زيت فتيس90 بسرعة

[gebreel]

الاقي فين يا جماعة زيت فتيس 90 للادا السمارة ال2004 انا دايخ و مش لاقيه ياريت الافادة سريعا

شكرا يا جماعة

[مواطن مصرى]

أى بنزينه تعاون او موبيل او شيل هتلاقى عندهم زيت فتيس 90 موجود و متوفر

و للا حضرتك تقصد عايز بنزينه تغير فيها زيت الفتيس بزيت 90 ؟!

[gebreel]

أى بنزينه تعاون او موبيل او شيل هتلاقى عندهم زيت فتيس 90 موجود و متوفر

و للا حضرتك تقصد عايز بنزينه تغير فيها زيت الفتيس بزيت 90 ؟!

انا كنت لسة مغر طقم دبرياج و الزيت في التفريغ و التعبئة تاني وقع منو شوية و بقى المقياس عند الmin و عاوز ازود زيت الفتيس و العربية بتاخد ال90 اللي موجود في كل البنزينات متعدد الدرجات 85 الى 140 انا اللي عاوزو 85 الى90 لقيتو عند واحد بتاع زيوت شل 90 في جركن لكن تزويدو عاوز مشوار للميكانيكي
مفيش اللي في البنزينة يتزود بالمسدس بتاعهم ده على طول

[yaserbasha2000]

مفيش في اي بنزيه زيت 90 بالمسدس وحتي لو قال فيه متصدقش انا اتقرصت من الموضوع ده هات الزيت 90 جراكن و علي مهلك لاقرب ميكانيكي

[مواطن مصرى]

انا كنت لسة مغر طقم دبرياج و الزيت في التفريغ و التعبئة تاني وقع منو شوية و بقى المقياس عند الmin و عاوز ازود زيت الفتيس و العربية بتاخد ال90 اللي موجود في كل البنزينات متعدد الدرجات 85 الى 140 انا اللي عاوزو 85 الى90 لقيتو عند واحد بتاع زيوت شل 90 في جركن لكن تزويدو عاوز مشوار للميكانيكي
مفيش اللي في البنزينة يتزود بالمسدس بتاعهم ده على طول

للاسف زيت فتيس 140 هو اللى منتشر اكثر و بيتزود بالمسدس فى اغلب البنزينات لانه بييجى فى براميل كبيره و اللى بيستخدمه العربيات القديمه و التاكسات و عربيات الدفع الخلفى (زى اللادا و الشاهين مثلاً) لكن فيه كذا بنزينه ممكن تشترى منهم زيت 90 فى جركن صغير او علبه 1 لتر (هتشترى علبتين او اكثر حسب سعه زيت الفتيس عندك) و يحطوه هما عندهم فى مكان تغيير الزيوت مقابل انك تدفع 5 او 10 جنيه للولد بتاع البنزينه اللى بيغيره مع ملاحظة ان لو معندكش طبه فى كارتيره الفتيس (زى اللانوس مثلاً) فلازم ترفع العربيه علشان تنزل الزيت القديم و تشترى جوان كارتيره علشان تقفل الكارتيره تانى

عندك مثلاُ :
بنزينه التعاون اللى فى الدقى (ناصية ش مصدق)
بنزينه شل فى ش الهرم (اول ش الهرم من ناحيه الجيزه امام الخزان)
بنزينه شل فى مصر الجديدة (ناصية ش دمشق)
بنزينه موبيل (اسو) فى الاوتوستراد (امام مستشفى المقاولون العرب)

[gebreel]

الف شكر يا باشا تعبتك معايا

انا الحمد لله جبت جركن اسو لتر من عند واحد بتاع زيوت جنبي في مدينة نصر و زودت الزيت لأني كنت عاوز ازود مش اغير و الدنيا بقت تمام و الحمد لله