ازاي

[mnshawki]

مساء الفل ممكن حد يقولي ازاي اعرف العربيه الروسي من المصري

[engaass]

المصرى
1600سى سى
الوان ميتاليك
كماليات
السعر اقل من الروسى حوالى 3000 جنية
التقفيل هايبان جدا
الروسى
1500 سى سى
الوان غالبا نبيتى او زيتى او بتنجانى او ابيض فقط
بدون كماليات
فرق التقفيل واضح
اعتقد ان دى كل الفروق والله اعلم

[Karim_Mohy]

وفيه فرق برضو بس اكيد مش مقياس........المرايات

المرايا الصغيرة روسي والكبيرة مصري........ده عرفتها من صاحبي معاه العربية.........بس سهلة تتغير فعشان كده بقول لحضرتك مش مقياس

[د.محمود صلاح]

الروسي انجكشن والمصري كاربيراتير .... صح ولا العكس ؟

[moma333]

رقم شاسيه الروسى بيبدا ب xta اما المصرى فبيبدا ب ata وده تقريبا فى كل موديلات الادا والله اعلم

[أحمد علوان]

شكرا على المعلومات اللي في الموضوع وانا متابع

[medooo333]

الروسى 1500 والجديد انجكشن -المرايات صغيرة-بدون كماليات- الحروف على الشاسية xta -aeos
المصرى 1600 كاربيراتير-المرايات كبيرة-بها كاسيت و سنتر-الحروف fsa الالوان ميتاليك -الاكصدام به شريط جلد من منتصفه فقط............................................... ..

[a7madramadan]

الروسي 2009 و 2010 1600 سي سي متأكد 100% معايا 2009 روسي :) الناس كلها عمالة تقول 1500 لييييه :) ده حتى شككتوني و خليتوني ابص تاني في الافراج الجمركي ههههه 1600 الروسي 2009 2010

الالوان الميتاليك كلها مصري
الالوان المطفية كلها روسي
الروسي منغير كاسيت و كراسي قماش على جلد اما المصري جلد بس الروسي تحس ان الكرسيين الاماميين عاملين حتة مستطيلة أما المصري تلاقيه عامل نصف دائرة الروسي منغير سنتر لوك
الروسي مرايات صغيرة بس ممتازة و المصري كبيرة عالفاضي بش شكلها الخارجي احلى من الصغيرة
الروسي تقفيل افضل من المصري
الروسي قابل للتغيير لكاربيراتير بمقابل مادي 1000 جنيه تقريبا في التوكيل (الامل)
الاكصدام هوه العلامة المميزة لما تجيب زيرو هتلاقي المصري الامونيوم و فيه شريط جلد اسود و الالامونيا مغطيينها ببلاستيك ابيض
الروسي هتلاقيه بلاستيك اسود و فيه خط كروم (نيكل) لامع جدا و شكله شيك عن المصري


حاجة اخيرة الروسي الزيرو بييجي عليه شحم الفابريكة علشان الشحن في السفن للحماية من الماء و الاملاح والمصري اكيد لأ :)


لو الفرق بين الاتنين وصل ل 8 آلاف جنيه "طبعا في الاحلام" اشتري برضه الروسي