سؤال فى تكيف وباور اللادا 2107 مو 2009 مصرى

[super_mak]

السلام عليكم

اسعد الله اوقاتكم

انا كنت ناوى اجيب لادا 2107 مو2009 كامله مصرى

قابلت واحد بيأكدلى وبيجزم ان التكيف فى اللادا وخصوصا الباور زى قلتهم فى اللاداااااااااااا

فانا عايز اتاكد من المجربين ومنكم حقيقه هذا الكلام ومش مشكله تغير العربيه باعلى بس اتاكد من حقيقه هذا الكلام لانها تقفيل مصرى وفى وشنا

[nimo.mimo]

متابع باهتمام شديد , مستغرب عدم الرد!!!!

[د.محمود صلاح]

انا سألت نفس السؤال في قسم الشاهين عن الشاهين 1600 الكاملة .

قالوا ان الباور كويس

بس التكييف بدون فايدة نهائي سوء توزيع الهواء . عدم عزل الكابينة الجيد

فلو حبيت تقارن العربيتين يبقى الإجابة ( بالقياس ) واحدة

[super_mak]

فى انتظار الاجابه
وشكرا جد لردك د/محمود

[super_mak]

up-up-up-up-up

[rami_hamad]

طيب يا جماعه انا كده خوفت .... لانى كنت ناوى اركب تكييف فى عربيتى اللادا يا ريت حد يقولنا ايه هيه المتطلبات على اساس ان العربيه مجهزه ناقصها كومبريسر وفريون وايه هيه اسعار الكومبريسر واحسن نوع ... العربيه موديل 2005 روسى انجيكشن ... ؟؟

[abdallah23]

الاخوه الاعزاء
سلام الله عليكم
اولا انا عندي لادا 2107 موديل 2008 الباور فيها كويس ما شاء الله اما التكييف لا اعرف عنه شئ

[rami_hamad]

المشكله الوحيده فى اللادا انها على بيوض لو يغيرو النظام د ه ههتكون عربيه تحفه بجد ...!!! اما بالنسبه للباور فمتديهوش الامان فى الملفات الجامده علشان العفشه والبيوض ... وربنا يباركلك يا عبدالله

[norislam2004]

واحد زميلى كان معاها 2107 موديل 2005 كان فيها تكييف بيقولى مجرد مروحة دايرة و ملوش اى لازمة
وكان لما بيشغلة العربية بتسخن جامد

وانا معايا 2107 موديل 2007 لما روحت اركب ليها تكييف قالولى هيتكلف 2800ج اليابانى ومش عارف بعد ما راكبة هحس بفرق ولا لاء لان تقريبا مفيش عزل فى العربية لانى فى الشتا وان قافل الزجاج بحس ان الهوا بيدخل العربية من كل حتة

فعلا العربية دى محتاجة باور وتكييف بس يكونو كويسين فيا ريت حد يفدنا نركب تكييف ولا لاء
وشكر