مساؤى توكيل اللادا(الامل)

[khaledazizeg]

بسم الله الرحمن الرحيم
ياجماعة كنا عايزين نعمل مشاكل لتوكيل اللادا لانه بجد اسوء توكيل اتعاملت معاه
وانا عندى عربية لادا كالينا بتاعت اختى مطلعة عنيا وكل يوم والتانى حاجة بايظة انا زهقت ونفسى نتجمع ونروح حماية المستهلك ونشتكية
انا تقريبا غيرت كل حاجة ماعدا الصاج واجزاء من الموتور مع انى مهتم بيها جدا جدا
فياريت الى بيشتكى من العربية والتوكيل نتجمع ونعمل رابطة ونقلب عليهم الدنيا

[د.محمود صلاح]

غيرلك كل حاجة في العربية ؟! يبقى المشكلة في العربية مش في التوكيل ..

[a7madramadan]

توكيل اسكندرية ممتاز مافيش حد بيشتكي منه في ناس بيقولو القاهرة موش قد كده .... عموما بيتهيقلي المشكلة في العربية موش في التوكيل ... ربنا يحل لك مشكلتك مع عربيتك ان شاء الله

[nimo.mimo]

كل يوم والتانى حاجة بايظة انا زهقت ونفسى نتجمع ونروح حماية المستهلك ونشتكية
انا تقريبا غيرت كل حاجة ماعدا الصاج واجزاء من الموتور مع انى مهتم بيها جدا جدا

هيا ايه طبيعة الحاجات البايظة؟ يعنى ميكانيكا ولا صالون و لا عفشة؟
و البوظان ده بسبب شوائب البنزين و الحرارة و الطريق مثلا و لا هيا حاجات بتبوظ كدة بدون مبرر؟

[khaledazizeg]

غيرلك كل حاجة في العربية ؟! يبقى المشكلة في العربية مش في التوكيل ..

على فكرة انا مغير كل حاجة برا لان التوكيل كان بيبوظلى كل حاجة فى العربية
يعنى اروح بمشكلة اطلع ب10

[khaledazizeg]

هيا ايه طبيعة الحاجات البايظة؟ يعنى ميكانيكا ولا صالون و لا عفشة؟
و البوظان ده بسبب شوائب البنزين و الحرارة و الطريق مثلا و لا هيا حاجات بتبوظ كدة بدون مبرر؟

ميكانيكا وعفشة
يعنى العربية كانت عاملة 11000كم وغيرت سير الكاتينة والتكييف والمفتاح الالكتروتى والانذار باظ وحساس الكامة وحساس الحرارة الكاوتش مغيرة عند ال20000كم ال4 اتغيروا بسبب انهم عملوا بلالين
والباور اتغير فى 6000كم
وطرمبة المياة اتغيرت عند ال13000كم
والعفشة اتغير المساعدين الاماميين بعد 16000كم
وكل حاجة فى التوكيل مكانوش عارفيين يعملوها خالص وبيستعبطوا

[khaledazizeg]

على فكرة العربية عاملة لغاية دلوقتى 35000كم

[khaledazizeg]

وطبعا مشكلة الحرارة فى الصيف والتكييف الى بيسخن العربية لدرجة انها بتضرب المياة بعد اما امشى بشوية لدرجة انى شلت الشبكة الامامية

[nimo.mimo]

وطبعا مشكلة الحرارة فى الصيف والتكييف الى بيسخن العربية لدرجة انها بتضرب المياة بعد اما امشى بشوية لدرجة انى شلت الشبكة الامامية

بالنسبة للحرارة:
1- تأكد إنك بتحط مية زرقاء أو خضراء فقط دون ماء الحنفية لأن المية المصدية بتسخن لأن جزيئات الصدأ تحتفظ بالحرارة مدة أطول أما الماء الأخضر فمقاوم للصدأ و أوعى تحط مية حنفية أبدا.
2- ركب مروحة تويوتا صرة صغيرة 8 ريشة و يغير الفيوز بتاعها فى علبة الفيوز على حسب قوتها
3- الترموستات تغيره بحيث يفصل على حرارة صغيرة فالمروحة شتغل بدرى و العربية ما تسخنش
4- غير زيت الماتور و يبقى زيت تخليقى 10000 كم أفضل من المعدنى بيريح الماتور و ما يسخنوش و الموضوع ده عايز حد خبرة ينضف الماتور عشان تنقل من زيت معدنى لتخليقى لو كنت بتعتمد على المعدنى

دى بعض النصائح اللى لميتها من المنتدى بخصوص الحرارة , و ربنا يسهل.

و المشكلة الأساسية فى اللادا إنها مواتير تقليدية تحتاج رعاية لتعيش أطول و لا يوجد أبدا ما يطلق عليه موتور حمار شغل لأن لو دية المعاملة يبقى حيضيع حيضيع حتى تشوف الدايو و اللانسر اللى الكل بيشكر فيه الناس بتستنزفه لأنه ناعم و مالوش صوت بس لما بيقع مالوش قومة و دية مشكلة اللادا فى الملاكى فى مصر لكن المشكلة دية ما تلاقيهاش أبدا فى سيارات الجيش لأن الأساس الإهتمام بالسيارة و إلا العسكرى حيضيع عشان كدة الصيانة , المعتادة , أول بأول مخلية العربيات عمرها 30 سنة و بسم الله ما شاء الله مية مية هذا و الله أعلم.

[amt]

http://www.nilemotors.net/Nile/155964-a.html

[khaledazizeg]

بالنسبة للحرارة:
1- تأكد إنك بتحط مية زرقاء أو خضراء فقط دون ماء الحنفية لأن المية المصدية بتسخن لأن جزيئات الصدأ تحتفظ بالحرارة مدة أطول أما الماء الأخضر فمقاوم للصدأ و أوعى تحط مية حنفية أبدا.
2- ركب مروحة تويوتا صرة صغيرة 8 ريشة و يغير الفيوز بتاعها فى علبة الفيوز على حسب قوتها
ان شاء الله هعمل كدة
3- الترموستات تغيره بحيث يفصل على حرارة صغيرة فالمروحة شتغل بدرى و العربية ما تسخنش
4- غير زيت الماتور و يبقى زيت تخليقى 10000 كم أفضل من المعدنى بيريح الماتور و ما يسخنوش و الموضوع ده عايز حد خبرة ينضف الماتور عشان تنقل من زيت معدنى لتخليقى لو كنت بتعتمد على المعدنى

دى بعض النصائح اللى لميتها من المنتدى بخصوص الحرارة , و ربنا يسهل.

و المشكلة الأساسية فى اللادا إنها مواتير تقليدية تحتاج رعاية لتعيش أطول و لا يوجد أبدا ما يطلق عليه موتور حمار شغل لأن لو دية المعاملة يبقى حيضيع حيضيع حتى تشوف الدايو و اللانسر اللى الكل بيشكر فيه الناس بتستنزفه لأنه ناعم و مالوش صوت بس لما بيقع مالوش قومة و دية مشكلة اللادا فى الملاكى فى مصر لكن المشكلة دية ما تلاقيهاش أبدا فى سيارات الجيش لأن الأساس الإهتمام بالسيارة و إلا العسكرى حيضيع عشان كدة الصيانة , المعتادة , أول بأول مخلية العربيات عمرها 30 سنة و بسم الله ما شاء الله مية مية هذا و الله أعلم.

انا فوجئت ان الموتور بيدخن انهاردة ورحت غيرت البوجيهات وبردة بتدخن
تقريبا الموتور فوت
مع انى بغير الزيت موبيل وان الى بيعد 10000كم
كل 9000كم
ربنا يعوض عليا

[nimo.mimo]

انا فوجئت ان الموتور بيدخن انهاردة ورحت غيرت البوجيهات وبردة بتدخن
تقريبا الموتور فوت
مع انى بغير الزيت موبيل وان الى بيعد 10000كم
كل 9000كم
ربنا يعوض عليا

هوا حضرتك بتشيك على مستوى الزيت فى مؤشر الزيت اللى فى المكنة مرة كل أسبوع أو كل سفرية , دا إجراء مهم جدا للتأكد من سلامة دورة الزيت و إنه ما بيهربش على المحرك.

و هل زودت الزيت لو بتهرب زيت , العربية محتاجة ميكانيكى محترف عشان يكشف على الموتور , رجاء ما تستهونش بالموضوع.

و ربنا يعوض عليك بالخير دائما إن شاء الله

[sssss6001]

انا بقى لسه جاى من عندهم لسه دافع 1765 فى طلمبت بنزين وفلتر بينزين عارفين دى عربيه موديل كام 2003 لادا سمار
حسبى الله ونعمى الوكيل