محدش فيكى يا مصر يعرف حاجة عن النيفا 2010

[nimo.mimo]

محدش فيكى يا مصر يعرف حاجة عن النيفا 2010 يقولى رأيه فيها إيه؟!!!

شئ عجيب

[أحمد علوان]

ممن تعدي على التوكيل وتسأل لأن اللي يعرف يعرف 2009 لكن 2010 ممكن لو حد يعرف يقولينا ولو مش كدة يا ريت حد يسأل في التوكيل ويقولنا هي هي بتاعة 2009 ولا في حاجة جديدة 2010 ولا هاتنزل الجديدة اللي هي شيفروليه نيفا

[nimo.mimo]

رحت النهاردة التوكيل و شفتها هى تقفيل مصرى هى محترمة بس ما ارتحتش كده بعد ما عرفت إنها تقفيل مصرى مش عارف ليه يمكن الكرسى كان خشن و الراجل بيحركه عشان أركب ورا و دراع الشنطة الورانية تقيل جدا اتفتح بصعوبة و لما ركبت و را الراجل رجع الكرسى قفش شوية على ما رجعه تانى حاسيت كده إنى اتحبست قلت حابات فيها و لا إيه
بس هى روسى أصلى وارد روسيا يعنى مووش إيرانى أو اندونيسى زى الحاجات اللى بنسمع عنها دا عنصر أمان كمان.

بصراحة أنا حاسيت ان الراجل البياع استغرب لما قلت له عايز أسأل عن النيفا قالى "النيفا , فيه نيفا" بس بصراحة كان راجل مهذب و ورانى كل العربية.
أنا نسيت أسأله بس واضح انها بقالها كتير منتجة يمكن انتاج 2008 تقريبا لأنى وجدت علامات صدأ خفيف على بوية دراع تحريك الكرسى بس دا صدأ عادى مووش بارومة لأن ده حديد غير معالج ضد الصدأ على عكس حديد البدى و الشاسيه.
بس هما فى توكيل الأمل مهتمين بى BYD واضحة لأن العربية الغلبانة اللادا و بنت عمتها النيفا كانوا واقفين برة كدة غلابة و متربين و نايمين جنب الرصيف قدام المعرض

بس هوا لو التوكيل يعمل Test Drive للعملاء بحيث يجربوها و يسوقوها و ياخدوا عليها و يحسوا بيها و يرتاحو ليها كده يعنى. هل فى حد فى المنتدى هنا يعرف حد فى التوكيل يظبطولنا يوم نروح نجربها و ناخد رأى بعض فيها و نعمل عنها تقرير بدل ما احنا عمالين نفتى عليها كدة كل شوية و ماحدش عارف عنها حاجة إلا اسمها بس بصراحة لو دا حصل يبقى مية مية

عموما كل شئ قسمة و نصيب و ربنا يسهل , اجرى يابن آدم جرى الوحوش غير رزقك لن تحوش , ما بأيدينا إلا الصبر و الحمد لله على كل حال.

[nimo.mimo]

ممن تعدي على التوكيل وتسأل لأن اللي يعرف يعرف 2009 لكن 2010 ممكن لو حد يعرف يقولينا ولو مش كدة يا ريت حد يسأل في التوكيل ويقولنا هي هي بتاعة 2009 ولا في حاجة جديدة 2010 ولا هاتنزل الجديدة اللي هي شيفروليه نيفا

الشيفرولية نيفا تعاون بين جنرال موتوز و شركة أفتوفاز مصنعة اللادا.
على الويكي بديا بيقولو ان المشروع بينه بدأ من 2003 و واجه صعوبات فى 2006 و رجع تانى 2007 و اقفل نهائيا فى أبريل 2008 تقريبا بسبب الأزمة العالمية و قرروا الإستمرار فى انتاج النيف التى تبلغ 33 ربيعا و قام الرئيس الروسى فلاديمير بوتين بالترويج لها فى صيف 2009 إعلانا بأن السيارة نيفا مستمرة و لن تتوقف , هذا و الله أعلم لأن الروس بيلحسوا كلامهم فى ثانية , عشان كده تلاقينى برتاح لهم
Lada Niva - Wikipedia, the free encyclopedia

[youtube]http://www.youtube.com/watch?v=3YsgG8YX7ts[/youtube]

[د.محمود صلاح]

اللي واقف سوقها هو الموتور ال 1700 ..ضريبة عالية

[nimo.mimo]

اللى واقف سوقها هوا التفكيك المحلى
إن العربية بدل ما تيجى كاملة لازم تتفكك و تيجى حتت و ما نعرفش نلزقها و نوفر و نحط خامات ضايعة و كروتة و شغل ما فيهوش أمانة الإسلام بحجة تدمير الصناعة الخارجية , لالا أقصد تنبيل الصناعة المحلية , لالالا يوووه أقصد حماية الصناعة المحلية.

[gatas]

اساتذتى الافاضل
كام ترخيص النيفا 2010 او 2009 1700 سى سى ولكم الشكر الجزيل

[nimo.mimo]

اساتذتى الافاضل
كام ترخيص النيفا 2010 او 2009 1700 سى سى ولكم الشكر الجزيل

سمعت إنه حوالى ال 1500 فى الثلاث سنوات
و العربية الزيرو من توكيل الأمل ضمانها سنتين أو 30,000 كيلو متر