لادا 2105 موديل 82 متظبطة

[msrawy]

ازيكو انا عضو جديد اسمي احمد مصراوي عندنا عربية لادا موديل 82 و انا مواليد 90 يعني عندنا من قبل ما اتولد بصراحة شديدة انا بحب العربية دي اوي لان انا متربي فيها دلوقتي بابا سبهالي ليا و لاخويا من حوالي سنتين و انا وللة شديت مع عربيات كتيير و مفيش حد عرف يعديني ابدا علي شارع الهرم لكن طبعا علي الطريق السريع طبعا انتو عارفين الي بيحصل انا هنا علشان اقول ان الادا اكتر عربية تخييط الناس في الزحمة وللة كنت بعمل بيها حاجات متتعملش مرة لفت بينا 6 مرات علي شارع الهرم بسبب غرزة ميتة اوي لكن الحمد للة جت سليمة انا دلوقتي بشدها و ناوي اجيب جنوط اسبور حد يقولي الجنوط ال14 غلط ولا مايتفرقش كتير ضروري حد يرد عليا علشان انا نازل بعد 5 ايام اشتريهم
علي فكرة المنتدي دة جامد كييييك

[msrawy]

معلش و هل ان الكويتش الرفيع و العريض بيفكك العفشة ولا اية

[د.محمود صلاح]

حط مشاركتك في قسم التعديل وهناك هيجاوبوك على اللي انت عاوزه ...

[zigzag2001]

يابو حميد علي مهلك الجري والله ما ليه لازمة انتا متعرفش مين ممكن يطلعلك فجاة حد يكون بيعدي علي رجلية ولا حاجه ربنا يكرمك ومبروك علي التزبيط

[sakrquraish]

انا عندي برده واحده موديل 1983 و عاملة 150000كم و 1300 سي سي
ياترى ممكن يركبلها تكييف ياباني و انا على العموم بعمل 30 - 40كم في اليوم بالكتير
ياربت رأيكم و التكاليف و هل حيأثر على اداء العربية.