انضف زيت 2107 2009 محتاج رد عن خبرة

[a7madramadan]

يا جماعة انا نازل اغير زيت خلال يومين و انا اخر مرة كنت حطيت زيت اسمه ايسو و في ناس كتير قالتلي موش هوه التوب

انا عربيتي استخدامها خفيف جدا داخل المدينة ما باسافرش بره الاسكندرية و عاوز اعرف افضل نوع زيت مناسب لموتور عربيتي و موش فارق السعر كتير بس ياريت تقولو السعر برضه للفائدة ولكم جزيل الشكر :)

[jojajo]

الصراحة افضل نوع وعن تجربة ومش هتفيره بعد كدة عو فيسكو موتور اويل بس لو لقيته حاول تلف عليه كتير وعندك بردو فيسكو 2000 دة بردو حلو اووووووى وغيره مع فلتر الزيت بالمرة بس اهم حاجة يكون الموتور حالته كويسة انا معرفش اية الفكرة بس هو دة اللى بيتقال وشكرا جدا

[a7madramadan]

شكرا جزيلا يا jojajo على ردك

انا اول مرة في حياتي اسمع عن فيسكو ده :) يا جماعة حد عنده معلومة عنه ؟؟ ولو فعلا ده انضف الانواع ياريت السعر و اماكن توفره في الاسكندرية ان امكن ........

[jojajo]

هو بالنسة لسعره رخيص واحلى من موبيل وعن تجربة وسعره الجركن 4 لتر ب 57 جنيه بس الصراحة دة افضل نوع وبالنسبة فى الاسنكندرية هتلاقيه فى اى بنزينة كارجاس بس معرفش فين بالظبط وشكرا

[nimo.mimo]

و الله أعلم , خليك فى شيل أو موبيل على حسب الأنسب لأن سمعت إن تغيير نوعية الزيت مووش كويسة فغير و ثبت النوع.

[a7madramadan]

حد يا رجالة عنده اي راي تاني .... فيسكو ولا شيل ولا موبيل انا بجد محتار يا جماعة :s

[usama_gamal]

انا باستخدم فيسكو و هو ممتاز عن تجربة

[ayad2007]

انا متعود علي اسو إكسترا الرصاصي . و هو مناسب لمكنة اللادا . ومافيش منه مشاكل .

[medooo333]

موبيل الرصاصى 3000 كم ب 100ج غيره هو و الفلتر مع بعض وهو ممتاز عن تجربة

[a7madramadan]

57---100 جنيه فرق كبير بين فيسكو و موبيل ... انا شكلي هاحط موبيل بعد ما اخلص امتحانات ...... هل في حد اشتكى من موبيل ؟؟ او هل في احسن منه ؟؟؟

متشكر جدا جدا جدا جدا على ردود حضراتكم و مقدر جدا لوقتكم

[jojajo]

انا عن تجربة كنت بستعمل موبيل زغت دة وخالى العربية صوت الموتور عاااااااااااااااااااااااااااااالى اوى وغير مشاكله اللى بيخليه مش بيتوزع على باقى الموتور او حاجة زى كدة انا عن تجربة جربت الفيسكوووووووووووووووووو جامد جدا بس يارب تلاقيه

[miso8489]

حبيبى ازيك عامل ايه انا مع كل الخزه اللى رشحوا ليك فيسكو وانا بستعمله من حوالى سنه و هو مناسب لكل العربيات و انا كمان حطيته ف النوبيرا بتاعه الوالد وكنت بغير زيت ف مره و لقيت هناك عربيه 4باى 4 بتحطه وعربيات حديثه و عربيات قديمه وكله وملاكى وتاكسبات المهم و هو بيكون سايب او ف جركن و هتلاقيه ف محطات تموبن الغاز كارجاز و احث ف المنتدى هتلاقى موضوع عنه كمان
اه سعر اللتر 12.5 وهو هو اللى ق الجركن يعنى لما تحط سايب توفر حوالى 4 جنيه ف الاربعه كيلو

[ahmedandahmed]

انا اعتقد ان افضل زيت مناسب للاداهو( مصر 10000 الذهبى) وذلك حسب توصيات الوكيل .

[a7madramadan]

انا هاغير لفيسكو و ربنا يوفقني في الخيار ده و ما تواجهنيش اي مشاكل باذن الله

بس عندي استفسار اخير فيسكو في منه 2000 و 3000 و 5000 و في حاجات تانيه اختار انهي واحد ؟؟

انا بامشي في الشهر حوالي 1000-2000 كيلو بالكتير قوي ..... و سواقتي هادية و ما باضغطش عالموتور خالص وسواقتي كلها جوة الاسكندرية...... انهي واحد من الثلاثه او غير الثلاثة من فيسكو هوه المناسب ليا ؟؟ (عربيتي 2107 2009 "جايبها في ديسمبر" تعتبر جديدة ...)

و حقيقي انا متشكر جدا ليكم كلكم على مشاركاتكم و تفاعلكم

[jojajo]

بص هو افضل نوع فيسكو اللى انا جربته اللى وهو بيتغير كل 3500 كيلو متر دة اسمه فيسكو موتور اويل و الجركن ال 4 لتر بيعمل 56 تقريبا وعندك بردو ممكن تستعمل فيسكو 2000 او 3000 لكن سمعت ال 5000 مش حلو بالنسبة ل لادا علشان معدنى وشكرا