الحقوا اخوكم الصعيدى

[HanyAziz]

الاخوة الاعزاء فى المنتدى تحية طيبة وبعد اليوم مر على شراء سيارتى الادا 2105 موديل 1992 اكثر من 9 شهور اشتريتها وانا محطتش مفتاح فى كونتاك عربية قبل كدة كانوا ياخدونى 4 من ولاد عمى ويطلعوا بية الجبل لابسين الجلابيب والشيلان والسلاح الابيض والاسود وكانى مخطوف يا ولداه وهاتك ياعلام تعبتهم وتعبونى سمعت منهم كلام يالله المسامح كريم افتكر انى واحد منهم قالى باللهجة الصعيدية الجافةاومال مدرس اية اللى عيقولوا علية دنت مخك تخين محصلتش فراش حتى تلاته بالله العظيم ان مكنتش تفتح دماغك ارزعك كف اخلى وشك يلزق فى الدركسيون شهرين خبط ورزع فى العربية لحد مشفت الاسفلت وهاتك يارزع وخبط ومطبات ع السريع وملفات ع السريع ولا عمرى غسلت ولا شحمت وهو جردل المية اطسها بية كل شهرين وشكرا الان وبعد كل هدة الاساءه حسيت انى العربية عاوزة تنطق وتقولى ابوس ايدك وديتى لبتاع عفشة بركب العربية كانى راكب مرجيحة واصوات غربية بسمعها فى الملفات المهم ان شاء الله جاى القاهرة تصحيح امتحانات الدبلوم عاوز اعرف احسن انواع ممكن اجيبهامن بيض وجلب مقصات ومساعدين وخلافة واية نوع الصناعة ومنين وبكام علشان عندنا فى سوهاج الحاجة غالية ومش تضيفه اسف للاطالة وشكرا مقدما للافاده

[د.محمود صلاح]

هههههه

طريقة ولاد عمك في تعليم السواقة المفروض تدرس في مدارس القيادة في مصر ...

أقترح عليك تحط مشاركتك في قسم الورشة والإصلاح وهتلاقي ردود كثيرة إن شاء الله مفيدة

[a7madramadan]

انت لو تنزل عالاسكندرية هاظبطلط احسن ميكانيكية و عفشجية هههههه ربنا يوفقك ان شاء الله و ضحكتني على قصة تعليم السواقة دي هههههههه

[HanyAziz]

هههههه

[frame="2 80"]طريقة ولاد عمك في تعليم السواقة المفروض تدرس في مدارس القيادة في مصر ...

أقترح عليك تحط مشاركتك في قسم الورشة والإصلاح وهتلاقي ردود كثيرة إن شاء الله مفيدة
[/frame] ايوه يادكتور بس ولا عمى دول حنينين وفيهم الهون شوية وممكن اصعب عليهم وكبيرهم كف اومال لوشفت ولاد عمتى تلاته بالله العظيم كانوا حطونى تحت العجل وهاتك رايح جاى رايح جاى دا واحد فيهم شافنى وانابتعلم وهو كان فى الغيط ساب الشغل وجانى يجرى كيلو وراح مدخلى دماغة جو العربية وقالى العيل الغبى يغور والله الجاموسة اللى عندى فى البيت تسوق احسن منك يلا بقى ربنا يسامح الجميع

[HanyAziz]

[frame="2 80"]
هاظبطلط احسن ميكانيكية و عفشجية هههههه ربنا يوفقك ان شاء الله و ضحكتني على قصة تعليم الانت لو تنزل عالاسكندرية سواقة دي هههههههه
[/frame] اخى العزيز شكر لك ياما نفسى اديها يومين فى اسكندرية ابلبط فيهم بعد التصيحيح بس مش هقدر لظروف عائلية وكمان العمل

[mrsailor]

الاخوة الاعزاء فى المنتدى تحية طيبة وبعد اليوم مر على شراء سيارتى الادا 2105 موديل 1992 اكثر من 9 شهور اشتريتها وانا محطتش مفتاح فى كونتاك عربية قبل كدة كانوا ياخدونى 4 من ولاد عمى ويطلعوا بية الجبل لابسين الجلابيب والشيلان والسلاح الابيض والاسود وكانى مخطوف يا ولداه وهاتك ياعلام تعبتهم وتعبونى سمعت منهم كلام يالله المسامح كريم افتكر انى واحد منهم قالى باللهجة الصعيدية الجافةاومال مدرس اية اللى عيقولوا علية دنت مخك تخين محصلتش فراش حتى تلاته بالله العظيم ان مكنتش تفتح دماغك ارزعك كف اخلى وشك يلزق فى الدركسيون شهرين خبط ورزع فى العربية لحد مشفت الاسفلت وهاتك يارزع وخبط ومطبات ع السريع وملفات ع السريع ولا عمرى غسلت ولا شحمت وهو جردل المية اطسها بية كل شهرين وشكرا الان وبعد كل هدة الاساءه حسيت انى العربية عاوزة تنطق وتقولى ابوس ايدك وديتى لبتاع عفشة بركب العربية كانى راكب مرجيحة واصوات غربية بسمعها فى الملفات المهم ان شاء الله جاى القاهرة تصحيح امتحانات الدبلوم عاوز اعرف احسن انواع ممكن اجيبهامن بيض وجلب مقصات ومساعدين وخلافة واية نوع الصناعة ومنين وبكام علشان عندنا فى سوهاج الحاجة غالية ومش تضيفه اسف للاطالة وشكرا مقدما للافاده:10d5c8w1107:

فى احد الاعضاء هنا يعرف عفشجى محترم فى عين شمس .. ممكن تتصل بيه اسمه ابوصلاح وهو راجل محترم و خدوم و قمة فى الاخلاق : انا حانقل لك مشاركته فى موضوع مشابه و ان شاء الله حايضبط لك الدنيا:
===============================================

عندي واحد برنس
في عين شمس
واسعاره مريحة وواضح بدون لف ولا دوران
على فكرة انا شفته بيشتغل في مرسيدس حديث
اي وقت تحب كلمني
0107403276

[nimo.mimo]

يطلعوا بية الجبل

طيب ما كنت جبت نيفا 4x4 أحسن

[SOBKY]

هههههههههههههههههه
انت دمك زي العسل و الله .... هم دول ولاد الصعيد بخفة دمهم .
و اللي ياكد ان الصعايدة راسهم ناشفة فعلاً ... ان ولاد عمك مازهقوش و بطلوا يعلموك السواقة .... فضلوا وراك لحد ماعلموك عالصح .. و دي دليل على جدعنة الصعايدة برضه ... و اديك جاي من الصعيد لحد بحري حدانا بالعربية اهه...
توصل بالسلامة و تصلح عربيتك و تظبطها على خير ان شاء الله .

[gomangy]

يا باشا انت منين من سوهاج وانا اوديك عند واحد نمره واحد بدل ما حرام تسافر كده بالعربيه
وانا ممكن اقابلك واروح معاك سواء لعفشجي او ميكانيكي قبل ما تسافر

[HanyAziz]

الاخوة الاعزاء فى المنتدى متشكر خالص خالص ليكم للمحبة والاهتمام ودةشى مش غريب على المنتدى وعسلة العربية فعلا مينفعش اطلع بيها برةسوهاج وهية كدة دى اخرها تروح مدرستى اوبالكتير حضانة البنوتة بنتى دنا كنت فى مرة عاوز اروح اسيوط قلت لواحدصاحبى تعالى معايا نسلى بعض فى الطريق قالى عاوزنى اروح معاك ودى العربية لبتاع عفشة الاول غير بيض وجلب مقصات ومساعدين وزبط وربط ورصرص وبعدين ديها لميكانيكى يزبطلك المكنة وهاتلها جوز كاوتش جديد ركبةقدام وبعديهاروح البنزينةاغسل وشحم وفول وتعاللى قلتلة لية احنا طالعين اسيوط ولا طالعين الجبهة قبر يلمك قول انك مشفاضى واخلص بينى وبينكم عنده حق ياما كان نفسى اخدولا عمى بالنسبة للاخ بلدياتى انا من سوهاج نفسها وتليفونى 0178347900 وشكرا