السيارة لاد نيفا

[nimo.mimo]

السلام عليكم و رحمة الله و بركاته,

أنا بافكر أشترى عربية لادا نيفا 2010 فى معرض أوتوماك اللى جاى إن شاء الله
و كان عندى بعض الأسئلة أرجوا الإجابة عليها
0- هل السيارة و أجزائها الأساسية روسى أصلى أم تستورد من دولة أخرى , إيرانى أو اندونيسى مثلا؟
1- هل السيارة استيراد أم تصنيع محلى؟
2- لو تصنيع محلى ماهى العيوب الجوهرية بالسيارة إن وجد؟ (ميكانيكا أو شاسيه و ليس بلاستيكات)
3- بالنسبة للعفشة هل فيها مشاكل زى اللادا 2107 بيض الدريكسيون أو المساعدين أو الكرونة , بيبوظ بسرعة مثلا أو أى مشاكل من هذا النوع؟
4- مشاكل السخونة و خلافه؟
5- السرعة المثلى لقيادة السيارة بثبات إن شاء الله على الطريق؟
6- تكلفة ترخيص الموتور 1700 سى سى سنويا كام؟
7- تكلفة البنزين على ال 100 كم؟
8- هل بها بارو فى الدريكسيون و إنجيكشن فى الموتور؟
9- عنوان أفضل مراكز خدمة , توكيل أو غيره؟

مع العلم إنى أفضل سيارة مثل النيفا لأنى ساكن فى حلوان و باشتغل فى الدائرى و الطريق كله مدقات و فحت و ردم و مشاريع بنية تحتية للركب , فأى ملاكى ضعيف و أى دفع رباعى غالى طحن.

و شكرا مقدما لكل من قرأ و أجاب على أسئلتى الطفولية التى تنم عن جهل تام بكل شئ

[2faster]

متاااااااااااااااااااااااااااااااااابع
باهتماااااااااااااااااااااااااااااام

[د.محمود صلاح]

كل اللي اعرفه ان قيمة الضريبة السنوية لأكثر من 1600 سي سي بيكون من 200 - 1000 ج على حسب الموديل بخلاف المصاريف الأخرى والتامين الإجباري .

[nimo.mimo]

شكرا لك 2faster و لك د.محمود صلاح على الردود

أرجوا أن يجيب الزملاء الآخرون على أى من الأسئلة مش لازم كل الأسئلة

يارب الأسئلة كلها يتم الإجابة عليها إجابات نموذجية يارب

[elassar2010]

انا ماشفتهاش غير مرة واحدة فقط طبع موديل 2009

[nimo.mimo]

هية الأسئلة صعبة أوى كدة

[M!NA]

0- هل السيارة و أجزائها الأساسية روسى أصلى أم تستورد من دولة أخرى , إيرانى أو اندونيسى مثلا؟
1- هل السيارة استيراد أم تصنيع محلى؟
2- لو تصنيع محلى ماهى العيوب الجوهرية بالسيارة إن وجد؟ (ميكانيكا أو شاسيه و ليس بلاستيكات)
3- بالنسبة للعفشة هل فيها مشاكل زى اللادا 2107 بيض الدريكسيون أو المساعدين أو الكرونة , بيبوظ بسرعة مثلا أو أى مشاكل من هذا النوع؟
4- مشاكل السخونة و خلافه؟
5- السرعة المثلى لقيادة السيارة بثبات إن شاء الله على الطريق؟
6- تكلفة ترخيص الموتور 1700 سى سى سنويا كام؟
7- تكلفة البنزين على ال 100 كم؟
8- هل بها بارو فى الدريكسيون و إنجيكشن فى الموتور؟
9- عنوان أفضل مراكز خدمة , توكيل أو غيره؟

أنا هجاوب على اللي أعرفه بس...

الأجزاء روسي... و التجميع محلي...
العربية فيها باور... و تكييف... و الموتور انجكشن مش كاربراتير...

مركز الخدمة هو توكيل الأمل... و على ما أسمع أنه سيء جدا...


لو عايز رأيي الشخصي... بنفس الفلوس اللي هتجيب بيها نيفا زيرو... هات فيتارا 4 باب 1600 سي سي موديل قديم....

عربية ياباني و تكييف تحفة و 4x4 و هتأدي الغرض بتاع عبور المدقات و الشوارع المكسرة... و كمان موفرة في البنزين و الضريبة و فيه منها أوتوماتيك...

أهم حاجة... تدور على الحالة الصح.... تشوف عربية واقفة على حيلها... و حالتها ممتازة...

[nimo.mimo]

شكرا يا مينا على الرد جزاك الله خيرا

[أحمد علوان]

انا مع رأي الاستاذ مينا في موضوع انك تجيب فيتارا مع اني عاشق للنيف بس الجديدة 64 الف يعني مبلغ وكمان هاتضطر تحطلها بنزين 90 يعني مكلفه في مصاريف التشغيل وفي الترخيص هاتبقا في شريحة عليه عشان موضوع انها 1700 وكمان موديل جديد لكن لو نيفا قديم هي نفس الشكل وتجيبها وتظبطها وممكن تسقطلها موتور تيوتا ديزل 2000 سي سي تيربو تشارجر هاتبقا حكايه لكن لو بالمبلغ ده الفيتارا تجيبها الاربعة باب اتوماتك تكييف وباور وكمان 4*4 يعني تحفه بس تدور وتستلقت حاجة كويسه وربنا يوفقك وتلاقي اللي انت عايزة

[nimo.mimo]

انا مع رأي الاستاذ مينا في موضوع انك تجيب فيتارا مع اني عاشق للنيف بس الجديدة 64 الف يعني مبلغ وكمان هاتضطر تحطلها بنزين 90 يعني مكلفه في مصاريف التشغيل وفي الترخيص هاتبقا في شريحة عليه عشان موضوع انها 1700 وكمان موديل جديد لكن لو نيفا قديم هي نفس الشكل وتجيبها وتظبطها وممكن تسقطلها موتور تيوتا ديزل 2000 سي سي تيربو تشارجر هاتبقا حكايه لكن لو بالمبلغ ده الفيتارا تجيبها الاربعة باب اتوماتك تكييف وباور وكمان 4*4 يعني تحفه بس تدور وتستلقت حاجة كويسه وربنا يوفقك وتلاقي اللي انت عايزة

شكرا يا استاذ أحمد لإهتمامك و جزاك الله خيرا كثيرا

أنا وجهة نظرى لو النيفا الجديد زى القديم و جامد زية يبقى أجيب جديد لأنى لو جبت قديم حاصرف عليه ضعف سعره و حلاقى نفسى طلعت لقرب سعر الجديد بس بعد ما يكون زهقنى

علشان تعرف أنا بافكر فى إيه , أنا بافكر أجيبها زيرو و أعتمد عليها انشاء الله و لما تقدم أبتدى معاها دورة التسقيط و الشد و الفرن و البوية .... إلخ

بس المهم اللى نفسى أعرفه فى منها روسى أصلى و لا لأ

دى وجهة نظرى و منتظر رأى حضرتك باهتمام :)

[telep]

اخي الفاضل انا كان معايا نيفا موديل 84 وشفت النيفا الحديثه موديل 2009 و2010
صدقنى مافيش فرق- اللي يخليك تدفع 64الف في نيفا جديدة لا ادفعهم في فيتارا او ادفع نصفهم في تريوس موديل 2000
او لو انت غاوي نيفا شوف حاجه استعمال موديل تمانينات اوتسعينات تكون اساسياتها كويسه ساعتها حيكون تمنها من 15 الي 20 الف ولو صرفت عليها 5 الاف حيكون معاك نيفا ممتازه زي الجديده عشان كده انصحك بلاش تدفع المبلغ ده في نيفا جديدة
واتمنى لك التوفيق