محتاج رأي خبراء ..تفتيح الموتور

[a7madramadan]

وأنا باتصفح شوية مواضيع عن موتور العربية لقيت حاجة غريبة.....تفتيح الموتور أو بمعنى آخر اني امشي بالعربية على rpm عالي لفترة معينة بغرض ان العربية تقدر تجري بطريقة افضل........

انا عربيتي 2107 2009 بقالها 6 أشهر معايا ودي اول عربية ليا.. ..ماشي بيها حوالي 5700 كيلو و سواقتي أهدى مايمكن ممكن اوصل لسرعة 70 -90 كمتوسط لسرعتي بس ماباعديش3000 rpm بأي حال.....

هل انا محتاج "تفتيح" للموتور بتاعي ؟؟؟ وهل الموضوع ده ينفع اساسا لللادا ؟؟ ولا للمواتير الحديثة ؟؟

ولو انا محتاج اعمل تفتيح للموتور ياريت تقولولي الطريقة الأنسب الي ماتتعبش العربية ....يـــــــــاريت الي يقول حاجة عن الموضوع ده يكون مجربه علشان انا قلقان على عربيتي وخايف لا تكون طريقة سواقتي الهادية دي تقلل من أدءها أو تقيده.....وعلشان موش باحب اجرب فيها وهي بقالها 6 اشهر بس معايا..

[nimo.mimo]

بص يا ديزل موضوع تفتيح الموتور دوة بيعمله الناس اللى مش تعبانة فى عربياته يعنى يجيب آخر الموتور و يخليه يمشى بليونة ال 50,000 كم و هى لسه ما عملتش 3,000 كم
لأن التفتيح دوة بياكل أجزاء الموتور الضيقة , اللى كدة كدة بتوسع مع الإستخدام , بحيث العربية تسحب أسرع و تشد جامد
و دوة بيقصر عمر الموتور.

المشى الهادى عمره ما يهلك العربية , عندنا واحد سواق ميكروباص مسميينه عم 80 لأن عربيته ما بيعديش بيها ال 80 كم فى الساعة حتى مرة ظابط وقفه متجاوز السرعة قاله "و الله يا بيه أنا بيسمونى عم 80 أمشى إزاى على 98" المهم عربيته تويوتا ميكروباص موديل 2000 و لسه بسم الله ماشاء الله عايشة لغاية النهاردة تشوفها تقول العربية دية شغالة سياحة مش موظفين.

فا لما تسمع حاجة من حد شوف الأول هل الإنسان دوة تعبان فى الفلوس و لا مش فارقة معاه , عشان ما تخسرش بسببهم.

[rami_hamad]

السلام عليكم اولا ...
انا موافق mmmm فى رايو لان انتا كده بتهلك موتور العربيه لما تحرق ار بى ام اعلى وكمان حدودك فى الار بى ام فى اللادا لا يتعدى 3000 كطريقه استخدام طبيعيه ..

[a7madramadan]

انا علطووول بانقل على 2.5 تقريبا و ما باعليش عالموتور الحمد لله ...... و هافكني من موضوع التفتيح ده....انتو قلقتوني .... انا كنت باحسبه حاجة ضرورية زي التليين مثلا.........على فكرة كده انتو برضه ممكن تسموني ديزل 80 :) ما باعديش 80 خــالص غير عالصحراوي وانا رايح للتوكيل