لاداوى و افتخر

[medooo333]

السلام عليكم-يا جماعة السيارة اللادا اثبتت انها سهل ممتنع بعد العيوب اللى ظهرت فى ماركات عريقة و محترمة زى تويوتا-هوندا-فولكس فاجن-نيسان-فورد.... اذن اللادا بحالها ده تعتبر سيارة عملية من الطراز الاول وسهلة فى صيانتها ولا تقارنها بهذ السيارات حيث انها من فئة سعرية مختلفة عنهم ولا يوجد بها اى كماليات مثلهم -انا اقصد ان اللى معاه لادا يحمد ربنا عليها لانها سيارة مثل اى سيارة تمشى على 4 عجلات حتى لو فيها عيوب وكلنا عارفينها قارن عيوبها باللى ظهر فى الماركات الاخرى تلاقيها بسيطة -لهذا كل لاداوى يخفر بسيارته----------

[ahmedlada]

طبعا نفتخر وتكميلا لحديثك
حمارتك العارجه ولا سؤال اللعين
خصوصا وانت طالع من الشغل ليلا او حد تعبان عايز يروح المستشفى او غيره

[د.محمود صلاح]

حقك تفتخر ,, سعر قطع الغيار ,, قبول بنزين 80 ,, ماسكة سعر وسوق ,, تدخل بيها في صاج التخين ,, تقدر تسافر بيها الأقاليم وأي حته في مصر لأن الكل بيفهم فيها ,, تركنها في أي مكان بدون خوف عليها,, مواصفات لا تجدها في أفخم الأنواع الغالية

[M.ABDEEN]

حقك تفتخر ,, سعر قطع الغيار ,, قبول بنزين 80 ,, ماسكة سعر وسوق ,, تدخل بيها في صاج التخين ,, تقدر تسافر بيها الأقاليم وأي حته في مصر لأن الكل بيفهم فيها ,, تركنها في أي مكان بدون خوف عليها,, مواصفات لا تجدها في أفخم الأنواع الغالية

كلام سعادتك مظبوط ومقنع تماما

[mmffor]

في برنامج توب جير اتكلم عن للادا قال. بطيئه جدا و تسارع في الضياع بس بودي حديد . و بعدين قال سياره تكنولوجيا ايطالي من السبعينات (اساسا هيه فيات 125) محرك روسي من الثمانينات و تجميع مصري ايه المتوقع منها طبعا!!!

[thegoodhacker]

في برنامج توب جير اتكلم عن للادا قال. بطيئه جدا و تسارع في الضياع بس بودي حديد . و بعدين قال سياره تكنولوجيا ايطالي من السبعينات (اساسا هيه فيات 125) محرك روسي من الثمانينات و تجميع مصري ايه المتوقع منها طبعا!!!

اسمحلي هو الراجل ما قارنش العربية اللادا باي عربية تانية هو بيقول الحمدلله ان اللادا رغم انها علي قدها مفيهاش عيوب خطيرة زي اللي حصلت في العربيات التويوتا كورولا ...... وبعدين اللي بيركب لادا بيركبها علشان عربية عائلية و قوية و قطع غيارها رخيصة مش علشان التكنولوجيا ولا قوة موتورها ولا تسارعها ..... والاختلاف في الراي لا يفسد للود قضية

[smsm061274]

الصراحه العربيه كويسه لو اتزبطت صح
حلاوتها انك تسافر بدون خوف خلافا للسيارت الفارهه

[ahymad]

وكمان ممكن تتروش

[midomizo]

افهم بقا تتروش ازاى دنا حاسس ان معايا زلطة مش عربية

[ahmedsamir79]

بصراحه هي عربيه عمليه

[gomangy]

مكنش غني ليا نجم الاغنيه الشعبيه عدويه

اللادا يا عشاق اللادا

[fanjary]

أنا ناوي أشتري لادا 2104 إستيشن إيه رأيكم

السلام عليكم ورحمة الله وبركاته
الأخوة الأعضاء المحترمين
الحقيقة كلامكم عن اللادا أعجبني جداً
ولذلك قررت بإذن الله تعالى أشتري عربية لادا لأنها بالفعل هي التي تناسب شوارع بلدنا وكمان صيانتها وقطع غيارها متوفرة ومعقولة
المهم : معروض عليا سيارة لادا 2104 استيشن وكما يقول صاحبها موتور وعفشة جيدة جنوط سبور غاز طبيعي مواصفات خليجية تحتاج مصاريف تصليح للفتيس والكرونة حوالي 1500 جنيه
ولذلك أرجو الإفادة والمساعدة في تقييم سعر الشراء العادل لهذه السيارة وماهي الأشياء المطلوب التركيز عليها في السيارة خلال الفحص والشراء ، وكذلك أرجو من الأعضاء المحترمين يفيدوني عن أسعار قطع الغيار لأنني سمعت من المنتدى أن قطع غيار اللادا 2107 هي نفسها 2104 والفرق إن 2104 استيشن فقط ، فهل الكلام ده صحيح ولا لاء ، وإيه رأيكم بارك الله فيكم

[smsm061274]

موديل كام يا زعيم