبب أذاى وكيف ولماذا .ولا هو أكتب غلط .وشكرا

4 آلاف رخصة 3 سنين بالتامين 3 سنين بعدة الامان (طفاية/عدة طبية/مثلث)

[a7madramadan]

ده المبلغ الي دفعته لصديق والدي راح خلص كل اجرائات المرور و الفحص و جاب النمر بتاعت العربية و تأمين 3 سنين و ترخيص لمدة 3 سنين و طفاية كبيرة موش على بالي حالا كام كيلو ..+المثلث + عدة الاسعافات ... انا كنت قاعد في بيتي و هوه نزل من الساعة 7 و جالي الساعة 1:40 بالعربية بالنمر بكل حاجة :d دفعناله 4000 جنيه...انا موش فاكر ان كان في فرق كبير كعمولة يعني ... انا معظم اجرائات المرور باخلصها و انا فالبيت ... حتى رخصة القيادة جيبتها و انا في بيتي دفعتله 1000 جنيه جابهالي خلال اسبوع منغير ما ادخل المرور غير بس روحت اتصورت بس و اخدتها بعدها ب 10 دقائق و روحت ولا عملت لا امتحان كمبيوتر ولا عملي... (من مرور ابيس / الاسكندرية) ...

[ahmedemad15]

ياعم وانت فاكر فى حد ممكن يدخل الامتحان وينجح
كله بيقضيها كوسه كوسه
بس فى فرق (فى كوسه وسايط وفى كوسه فلوس)
معظمنا بيخلص كله كوسه وسايط وطبعا بندى اكراميات بتاع 50 الى 100 جنيه
لكن تقلى ان رخصه قياده ب1000 ج يبقى لمواخذه انت اضحك عليك ولا تقلى واسطه ولا كوسه
دا هيا كلها بالكوسه بالاكراميات ب210 جنيه بالكتيييييييييييييييير
وبعدين ربنا يوفقك فى عربيتك دى والجديد مافيش احلى منه

[ahmedemad15]

امال لو رخصت عربيه 2000 سى سى جديده هتدفع كام؟؟؟هههههه

[Abdm]

ده المبلغ الي دفعته لصديق والدي راح خلص كل اجرائات المرور و الفحص و جاب النمر بتاعت العربية و تأمين 3 سنين و ترخيص لمدة 3 سنين و طفاية كبيرة موش على بالي حالا كام كيلو ..+المثلث + عدة الاسعافات ... انا كنت قاعد في بيتي و هوه نزل من الساعة 7 و جالي الساعة 1:40 بالعربية بالنمر بكل حاجة :d دفعناله 4000 جنيه...انا موش فاكر ان كان في فرق كبير كعمولة يعني ... انا معظم اجرائات المرور باخلصها و انا فالبيت ... حتى رخصة القيادة جيبتها و انا في بيتي دفعتله 1000 جنيه جابهالي خلال اسبوع منغير ما ادخل المرور غير بس روحت اتصورت بس و اخدتها بعدها ب 10 دقائق و روحت ولا عملت لا امتحان كمبيوتر ولا عملي... (من مرور ابيس / الاسكندرية) ...

أنا بس عايز أنصحك نصيحة لوجه الله بالنسبة لرخصة السواقة هى فعلا مقرفة والواحد بيحتاج حد يساعدة فى أستخرجها أما رخصة العربية دية سهلة ومجرد أجراءات وبتخلص بفضل الله ومش محتاجة واسطة ولآ فلوس للواسطة كل واحد بيخلصها بنفسة لو عايز حد يساعدك قول يا عم هياخد من 200 : 500 جنية لية هو والناس أكراميات ودة بالكتيير قوى وكل الحوار بتاع الترخيص والتأمين والضريبة والطفاية والشنطة الآسعافات والمثلث بيكلف بالنسبة لعربيتك حوالى 1500 لثلاث سنوات قول بالمصارف بتاعت الشخص اللى هيساعد يبقى 2000 جنية . أذاى هو ياخد 2000 جنية تانى زيادة عمولة يعنى كدة وصلة فى حدود 2500 جنية عمولة أذاى ولية كدة يبقى حرام عليك ومش مظبوط . راجع نفسك وما تكررش الموضوع دة تانى ولو تعرف ترجع حقق رجعة .أنت ممكن تروح المرور بنفسك وتسئل للتأكد عن كل حاجة وأبقى ذود على اللى المرور هيقولهولك 500 جنية للراجل هتلاقى الحسبة كلها فى حدود 2000 جنية ذى ما قولتلك
وربنا يكفينا شر خلقة ويبعد عننا ولاد الحرام ويسترها معانا ويوقفلنا ولاد الحلال . والله الموفق

[a7madramadan]

اووووووووووف ...... انا والدي هوه الي اصر يتعامل معاه قال يعني معرفة وبتاع .... انا طوول عمري لا باحب الرشاوي ولا الوساطات .... الراجل اخد 4000 جنيه و ادى الورق بتاع كل حاجة لوالدي ... ايـــــــوووه دا الواحد اتحرق دمه انا ما اعرفش ان الموضوع بالمبالغة دي .....عموما دي اول عربية اجيبها في مصر...


....... وبالنسبة لرخصة السواقة انا ماروحتش المرور غير علشان اتصور و آخدها بعدها ب10 دقايق موش اكتر ... الراجل رح و ظبط مع نفسه الكشف الطبي و كل حاجة ماطلبش مني غير صورة بطاقة و شهادة قيد بالكلية ......بعدها باسبوع و نص اتصل بيا قالي تعالى للمرور اتصورت و روحت بالرخصة .....برضه ال 1000 جنيه كتييييييييير ؟؟؟؟؟؟

[أبو صلاح]

في واحد صاحبي وهو عضو معانا هنا بس للاسف غير نشيط
هو معاه لاداد 2107 موديل 2007 فابريكة دواخل ومعظم الخوارج

حالة ممتازة وصيانات بالتوكيل

لو ليك مزاج ابعتلي

[Abdm]

اووووووووووف ...... انا والدي هوه الي اصر يتعامل معاه قال يعني معرفة وبتاع .... انا طوول عمري لا باحب الرشاوي ولا الوساطات .... الراجل اخد 4000 جنيه و ادى الورق بتاع كل حاجة لوالدي ... ايـــــــوووه دا الواحد اتحرق دمه انا ما اعرفش ان الموضوع بالمبالغة دي .....عموما دي اول عربية اجيبها في مصر...


....... وبالنسبة لرخصة السواقة انا ماروحتش المرور غير علشان اتصور و آخدها بعدها ب10 دقايق موش اكتر ... الراجل رح و ظبط مع نفسه الكشف الطبي و كل حاجة ماطلبش مني غير صورة بطاقة و شهادة قيد بالكلية ......بعدها باسبوع و نص اتصل بيا قالي تعالى للمرور اتصورت و روحت بالرخصة .....برضه ال 1000 جنيه كتييييييييير ؟؟؟؟؟؟

يا باشا حقك عليا وأنا أسف جدا انى زعلتك . ربنا يصلح حالنا و يعفو عنا ويغفر لنا ذنوبنا .وبالتوفيق أن شاء الله

[ahmedlada]

السلام عليكم
أ permalink انت نسيت حاجه صغيره فى تسعير سيارتك
ان اول لما بتركب نمر للسياره تقريبا بتنزل مش اقل من 5000 جنيه عن سعرها الاصلى حتى لو ماتحركتش من المرور بس انت حاول تتفاوض شويه كمان علشان تستفيد وتعرف تجيب العربيه اللى انت عايزها وشكرااااااااااا