لادا سمارة

[Superdriver]

هي السماره فيها تكييف في كل الموديلات واخباره ايه

السمارة بدون باور للأسف
الكماليات هي زجاج كهربائي أمامي و سنترال لوك فقط
و التكييف إختياري (يعني تزود 3000 جنيه على السعر و التوكيل يركبهولك ساندن ياباني، أو ممكن تركبه إنت بره التوكيل عند ديافيا مثلاً و هيكلفك نفس المبلغ وضمان 3 سنين)

[Superdriver]

هوا سعر السيارة كام
و توكيل شركة الأمل بيقولو مووش حلو
و بصراحة مووش عارف كل ما قول لحد بفكر أجيب لادا يقعد يزعقلى مع انى شايف ان عربية ب 54000 و فيها باور و تكيف و انجيكشن أى حاجة تانية رفاهية فارغة مووش عارف

ياريت الرأى لأن الناس زهقونى و شكلى كدا لا حجيب عربية و لا غيرو

سعر التوكيل: 52000
معرض السقا للسيارات بمصر الجديدة عارضها ب 50500
العربية غير متوفرة باور ستيرنج

[khaledamin]

ابعد عن التوكيل

كل قطع الغيار موجودة عند التجار مش محتاج للتوكيل

[nimo.mimo]

مشكورين يا جماعة على الإهتمام و جزاكم الله خيرا كثيرا

طيب هل يوجد مراكز خدمة محترمة متخصصة فى اللادا يعنى الواحد يروح و هما يكونوا كويسين يكشفوا على العربية و يربطوها و يشحموها و كدة أنا ممكن أروح مرة كل شهر معنديش مشكلة , بس يارب يكون مركز أمين و محترم

الحاجة التانية أنا بافكر فى النيفا لأنها جيب عالية ورخيصة و سمعتها دوليا محترمة و ثقة , بس معرفش عنها حاجة و معرفش حد يعرف عنها حاجة , فياريت لو حد يعرف يقول ربنا يكرمكم جميعا.

[gebreel]

مشكورين يا جماعة على الإهتمام و جزاكم الله خيرا كثيرا

طيب هل يوجد مراكز خدمة محترمة متخصصة فى اللادا يعنى الواحد يروح و هما يكونوا كويسين يكشفوا على العربية و يربطوها و يشحموها و كدة أنا ممكن أروح مرة كل شهر معنديش مشكلة , بس يارب يكون مركز أمين و محترم

الحاجة التانية أنا بافكر فى النيفا لأنها جيب عالية ورخيصة و سمعتها دوليا محترمة و ثقة , بس معرفش عنها حاجة و معرفش حد يعرف عنها حاجة , فياريت لو حد يعرف يقول ربنا يكرمكم جميعا.

بص يا باشا العربية مش معقدة خالص و ممكن اي ميكانيكي يشتغل فيها و بالتالي مش محتاج مراكز صيانة معتمدة ولا بتاع فبالتالي لو عندك ميكانيكي كويس روحلو و الدنيا تبقى تمام ان شاء الله

بالنسبة للنيفا مش عارف بس شكلها مش حلو و عربية تقيلة اوي اتقل من ال2107 بس الجديدة معرفش عنها حاجة

[nimo.mimo]

بص يا باشا العربية مش معقدة خالص و ممكن اي ميكانيكي يشتغل فيها و بالتالي مش محتاج مراكز صيانة معتمدة ولا بتاع فبالتالي لو عندك ميكانيكي كويس روحلو و الدنيا تبقى تمام ان شاء الله

بالنسبة للنيفا مش عارف بس شكلها مش حلو و عربية تقيلة اوي اتقل من ال2107 بس الجديدة معرفش عنها حاجة

جزاك الله خيرا يا أخى , بس مشكلتى إن دى أول عربية أجيبها فى حياتى و أنا عندى 30 سنة و ما فهمش فى حوارات الميكانيكية و أول الكلام و آخر الكلام و خلص الكلام و الكلام ده , بس أنا حاسس ان فيه ورش اسمها معروف و محترمة ممكن الواحد يروح هناك و يلاقى خدمة محترمة أحسن من التوكيلات الألمانى , بس أنا ماعرفش لا ميكانيكى و لا مركز أنا أبيض يا ورد

[gebreel]

بص ده عادي و محدش فينا اتولد على دريكسيون ولا بيتعامل مع ميكانيكية لكن انا مثلا اتلطيت كثير و اضحك عليا كثير و اتعلمت من ده و في نفس الوقت الوالد ربنا يباركلوا و يديلو الصحة يا رب كان كل ما ينزل للميكانيكي ياخدني معاه لحد ما دلوقت بقيت انا اللي بنزل للميكانيكي بنفسي و لوحدي و مع اصحابي كمان فحاول لو ليك صاحب ليه في العربيات تاخدو معاك تنزل معاه و تشوفو بيتعامل ازاي مع الصنايعية و هكذا

و بردو متضيعش حقك في الضمان هو اه التوكيل فيه كل العبر بس يكفي انك معاك ضمان للعربية و في عند حماية مستهلك لو حصل حاجة تطلع عينهم و تاخد حقك غصب عنهم

و ربنا يكرمك و يوفقك ان شاء الله و طمنا قررت تشتريها ولا لأ

[أحمد علوان]

طب يا جماعة اية رأيكم في لادا سمارا 88 الصاج بتاعها حالته كويسة وسليمة دواخل وعايزة رشة نظافة من برا وتظبيط في العفشة دي تتجاب على الحالة دي ولا لأ وتعمل كام هي 2 باب مش واحد

[amt]

السلام عليكم ورحمة الله وبركاته
دي أول مشاركة ليا على نايل موتورز وحبيت اشترك في الحوار عن السمارا
احنا عندنا 2 سمارا واحدة 88 اتنين باب وواحدة 95 4 باب هي عربيات كويسة جدا ( معايا من 2000) مشكلة العربيات دى في الكربراتير مقرف حبتين وسريع الانسداد وفي حاجة جواه اسمها المعجل ودى غالبا لو باظت بتحتاج تغير الكربراتير كله ومحدش يخدعك ويقولك طقم اصلاح والكلام ده اعرف ناس غيرت الكربراتير خالص وشغال تمام ، دى حاجة
الحاجة التانية اهم شئ فى العربية دى انها تكون مضبوطة كهربا يعنى دايرة الكهربا بتاعتها تمام وخصوصا علبة الفيوز الامامية لازم تكون نظيفة جدا ومعزولة عن المياه لأن مكانها سخيف جدا وبيدخلها ميه على طول

غير المشكلتين دول العربيه محترمة جدا ، قطع غيار متوفرة جدا جدا ومش غاليه ، يبان عليها التظبيط والترويق جدا ممكن جدا يركبلها تكييف وسنتر وزجاج كهرباء ومش محتاجة باور لأن دركسيونها خفيف جدا
أغلب العربيات دى مش متهانة ومش هتلاقي منها راشش دواخل
بس حاسب من القنطرة الأمامية لأنها بتكسر مكان الركب وممكن تلاقيها متلحمة ومتبهدلة

أهم حاجة قبل ما تشتري انك تعرف ان العربية دى مش بياعة يعنى محدش بيحب يشتريها ، يعنى ممكن يبدى عليها الـ 28 وده جهل وتخلف طبعا لأن مفيش مجال مقارنة اساسا
يعنى لو حبيت تبيع مش هيكون بسهولة لأن مش هيشتريها الا اللى عارفها وعايز يركب سمارا بالذات ودول مش كتير

عموما اتمنى اكون أفدت حد من كلامى وأخيرا قطع الغيار موجودة كمان في أول فيصل عند محمد لادا وجمال لادا

[amt]

بالكتير تعمل 14 ألف
لاحظ انك هتصرف وخلى ميكانيكى كويس يشيك على الموتور والفتيس ( مهم جدااااااا )

[sssss6001]

انا معاى لادا سماره 2003 تقفيل روسى ممتازه حاله كويسه عرضه للبيع لونه فضى بحاله جيده كل قطع غيره موجوده الحمد الله 0106056381