الحقوني يا رجالة اللادا المحترمين

[abdallah23]

الاخوة الاعزاء
سلام الله عليك
اولا اشكرك على عرضك للمساعدة انا عندي مشكلة في الفتيس الصبح اول ما بمشي زي الفل بعدها لما العربية بتسخن واقف مثلا في اشارة واجي ادي الاول يدخل في الحارة بالعافية ويقفش جامد جدا لحد ما انزلة بالعافية وكمان في المارشدين يعمل صوت عالي جدا وينتش وبعدها بفترة وجدت الغيار التاني تقيل وهل اغير زيت الفتيس مع العلم بأن السيارة لادا 2107 موديل 2008 وانا مشاويري صغيره جدا والعداد عامل 14000 فقط رجاء الافادة للاهمية وانا كشفت على الزيت من شهرين كان كويس

[SHNORY]

زيت الفتيس بيتزود يا باشا مش بيتغير
الا كل 80 او 100 الف كيلوا تقريبا
جرب تزوده
وجرب تعلي الدبرياش شويه لو ينفع يعلا
وقولنا النتيجه واحنا حنتابع معاك

[smottalib]

اكشف علي ماستر الدبرياج و الخراطيم المتصلة به

[مواطن مصرى]

1- اكشف على زيت الفتيس و الكورونا و زودهم لو ناقصين (الفتيس زيت 90 و الكورونا زيت 140)

2- شوف الخراطيم اللى طالعه من ماستر الدبرياج اخبارها ايه

3- دواسه الدبرياج نفسها خلى ميكانيكى يعملك رجلاش و يظبط ارتفاعها علشان لما تدوس عليها تاخد المشوار بتاعها صح

[a7madramadan]

تاكسي ساكن جنبي حصلت معاه نفس المشكله .... قالي غير ديسك او اسطوانه تقريبا انا موش فاكر كلامه بالظبط علشان ماكنتش مهتم بكلامه الصراحة ....وقالي المشكله دي شائعة جدا جدا وعربيته 2008 روسي...

[M.ABDEEN]

مراجعة زيت الفتيس
الكشف على الاسطوانة والديسك وصندوق التروس
لو الميكانيكي فكلك الفتيس وحله في حاجة جوه ميكانيكية اسمها الغويشة لها خصوص بنقل الغيارات والتروس ممكن تسبب الموضوع ده لانه كان حصل عندي وغيارها
مراجعة ماستر ورجلشة الدبرياج

[mohamed2002]

اعتقد ان الدبرياج محتاج يعلا شوية وراجع الزيت بتاع الدبرياج

[nimo.mimo]

هذا إجتهاد منى و لكن اسأل ميكانيكى خبرة أفضل منى أكيد
من الآخر اكشف عليها و لو محتاجة طقم دبرياش ما تستخسرش لأن و ظيفة الدبرياج هى أنه يتحمل الهلك و الإجهاد نيابة عن الفتيس لذلك هو مصمم لأن لو حدثت مشاكل يقوم الدبرياج هوا اللى يتاكل مش الفتيس و من وراه الموتور لذلك لو تساهلت مع اسطوانة الدبرياج و مشيتها أى حاجة أى كلام , هتهلك الفتيس و الموتور على الفاضى.

فلو الميكانيكى قالك كلمة دبرياج , اسطوانة , فتيس , ديسك , إختصر السكة و غير طقم الدبرياج بالكامل و إن شاء الله ترجع عروسة زيرو تمام

[nimo.mimo]

دوة فيديو بيشرح عمل الدبرياج , الدبرياج فيه اسطوانة لما بتدوس على بدال الدبرياج بيفصل اسطوانة الدبرياج عن عدة الموتور عشان يغير ترس السرعة فى الفتيس و لمت تشيل رجلك الإسطوانة ترجع تانى على الموتور و توصل ترس الفتيس بالموتور و فى آخر الفيديو حتلاقى الراجل بيوضح اسطوانة دبرياج منهكة تماما و لا يوجد بها أى أجزاء كلها إتبرت , إما بسبب سرعة عالية على نقلة فتيس صغيرة أو التحميل على بدال الدبرياج كثيرا.

[youtube]http://www.youtube.com/watch?v=QzIhQcrb20M[/youtube]