لادا كما لم ولن تراها في مصر

[krim71]

انا مقولتش ان اللادا نيفا وحشة بالعكس انا شايف اها مناسبة جداً للمهام الشاقة و كل حاجة و سعرها تحفة بالنسبة لعربية دفع رباعي .. لكن اللادا 2107؟؟؟
مميزات اللادا 2107 :
1- فيها 4 ابواب
2- فيها 4 عجل و عجلة استبن
3- فيها دركسيون
4-فيها مراية للرؤية الخلفية
5- فيها شنطة
و فيها و فيها وفيها المشكلة ان مميزاتها كتير ة بحيث ان الواحد مش قادر يعدهم
انا رديت على حكاية السعر ده في مشاركة مش عارف ليه تجاهلتها
ده حتى شوف البرايد اللي عمرها 10 سنين بتنباع ب46 الف ارخص برده و كل العربيات اللي انا قولتها دي زيرو !! و انت كل شوية تقول 50 الف رخيص على زيرو رخيص على زيرو ياعم لما احنا بنجيب عربيات زيرو علشان نواكب العصر مش علشان نعيش في القديم

الف كتييييييييير اوي على عربية زي دي روح اشتري 128 مستعمل احسن و وفر ال35 الف جنيه زيادة و بلاش تتعب سمانة رجلك الشمال و تجيب لنفسك الام الضهر و تجيب كلو في صوابع ايدك من الحرب اللي انت فيها
50 الف جنيه ممكن تجبلك عربيات حديثة موديلات جديدة و بتكنلوجيا حديثا و على الاقل تبقى حاجات تواكب العصر بدل محنا عايشين في العصر الحجري .. عندك جيلي باندا و جريت وال بيري و كيا بيكانتو و شيفورليه سبارك و كمان التحفة جاك a107 و اللي هي تقريباً احسن حاجة في السعر ده و عمرها ما تتقارن بالمرحومة اللادة 2107
و حتى فيه سوزوكي ماروتي مش جديدة اوي بقالها بتاع 15 سنة بس بالنسبة لعربية عمرها 40 سنة فعلاً الواحد يضحك و يقول هأ هأ هأ و بعدين دي ب35 الف كمان ارخص
افهم بس حاجة ... عربية زي دي الواحد يدفع فيها 50 الف جنيه مرة واحدة لييييييه؟؟؟ ده لو صرفهم في مواصلات و تكاسي يبقى ارحمله نفسياً و جسدياً و كفاية بقى تخلوا الناس يضحكوا عليكو !!
فيه عربية تتعمل من حديد؟؟ ليه رايحين الحرب .. بقى العالم كله بيتفنن ازاي يخفف وزن العربية و يخلي خامتها فايبر و بلاستك مقوى علشان العربية تبقى خفيفة و احنا بنشتري عربية معمولة من حديد التسليح علشان لو جه صاروخ ار بي جيه من جيش العدو مش تدمرش و تفضل سليمة علشان تواصل المعركة
بيقولك العربية بتجيب ال100 كيلو في 17 ثانية .. ده لو جابتها اساساً

[nimo.mimo]

على قد فلوسنا يا ريس , شعب غلبان و فقير و اللى بيمشى بالحلال لا بيجيب شقة و لا بيتجوز , متخيل العربية اللى ممكن يجيبها زيرو و محترمة و منظر لعلمك , عربية ما يسوقهاش إلا مصارع , هيئة برضوه.

موتور و عربية زيرو موديل السنة ب 50,000 أجمد من مرسيدس مستعمل عمره 10 سنين و اللى يقولك إن المستعمل تمنه فيه يبقى بيوهم نفسه أن فلوسه ما راحتش فى الأرض.

[mohamedrefaay]

على قد فلوسنا يا ريس , شعب غلبان و فقير و اللى بيمشى بالحلال لا بيجيب شقة و لا بيتجوز , متخيل العربية اللى ممكن يجيبها زيرو و محترمة و منظر لعلمك , عربية ما يسوقهاش إلا مصارع , هيئة برضوه.

موتور و عربية زيرو موديل السنة ب 50,000 أجمد من مرسيدس مستعمل عمره 10 سنين و اللى يقولك إن المستعمل تمنه فيه يبقى بيوهم نفسه أن فلوسه ما راحتش فى الأرض.

ونعم الكلام

كلام جميل

[amt]

1- اللادا بتتباع زيرو فى روسيا إنتاج 2010 نيفا و 2107 و 2105
2- اللادا اللى ب 50,000 جنيه سعر فلكى على عربية زيرو أو 64,000 جنيه 4x4

طيب شوف الفيديو دوة كده عشان تعرف قيمتها فى روسيا نفسها
العربية دية ما فيش سيارة 4x4 فى العالم قدروا يعملوها فيها كم القدرات الموجود فيها , سيارة عسكرية و مدنية فى آن واحد
الجيب و الشيروكى و اللاندروفر و الإكسبلورو لم يصمدوا زمنيا صمود النيفا 4x4 حتى الهامر اللى طلعين بيه السما فشلت عسكريا و مدنيا و تحتاج لصيانة فوق المعتاد لتظل فى الخدمة
لا توجد شركة واحدة فى العالم صمدت سياراتها مثلما صمدت اللادا فى الطرق الوعرة طوال 30 عاما صيانة معتادة

الأخ العزيز أشكر ليك تعليقك
لكن أنا باتكلم على الدول اللى خارج روسيا وأكيد حضرتك عارف ان روسيا تلااااااجة وكل انتاج العربيات مبيبقاش مهيأ لدول حارة زى مصر على الأقل العربيات مفيهاش تكييف وكمان مشكلة تعديل ثرموستات الحرارة اللى في دورة التبريد عشان العربية متسخنش وكمان وصلة المياه الساخنة اللى داخلة من الرادياتير على السربنتينة اللى جوة العربية ونوعية خامة الردياتير ...... الخ

يعنى القصة كلها شروة طماطم وإقلب على دول المواطن البسيط اللى فيها هيقبل بأى عربية يتقال عليها زيرو والسلام وبعيدها تانى العربيات دى ارخص كتير مما يتصور الناس، خطوط انتاج انتجت مئات الآلاف من العربية وجابت تكلفتها وزيادة .....
فبالتأكيد مفيش تطوير ولا تعديل في أى شئ

أما بالنسبة للنيفا يا عزيزى فدى عربية ذات استعمال خاص ومش كل الناس بتحتاجها هى عربية جامدة وذات اعتمادية عالية بلاشك
ولكن انا باتكلم على العربية اللى تلزم أى حد عادي يركبها

ومنتظر تعليقات ومناقشات الأخوة

[gazzar91]

[OVERLINE]موتور و عربية زيرو موديل السنة ب 50,000 أجمد من مرسيدس مستعمل عمره 10 سنين[/OVERLINE] و اللى يقولك إن المستعمل تمنه فيه يبقى بيوهم نفسه أن فلوسه ما راحتش فى الأرض.

مش مع حضرتك خالص في الموضوع ده.....
في بنت عندنا في الكلية معاها لادا الصندوق دي موديل جديد.. بأمانة... صعبت عليا قوي قوي قوي و هيا بتلف الدريكسيون و العربية اللي منظرها مشوه أنوثة البنت الحقيقة و محسسه اللي حواليها إنها راجل بشنب...
و بصراحة المستعمل تمنه فيه بالذات العربيات اللي الـ Resale value بتاعتها بتقع في الأرض زي الأوروبي.... بتركب عربية تحس فيها إنك ملك بأقل من ثلاث أرباع تمنها و بتصرف عليها حبة كده و خلاص بقيت مرفه!!
أنا عندي إني أعمل كده أحسن ما واحد يجي يكسر عليا و يقوللي غور بعربيتك الكشك دي.. ... مع إحترامي بس الموقف ده شفته قبل كده...
No Offence يا شباب.. و أرجوكم مش عاوز حد يزعل مني
في رعاية الله..

[nimo.mimo]

أنا عندي إني أعمل كده أحسن ما واحد يجي يكسر عليا و يقوللي غور بعربيتك الكشك دي.. ... مع إحترامي بس الموقف ده شفته قبل كده...
No Offence يا شباب.. و أرجوكم مش عاوز حد يزعل مني
في رعاية الله..

No offence at all brother it is your free point of view

المهم الحارس الله تفتكر لو واحد عمل معاك كده ربنا حا يسيبه يعدى بالمعصية اللى اتسبببت فى موت حد !!!

الواحد يتوكل على الله و يتقى الله فى نفسه و فى الطريق و ربنا حايسترها عليه إن شاء الله , أما اللى بيعتمد على كفائة السيارة و السيفتى و القصص دية فأنا أدعوه لزيارة أى توكيل لأى سيارة يتوهم انها آمنة و محترمة و يذهب إلى Accident Area منطقة الحوادث ليتأكد ان الحارس هو الله وليس التكنولوجيا.

[gazzar91]

no offence at all brother it is your free point of view

المهم الحارس الله تفتكر لو واحد عمل معاك كده ربنا حا يسيبه يعدى بالمعصية اللى اتسبببت فى موت حد !!!

الواحد يتوكل على الله و يتقى الله فى نفسه و فى الطريق و ربنا حايسترها عليه إن شاء الله , أما اللى بيعتمد على كفائة السيارة و السيفتى و القصص دية فأنا أدعوه لزيارة أى توكيل لأى سيارة يتوهم انها آمنة و محترمة و يذهب إلى accident area منطقة الحوادث ليتأكد ان الحارس هو الله وليس التكنولوجيا.

ماكانش قصدي الحوادث خالص.. ماهو أنا راكب عربية أمانها مافيش برضه.. أنا بتكلم عن مسمى العربيات دي في السوق....
كشك... كنبة.. غسالة.... فكنت بستحرم الفلوس اللي بتندفع فيها وفي الآخر عربية بيتقال عليها كل ده

[nimo.mimo]

الأخ العزيز أشكر ليك تعليقك
لكن أنا باتكلم على الدول اللى خارج روسيا وأكيد حضرتك عارف ان روسيا تلااااااجة وكل انتاج العربيات مبيبقاش مهيأ لدول حارة زى مصر على الأقل العربيات مفيهاش تكييف وكمان مشكلة تعديل ثرموستات الحرارة اللى في دورة التبريد عشان العربية متسخنش وكمان وصلة المياه الساخنة اللى داخلة من الرادياتير على السربنتينة اللى جوة العربية ونوعية خامة الردياتير ...... الخ

يعنى القصة كلها شروة طماطم وإقلب على دول المواطن البسيط اللى فيها هيقبل بأى عربية يتقال عليها زيرو والسلام وبعيدها تانى العربيات دى ارخص كتير مما يتصور الناس، خطوط انتاج انتجت مئات الآلاف من العربية وجابت تكلفتها وزيادة .....
فبالتأكيد مفيش تطوير ولا تعديل في أى شئ

أما بالنسبة للنيفا يا عزيزى فدى عربية ذات استعمال خاص ومش كل الناس بتحتاجها هى عربية جامدة وذات اعتمادية عالية بلاشك
ولكن انا باتكلم على العربية اللى تلزم أى حد عادي يركبها

ومنتظر تعليقات ومناقشات الأخوة

أشكرك على تعليقك , أنا أحب الحوارات البنائة التى يكتسب الإنسان منها الخبرة الحياتية القيمة

حضرتك كل المشاكل (البسيطة) دية حلها هنا:

http://www.nilemotors.net/Nile/125598-a-3.html#post3872746284

غير عفشة أى عربية لادا و إنشاء الله ترجع عروسة فابريقة و غير بقة عفشة مرسيدس ولا بى ام و لا دايو و لا هيونداى يدوب إنعاش مؤقت.

يعنى هية و لا أرخص عربية فى العالم تاتا نانو الهندى ,اللادا أغلى منها 10,000 جنيه بس , بس أكيد اللادا برقبتها, استنى كدة ما ينفعش , العربية الهندى دى تقريبا ما عندهاش رقبة

و برضو عربية رخيصة و فى متناول اليد دا حتى اللوجان اللى جاية من غير جمارك أصلا أغلى من 2107 إستيراد روسى كامل أو 2107 40,000 تجميع مصرى , بالجمارك يعنى شركة لادا تعملكوا إيه أكتر من كدة عشان تساعد الفقراء يركبوا عربية , دا كتير و الله

كل اللى فات ده كوم و اللى جايلك دا بقى كومين تانى تماما
إقراء الرابط اللى جاى ده كويس
www.Lada.ru/Recycling
دوة رابط شركة لادا الروسية عشان مشروع إحلال للسيارات الملاكى القديمة فى روسيا و من ضمن العربيات دية اللادا 2107 , طبعا أنا ماعرفش روسى بس كليك على أى عربية حايجيبلك عرض الجديدة مقابل القديمة

المهم إن روسيا أقوى دولة فى العالم فى تكنولوجيا الصواريخ , أسرع صواريخ فى العالم تصل إلى مدى 11,000 كم و مكونة من خمس محركات نفاثة الواحد منها إقوى من محرك طائرة حربية و سرعة الصاروخ على الأقل ماخ 14 و الماخ يساوى سرعة الصوت 1,225 كم فى الساعة إجمالى السرعة 17,400 كم فى الساعة يعنى يطلع من موسكو يوصل واشنطن فى نص القوت اللى حتاخدة من القاهرة لبوابات إسكندرية عند للقرية الذكية فى أول طريق القاهر الإسكندرية الصحراوى , و تمتلك 70 غواصة نووية (خردة) لو أى دولة فى العالم حصلت على إتنين منهم و هما خردة كدة على حالتهم حتبقى قوة ردع نووى فى منطقتها , و لديها أقوى أقمار صناعية للتجسس و الإنذار المبكر فى العالم و أكبر ردار أرضى لمراقبة التحركات العسكرية فى قارة آسيا , و تنتج أقوى طائات مقاتلة فى العالم سوخوى أقوى من ال F32 بشهادة أميركا شخصيا , و اللى أنتجت أقوى قنبلة هيدروجينية عرفت حتى اليوم طولها ثمانية أمتار Tesar وزنها 27 طن و طولها 8 متر و عرضها مترين بقوة 100 مليون طن مكعب من مادةTNT شديدة الإنفجار و استشعرت قوتها النووية على بعد 1,000 كم بهزة 7.7 ريختر ببؤرة تفجير 40 كم فى عام 1961 مما دفع العلماء الروس لتحذير الحزب الشيوعى من إدخالها الخدمة العسكرية لأمكانية تدميرها القوات المسلحة الروسية نفسها و تم وضع هيكلها حتى اليوم بالمتحف و توقفت منذ ذلك الوقت عن إنتاج مثل هذه النوعية و اكتفت بتطويرها أكاديميا لصعوبة إختبارها عمليا.

الدولة المرعبة اللى عندها كل التكنولوجيا دية , بتركب شعبها , اللى عمل التكنولوجيا دى كلها , عربيات لادا 2107 و نيفا و الشعب الروسى مبسوط و سعيد لأن الحكومة بتاعته مظبتاه و بتراعيه.

و احنا بقة اللى غلاب أصلا و على قد حالنا عمالين نتشرط لأ دى روسى لأ دى صينى لأ دى كورى لأ أنا مركبش أقل من أمانى لأ طبعا ألمانى أو انجليزى لأ امريكانى أوروبى إيه ده ..... إلخ إلخ إلخ من الحوارات اللى احنا حارقين دم بعضنا بيها دية مش محتاج أقولوكم كلنا عارفين الألبومات دية كويس.

إيه رأيك بقى ؟

تفتكر لو المصريين أصبحوا مثل الروس , علماء متواضعين يكتفوا بالقليل تفتكر مصر ممكن تبقى عاملة إزاى.
بدل ما بنضيع فلوسنا على عربيات ضعيفة ليه ما نعملش إحنا العربيات دية بتصنيع 100% مصرى و بعدين ندور على الرفاهية لكن صدقنى إحنا شعب مستعجل , أعيش اللحظة و السلام
و على فكرة أنا موش غنى أنا موظف عادى و عاندى 30 سنة و موش متزوج و موش قادر أشترى شقة و بفكر أجيب عربية و لا أوفر فلوسها أحسن بس هيا دية الدنيا السليمة اللى المفروض نعيشها شئنا أم أبينا.

و شكرا مرة أخرى يا أخى , قلبت عليا المواجع .

[mohamedrabia]

الادا يا عشاق الادا

[nimo.mimo]

ماكانش قصدي الحوادث خالص.. ماهو أنا راكب عربية أمانها مافيش برضه.. أنا بتكلم عن مسمى العربيات دي في السوق....
كشك... كنبة.. غسالة.... فكنت بستحرم الفلوس اللي بتندفع فيها وفي الآخر عربية بيتقال عليها كل ده

أولا لا تخشى فى الله لومة لائم , طالما نيتك فى العربية إنها دابة تحملك و أسرتك و تقضى بها حوائجك فى الدنيا فلا تعير الناس الحاقدة إهتمام المهم تقوى الله

أهو إحنا العرب هرينا نفسنا تنطيط و تريقة و الوطن العربى فيه أعلى نسبة سيارات فارهة فى العالم , بس المحصلة إيه , صفر

أحد العلماء العرب قال لأحد العلماء الغربيين إن العرب إكتشفوا الصفر و أخلوه علم الرياضيات فرد عليه العالم الغربى و قال له إلا أنكم لازلتم عنده , أى لم تتعدوا ذلك الصفر الذى اكتشفتموه.

و الله داحنا غلابة غلابة غلابة بس مش حاسين

[د.محمود صلاح]

ميزة اللادا هي انا ملائمة للخبطات والحكات البسيطة والموجودة كل يوم في الشارع المصري ولا يمكن تجنبها ,, أما في الحوادث الكبيرة ( حفظكم الله من كل سوء ) فلو شوفتوا اختبارات التصادم بتاع اللادا هتلاقوا الصدمة وصلت للباب الخلفي

[darsh86]

والله انا مش فاهم الباشوات اللى مش عاجبهم لادا والاستاذ للى بيقول عربيه معموله من حديد هو ده دلوقتى بقى عيب يعنى عايز العربيه تبقى من فيبر ولا بلاستيك
سواقه فى مصر عايزه عربيه زى كده بدليل انى الجديد كله مش مستحمل

[krim71]

أولا لا تخشى فى الله لومة لائم , طالما نيتك فى العربية إنها دابة تحملك و أسرتك و تقضى بها حوائجك فى الدنيا فلا تعير الناس الحاقدة إهتمام المهم تقوى الله

أهو إحنا العرب هرينا نفسنا تنطيط و تريقة و الوطن العربى فيه أعلى نسبة سيارات فارهة فى العالم , بس المحصلة إيه , صفر

أحد العلماء العرب قال لأحد العلماء الغربيين إن العرب إكتشفوا الصفر و أخلوه علم الرياضيات فرد عليه العالم الغربى و قال له إلا أنكم لازلتم عنده , أى لم تتعدوا ذلك الصفر الذى اكتشفتموه.

و الله داحنا غلابة غلابة غلابة بس مش حاسين

احنا بالطريقة دي و بكلامك ده هنفضل في مؤخرة العالم الى الابد
دابة ايه يا عم و جاموسة ايه .. على كده بقى الواحد ميجبش غير جلبية واحدة يعيش بيها ماهي قماشة تستره .. الواحد ميعش غير في كوخ ماهو سقف بيأويه .. الواحد ميكلش غير عيش و ملح مهو اكل يكفيه !!

[amt]

[QUOTE]أشكرك على تعليقك , أنا أحب الحوارات البنائة التى يكتسب الإنسان منها الخبرة الحياتية القيمة

حضرتك كل المشاكل (البسيطة) دية حلها هنا:
http://www.nilemotors.net/Nile/125598-a-3.html#post3872746284

غير عفشة أى عربية لادا و إنشاء الله ترجع عروسة فابريقة و غير بقة عفشة مرسيدس ولا بى ام و لا دايو و لا هيونداى يدوب إنعاش مؤقت.

يعنى هية و لا أرخص عربية فى العالم تاتا نانو الهندى ,اللادا أغلى منها 10,000 جنيه بس , بس أكيد اللادا برقبتها, استنى كدة ما ينفعش , العربية الهندى دى تقريبا ما عندهاش رقبة

و برضو عربية رخيصة و فى متناول اليد دا حتى اللوجان اللى جاية من غير جمارك أصلا أغلى من 2107 إستيراد روسى كامل أو 2107 40,000 تجميع مصرى , بالجمارك يعنى شركة لادا تعملكوا إيه أكتر من كدة عشان تساعد الفقراء يركبوا عربية , دا كتير و الله

كل اللى فات ده كوم و اللى جايلك دا بقى كومين تانى تماما
إقراء الرابط اللى جاى ده كويس
www.Lada.ru/Recycling
دوة رابط شركة لادا الروسية عشان مشروع إحلال للسيارات الملاكى القديمة فى روسيا و من ضمن العربيات دية اللادا 2107 , طبعا أنا ماعرفش روسى بس كليك على أى عربية حايجيبلك عرض الجديدة مقابل القديمة

المهم إن روسيا أقوى دولة فى العالم فى تكنولوجيا الصواريخ , أسرع صواريخ فى العالم تصل إلى مدى 11,000 كم و مكونة من خمس محركات نفاثة الواحد منها إقوى من محرك طائرة حربية و سرعة الصاروخ على الأقل ماخ 14 و الماخ يساوى سرعة الصوت 1,225 كم فى الساعة إجمالى السرعة 17,400 كم فى الساعة يعنى يطلع من موسكو يوصل واشنطن فى نص القوت اللى حتاخدة من القاهرة لبوابات إسكندرية عند للقرية الذكية فى أول طريق القاهر الإسكندرية الصحراوى , و تمتلك 70 غواصة نووية (خردة) لو أى دولة فى العالم حصلت على إتنين منهم و هما خردة كدة على حالتهم حتبقى قوة ردع نووى فى منطقتها , و لديها أقوى أقمار صناعية للتجسس و الإنذار المبكر فى العالم و أكبر ردار أرضى لمراقبة التحركات العسكرية فى قارة آسيا , و تنتج أقوى طائات مقاتلة فى العالم سوخوى أقوى من ال F32 بشهادة أميركا شخصيا , و اللى أنتجت أقوى قنبلة هيدروجينية عرفت حتى اليوم طولها ثمانية أمتار Tesar وزنها 27 طن و طولها 8 متر و عرضها مترين بقوة 100 مليون طن مكعب من مادةTNT شديدة الإنفجار و استشعرت قوتها النووية على بعد 1,000 كم بهزة 7.7 ريختر ببؤرة تفجير 40 كم فى عام 1961 مما دفع العلماء الروس لتحذير الحزب الشيوعى من إدخالها الخدمة العسكرية لأمكانية تدميرها القوات المسلحة الروسية نفسها و تم وضع هيكلها حتى اليوم بالمتحف و توقفت منذ ذلك الوقت عن إنتاج مثل هذه النوعية و اكتفت بتطويرها أكاديميا لصعوبة إختبارها عمليا.

الدولة المرعبة اللى عندها كل التكنولوجيا دية , بتركب شعبها , اللى عمل التكنولوجيا دى كلها , عربيات لادا 2107 و نيفا و الشعب الروسى مبسوط و سعيد لأن الحكومة بتاعته مظبتاه و بتراعيه.

و احنا بقة اللى غلاب أصلا و على قد حالنا عمالين نتشرط لأ دى روسى لأ دى صينى لأ دى كورى لأ أنا مركبش أقل من أمانى لأ طبعا ألمانى أو انجليزى لأ امريكانى أوروبى إيه ده ..... إلخ إلخ إلخ من الحوارات اللى احنا حارقين دم بعضنا بيها دية مش محتاج أقولوكم كلنا عارفين الألبومات دية كويس.

إيه رأيك بقى ؟

تفتكر لو المصريين أصبحوا مثل الروس , علماء متواضعين يكتفوا بالقليل تفتكر مصر ممكن تبقى عاملة إزاى.
بدل ما بنضيع فلوسنا على عربيات ضعيفة ليه ما نعملش إحنا العربيات دية بتصنيع 100% مصرى و بعدين ندور على الرفاهية لكن صدقنى إحنا شعب مستعجل , أعيش اللحظة و السلام
و على فكرة أنا موش غنى أنا موظف عادى و عاندى 30 سنة و موش متزوج و موش قادر أشترى شقة و بفكر أجيب عربية و لا أوفر فلوسها أحسن بس هيا دية الدنيا السليمة اللى المفروض نعيشها شئنا أم أبينا.

و شكرا مرة أخرى يا أخى , قلبت عليا المواجع . [/QUOTE]


أخى العزيز لاشك ان كل الطرق تؤدي إلى روما
يعنى كل المواضيع اللي اتفتحت هتاخدنا لنتيجة واحدة وهى تواضع المستوى الاقتصادى للمواطن في العالم الثالث وإن هو ده اللى بيخليه يقبل على العربيات دى


ثقافة الدول الشيوعية سابقا كانت بتهتم بالعملية الشديدة بغض النظر عن الرفاهية وده ناتج من الحكم المنغلق في العصور دى وإن مكانش حد بيشوف برة في ايه ولا التطور الموجود والموجه للفرد قبل المعدة وده موجود في العقيدة القتالية عندهم حتى ان المعدة تأنى قبل الفرد والسلاح قبل الجندي

أما الدول الغربية نتيجة الإنفتاح على العالم بدأوا يفكروا في رفاهية المستخدم وإن المعده بيصنعها الفرد مش العكس وإن كل مالفرد يكون مرتاح ممكن يدى أداء أكبر وبدأوا يغزوا العالم بالفكر ده وعشان كده ثقافتهم استهلاكية بشكل كبير لكن بينتجوا اللي بيستهلكوه

أما احنا يا أخى الفاضل فأخذنا أسوأ ما في المعسكرين الشرقي والغربي
ثقافة إستهلاكية من غير ما ننتج وده خلانا نقبل أى شئ جاي من برة ونعتبره شئ مقدس ( عقدة الخواجة)
ومع ظروفنا الإقتصادية التعبانة بدأنا نرضى بأي شئ كان
وطبعا ده لقى أرضية خصبة من الرأسماليين ومعدومي الذمة وبدأوا يجيبولنا أي حاجة

ملحوظة : أنا مش شيوعي .....

أنا مبعارضش اللادا كعربية أنا بقول إن الشعب ده يستحق الأفضل واللى مش هيوريهولنا حد ولا هيجيبه لنا حدلأن الناس دي بتكسب كده كويس جدا جدا جدا ...... اللهم لاحسد

[ahmad--ezzat]

50 الف كتييييييييير اوي على عربية زي دي روح اشتري 128 مستعمل احسن

لا طبعا مش احسن...انا مجرب الاتنين فى السفر
الادا اقوى وعزم الموتور افضل بكتير واعطالها اقل من 128 بمراحل دة غير انها اوسع واكبر وتتحمل اكتر