لادا كما لم ولن تراها في مصر

[nimo.mimo]

احنا بالطريقة دي و بكلامك ده هنفضل في مؤخرة العالم الى الابد
دابة ايه يا عم و جاموسة ايه .. على كده بقى الواحد ميجبش غير جلبية واحدة يعيش بيها ماهي قماشة تستره .. الواحد ميعش غير في كوخ ماهو سقف بيأويه .. الواحد ميكلش غير عيش و ملح مهو اكل يكفيه !!

مش عارف أقول لحضرتك إيه بس فلاديمير بوتين الزعيم الروسى اللى مافيش حد بيقدر يفتح بقة معاه أو يلمح عليه بكلمة فى أى قناة فضائية فى أى دولة فى العالم طلع عايش بيركب لادا نيفا و بيقول الصحفيين شوفوا أنا راكب إيه و فرحان بيها.

يمكن عشان الراجل ده عايش لأهداف أسمى من إنوا يركب عربية ألمانى مالهاش لازمة تمنها يساوى تمن 30 عربية نيفا , ممكن؟!!! ياريت تقولى !!!

[nimo.mimo]

أنا مبعارضش اللادا كعربية أنا بقول إن الشعب ده يستحق الأفضل واللى مش هيوريهولنا حد ولا هيجيبه لنا حدلأن الناس دي بتكسب كده كويس جدا جدا جدا ...... اللهم لاحسد

طب إذا كان الشعب الروسى اللى مدهول الدنيال شايف أنه ما يستاهلش و متواضع و راضى بقليلة.
بحق الله يا أخى , الشعب المصرى دوة شايف نفسه يستاهل الرفاهية و الراحة على إيه؟!!!
قلى حاجة واحدة بس تخلينا نقول, آه لا فعلا الشعب دوة عمل اللى عليه و جه الوقت إنه يرتاح.

[krim71]

والله انا مش فاهم الباشوات اللى مش عاجبهم لادا والاستاذ للى بيقول عربيه معموله من حديد هو ده دلوقتى بقى عيب يعنى عايز العربيه تبقى من فيبر ولا بلاستيك
سواقه فى مصر عايزه عربيه زى كده بدليل انى الجديد كله مش مستحمل

روح اقرا عن تكنولوجيا السيارات هتلاقي الناس بينتحرو علشان يخففوا وزن العربية و بيعملوها من الفايبر و البلاستك المقوى اولاً علشان وزن العربية يبقى خفيف و يقلل استهلاك البنزين و يقللوا سعة الماتور و يدي نفس العزم و اكتر و يقللو سعر العربية ككل و حاجات كتير جداً غلط كبير ان العربية تنعمل من حديد احنا مش داخلين الحرب
الحديد خلى اللادا وزنها تقيل و لما يكون وزنها تقيل بيبقى كمية التحرك بتاعتها كبييرة طبقاً للمعادلة
P=mv
و لما تكون كمية التحرك كبيرة برده هتبقى طاقة الحركة كبيرة و ده ينتج عنه ان العربية هيبقى صعب جداً انك توقفها و هتحتاج وقت و جهد !!
العربية لما يكون وزنها تقيل زي ما قلنا هتحتاج طاقة حركة كبيرة علشان تمشي و ده هيخلي الماتور ينهج علشان يمشيها و كمان هيستهلك بنزين اكتر علشان كده كانت منطقية ان اللادا تجيب ال100 كيلو في 17 ثانية و السرعة النهائيا 150 كيلو !!

لا طبعا مش احسن...انا مجرب الاتنين فى السفر
الادا اقوى وعزم الموتور افضل بكتير واعطالها اقل من 128 بمراحل دة غير انها اوسع واكبر وتتحمل اكتر

كل اللي هقولهولك اني مش متخيل عربية لادا تجيب ال100 كيلو في الساعة اساساً و لو جابتها هتحتاج بارشوتات علشان توقفها !!
هي ميزة اللادا في حاجة واحدة انك لو بتلعب جيم ممكن توفر فلوس الجيم و اللادا هتقوم بالواجب!!

يمكن عشان الراجل ده عايش لأهداف أسمى من إنوا يركب عربية ألمانى مالهاش لازمة تمنها يساوى تمن 30 عربية نيفا , ممكن؟!!! ياريت تقولى !!!

بص .. فيه حاجتين .. اول حاجة انا كل مرة اقوووولك فيه عربيات كتيييير احسن من اللادا بمراحل و كمان اصلاً مينفعش تقارنها باللادا خالص لانك لو عايز تقارن حاجة باللادا تجيب مثلاً فيات 132 و المشكلة ان الفيات هتكسب !!
كذا مرة اعيد و ازيد معاك اقولك يا عمي فيه عربيات بالسعر ده و ارخص و تنفع الطبقة الغلبانة و كمان تقفيل برة زي جيلي باندا و شيفورليه سبارك و سوزوكي التو و بيكانتو و ماروتي و كلهم بيأدوا الغرض برده مش ده مبدأك دابة تنقلك و في نفس الوقت تبقى عربية بتواكب العصر و فيه ب55 الف بالظبط جاك a107 و روح اسأل العربية دي عاملة ازاي او شوفها حتى العربية مش سايبة حاجة مفهاش عيب واحد !!!

تاني حاجة .. هقولك ليه الواحد بيركب عربية الماني تمنها تمن عربية نيفا .. لان ببساطة العربية دي هي بيتك التاني !! انت فوق بتبقى في بيتك الاول و في الشارع ليك بيتك برده زي ما تحب تعمل لبيتك اعمل لعربيتك تقدر تنكر كلامي؟؟ فاللي مستواه انه يبني فيلا او اياً كان يبقى طبيعي لو لاقيته معاه مرسيدس لانه عايش عيشة مفرهة !! الا لو انت بقى قصدك الناس كلها تعيش في اكشاك و الناس كلها تجيب 127 و ساعتها نقلب شيوعيين لو كنت شيوعي قولي علشان اطلع اجري من المنتدى ده !!

50 الف جنيه على عربية بتكنولجيا 1970 ؟؟ السعر المقبول للعربية دي هو 30 الف و لو 35 يبقى دي اكتر حاجة ممكن يغلوها رغم انها غالية الا ان سعرها ممكن يقبله العقل !!

[nimo.mimo]

الا لو انت بقى قصدك الناس كلها تعيش في اكشاك و الناس كلها تجيب 127 و ساعتها نقلب شيوعيين لو كنت شيوعي قولي علشان اطلع اجري من المنتدى ده !!

50 الف جنيه على عربية بتكنولجيا 1970 ؟؟ السعر المقبول للعربية دي هو 30 الف و لو 35 يبقى دي اكتر حاجة ممكن يغلوها رغم انها غالية الا ان سعرها ممكن يقبله العقل !!

دى وجهات نظر يا أخى , و كل واحد حيتحاسب يوم القيامة إن شاء الله على نيته , فى واحد غلبان عايش عيشة الغلبان و فى واحد مرتاح عايش عيشة المرتاحين و فى واحد مرتاح متواضع عايش عيشة الغلابة كل واحد له أجر عند الله.

معلش أنا آسف إنى أصدمك بالحقيقة المرة دية , هى إن مصر لسه فيها ناس عايشة عشان أهداف أسمى من إنها تعمل فلوس عشان تصرفها على فيلا أو شبكة أو مهر أو فرح أو زوجة حسناء جاهلة أو عربية أو نادى أو على أى من أوجه الترف الزائف المختلفة أو حتى تكنزها على قلبها فى البنك وديعة تعمل فوائد تؤدى لزياة التضخم و تقتل القوة الشرائية للعملة المحلية , معاك إن الناس دية حتموت من غير ما تعمل حاجة , بس على الأقل الأجر و الثواب عند الله , على الأقل حانقول يارب إحنا حاولنا .

[amt]

إيه ياجماعه .... الجو قلب شيوعي طبقي ليه كده

خلونا نتفرج على عربيات لادا مشفناهاش ولا هنشوفها في مصر عشان في ناس من مصلحتها انها تكسب مننا ببيع العربيات المكعبة عديمة التكنولوجيا دى مع العلم انها ممكن توفر عربيات بتكنولوجيا افضل كتير وبنفس الاسعار


هو ده اساس الموضوع

[krim71]

يا عم انا مش فاهم المصريين ليه بيحبوا ينسرقوا ؟؟؟ يعني هل هي هواية انهم ينسرقوا؟؟ يعني ايه الممتع لما تلاقي نفسك بتتسرق و تقول رضى و عربية رخيصة يا عم العربية سعرها المفروض ميعديش 30 الف دي لو كانت سعرها كده كنت انا اللي جبتها لكن مش معقول 50 الف يعني ده كتير اوي زيادة عن اللزوم !! معلش انا محبتش اصدمك بس انت اتسرقت يا معلم !!

[ahmad--ezzat]

كل اللي هقولهولك اني مش متخيل عربية لادا تجيب ال100 كيلو في الساعة اساساً و لو جابتها هتحتاج بارشوتات علشان توقفها !!
هي ميزة اللادا في حاجة واحدة انك لو بتلعب جيم ممكن توفر فلوس الجيم و اللادا هتقوم بالواجب!!
!!

انت بتجيب الكلام دة منين فهمنى...انا كان معايا العربيه 7 سنين....وبتجيب 100 و 130 كمان ومره جبت 145 وكان اخرها....بس لو بتسافر 120 كويسه وتقيله على الارض....ومفيش بارشوتات ولا الحجات دى.....وموضوع انها تقيله ده موضوع تعود مش اكتر

[nimo.mimo]

انت بتجيب الكلام دة منين فهمنى...انا كان معايا العربيه 7 سنين....وبتجيب 100 و 130 كمان ومره جبت 145 وكان اخرها....بس لو بتسافر 120 كويسه وتقيله على الارض....ومفيش بارشوتات ولا الحجات دى.....وموضوع انها تقيله ده موضوع تعود مش اكتر

ربنا يبارك لأصحابها فيها اللهم لآمين

[tom_gr]

هى نمرة تليفون روسيا كام يا جماعة

عاوز اكلمهم علشان اخد الجنسية الروسى

تحيا الادا مليون الف مرة
والى يقول غير كده هو حاجه من اتنين

يا غنى وربنا يزيده من فضله

يا ...... ونزهى


اما انصار الادا هما دول الشعب المصرى الاصيل الى فاهم وضع البلد الى عايش فيها وعارف حدوده كويس جداااااااااااا

يافرحتى يا هنايا اروح اجيبلى عربية ب 80 الف وبعد كام شهر الاقيها كلها خدوش وخبطات وخرابيش من بره وادفع دم قلبى فى صيانتها فى توكيل مصاص دماء او ميكانيكى حمار بودان كبيرة وديل طويل وهو مش فاهم اى حاجة ويبوظها اكتر
ولا ادفع فلوس ضرايب وتراخيص وغرامات علشان خاطر يبقى اسمى مواكب العصر

ياخى عن ام العصر ما اتواكب
انا بموت فى العصر الحجرى
وهابطل اللبس بدلة وانا سايق اللادا وهالبس فروة خروف

تحيا الاااااااااااااادا وربنا يخليكى لينا يا روسيا

[medhatdd]

انا معجب بردك واسلوبك بخصوص موضوع لادا نيفا ... انت شجعتنى اكتر على شرائها ... بس ياريت تئولى اجيبها زيرو ولا مستعملة وتدينى شوية نصائح سرية لأخوك ... من الاخر كدة معلومات من تحت الترابيزة

[tito32]

انا بدعم لادا جرانتا على مسؤلية المواقع انها هتكون ف مصر نص مارس