هل فعلا تم وقف تصنيع 2110 في روسيا؟؟ ام لا؟؟

[LUX]

اول حاجة احب اظهر بعد التقدير و الاحترام
لكل من بذل و يبذل مجهود
هنا في المنتدي لانه فعلا منتدي محترم :)

و مش عايز اطول عليكوا..

انا سألت عن اللادا 2110 الروسي مش المصري
في الشركة قالولي انها خلصت
و تم وقف تصنيعها في روسيا!

فلو الكلام ده صحيح ياريت
حد يفيدني
و انا متأكد ان في حد هيساعدني:p

و لو الكلام ده صحيح يبقي ايه العمل يا رجااالة
.. انا قدامي كالينا و 2111 فتنصحوني بأيه..
خصوصا اني عايز اجيب اي لادا
بس مش تكون 2107 .

مع العلم ان في ناس بتنصحني
با2111 لان قطع غيارها موجودة في كل حتة
علي عكس الكالينا
وانتوا عارفين طبعا
ان 2111 شكلها مش شبابي خاااااااااالص


وشكرا مقدما علي الردود الكتييييرة و السريعة
اللي انا متوقع الاقيها :D:D:D
_______________

[midonbtc]

بص ياباشا الكلام ده سليم 100% ولعلمك مش 2110 بس هيا الله اتوقف تصنيعها فى روسيا ..لأ دا هيا وال 2111 كمان
نصيحه ..نصيحه ..نصيحه
لو لادا يبقى 2107

لو مش ناوى على ال2107 يبقى بلاش لادا خالص
والله اعلى واعلم
ربنا يكرمك ان شاء الله

[LUX]

اللادا حلوة 2107 و لكن.....؟

شكرا يا Midonbtc علي ردك

بس فعلا هما و قفوا تصنيع ال 2110 و ال 2111؟ و ليه كده يا جماعة .

و بصراحة يا ميدو ال 2107 شكلها وحش خالص و مافيهاش كماليات زي الكالينا و 2110 و 2111.

و انا لسه محتار بين الكاينا و 2111 و ياريت حد يفيدني :(

[LUX]

زعلاان اوي

إيه يا جماعة فين الردود الكتييرة اللي كنت متوقعها منكم :(

هو الموضوع عبيط للدرجة دي؟

[TAG_Turbo0]

ممكن حضرتك جبلنا المصدر الى بيقول كده
انا الى اعرفه عن الادا انها مبتغيرش الموديلات بالسرعه

[LUX]

المصدر شركة الامل ذات نفسها و هما حتي قالولي لو مش مصدق بص علي الخبر ده في النت و هتلاقي انهم فعلا و قفوا تصنيع ال2110..

بس انا بصراحة مش مصدق زييك لأن دي مش من عوايد اللادا خاااااالص.

ومافيش حاجة في النت بتقول انهم وقفوا التصنيع بتاع ال2110 خالص و لا في نية اصلا انهم يوقفوا انتاج اي موديل بل بالعكس ده مكتوب انهم هيزودا الانتاج.

و انا مش عارف اصدق مين !!!
____________________

[tamim]

بص يا باشا
اللادا 2110 على حسب ما شفت على قناة روسيا اليوم فى النشرة الاقتصادية لها ان مصنع انتاجها فى روسيا هيوقف انتاجها فى حين تصنيعا فى اوكرانيا لايزال ينتجها
بس قوللى المصرى منها موجودة ولا اية؟؟؟؟؟؟؟؟؟

[أبومعاذ]

اللادا 2115 موجودة احسن من الكالينا و ال 2111

[LUX]

بص يا باشا
اللادا 2110 على حسب ما شفت على قناة روسيا اليوم فى النشرة الاقتصادية لها ان مصنع انتاجها فى روسيا هيوقف انتاجها فى حين تصنيعا فى اوكرانيا لايزال ينتجها
بس قوللى المصرى منها موجودة ولا اية؟؟؟؟؟؟؟؟؟

شكرا يا تميم علي ردك...و الحمد لله اني لاقيت حد بيتفرج علي روسيا اليوم لأحسن انا افتكرت اللي انا المشاهد الوحيد للقناة دية ههههههههه:D من كتر ما الناس ش عارفاها :)

طيب ماتعرفش ليه هما اخدوا القرار بتاع وقف التصنيع ده في روسيا ؟ و هل العربيات الاوكراني نفس جوده الروسي؟؟؟ ولو لاقيت اوكراني اشتري و لا لأ ؟

و اطمن الصري هناك وجود بكثرة اوي .... بس انا كنت مش عاوز اشتري المصري منها .

[LUX]

اللادا 2115 موجودة احسن من الكالينا و ال 2111

ال2115 حلوة و كل حاجة بس مشكلتها انها مش باور ستيرنج و دي مشكلة :(

و المشكلة التانيه ان ال2115 فيها شبه كبير جدا من الفيات 131 علي العكس من الكالينا و 2110

اما 2111 ؟؟؟ شكلها مش شبابي خالص .. و دي اللي عندهم:(
__________

[أبومعاذ]

فين بس ال 131 دي ما اهي امورة اهه

[electroman]

يا جماعة لادا 2110 هى نفسها لادا 2111 هى نفسها 2112 .. هى نفسها 2115 ( لادا سمارا ) .. هو هو نفس الموتور و نفس النظام فيما عدا الشكل الخارجى : لادا 2110 سيدان 2111 ستيشن 2112 هاتشباك ( موديل غير موجود فى مصر ) .. و اعتقد ان لادا كالينا
هو نفس الموتور 85 حصان مع تغيير كبير فى التصميم و فى العفشة و زيادة فى الكماليات ..

مش غريب ان يتم ايقاف موديلات اللادا القديمة الاقتصادية قليلة التكاليف اللى كانت معمولة فى زمن سابق لاهداف سياسية .. روسيا بدأت تعمل اتفاقات مع كبرى شركات السيارات العالمية فرنسية و المانية و يابانية لانتاج موديلاتها للسوق المحلى و التصدير فيما بعد ..

اغرب حاجة ان فيه احد الاحياء الجديدة يسكنه المليونيرات خارج العاصمة موسكو اصبح يمنع دخول السيارة لادا داخل الحى المغلق ببوابات بحجة ان موتورها بيعمل دوشة !!! ... شفتوا الزمن بيتغير ازاى !! .. اعتقد ان الموضوع مسألة وقت سنتين او تلاته وحيتم ايقاف انتاج كل موديلات عربيات لادا القديمة نهائيا و التركيز على على انتاج السيارات الكبرى ..

[tamim]

اهلا بيك يا lux ياجميل انت
بالنسبة لوقف التصنيع هما طبعا مش هيقفلوا المصنع ويبعوه
خليك زكى اكيد هيدخلوا عربية تانية فى خطوط الانتاج زى مثلا البريورا
وطبعا الواكرانى نفس جودة الروسى بس مش عارف انت هتلقيه ولا لأ
بس قوللى ايه اللى شدك فى العربية دى يعنى متجبش ليه فرنا او لانوس مثلا؟؟؟؟؟؟؟؟؟؟؟؟

[LUX]

يا جماعة لادا 2110 هى نفسها لادا 2111 هى نفسها 2112 .. هى نفسها 2115 ( لادا سمارا ) .. هو هو نفس الموتور و نفس النظام فيما عدا الشكل الخارجى : لادا 2110 سيدان 2111 ستيشن 2112 هاتشباك ( موديل غير موجود فى مصر ) .. و اعتقد ان لادا كالينا
هو نفس الموتور 85 حصان مع تغيير كبير فى التصميم و فى العفشة و زيادة فى الكماليات ..


كلامك صح و انا عارف كده كويس .بس الللي انا باتكلم عليه هنا فرق التصميم مش الموتور لأن الموتور و العفشة واحده في ال4 موديلات


مش غريب ان يتم ايقاف موديلات اللادا القديمة الاقتصادية قليلة التكاليف اللى كانت معمولة فى زمن سابق لاهداف سياسية .. روسيا بدأت تعمل اتفاقات مع كبرى شركات السيارات العالمية فرنسية و المانية و يابانية لانتاج موديلاتها للسوق المحلى و التصدير فيما بعد ..

ايوة زي رينو و GM;)

اغرب حاجة ان فيه احد الاحياء الجديدة يسكنه المليونيرات خارج العاصمة موسكو اصبح يمنع دخول السيارة لادا داخل الحى المغلق ببوابات بحجة ان موتورها بيعمل دوشة !!! ... شفتوا الزمن بيتغير ازاى !! .. اعتقد ان الموضوع مسألة وقت سنتين او تلاته وحيتم ايقاف انتاج كل موديلات عربيات لادا القديمة نهائيا و التركيز على على انتاج السيارات الكبرى ..

هههههههههههه لو حصل هنا في مصر موقف مماثل
يبقي هيلغوا اكتر من 99% من العربيات هنا في مصر:D
__________

[LUX]

فين بس ال 131 دي ما اهي امورة اهه

امورة و كل حاجة..انت عارف اني اول ما شفتها انبهرت و قولت في لادا كده؟

بس المشكلة انها مش باور ستيرنج ..سيمي باور و انا مش مرتاح للسيمي باور ده:(

لكن غير كده هي عربية جامدة و شكلها حلو (بس تصميمص قديم شوية) و صالونها
واااااااسع و شكله حلو .

و شكرا عي الصور;)
________