لمالكي اللادا 2110 او2111

[hero]

يا جماعه انا عندي شوية اسئلة بخصوص الموديلين دول...
1-صوت الموتور..(عالي -مزعج- هادي - مسموع بس مش مزعج....)
2-كفاءة السيارة في التسارع
3-تحمل السيارة والعفشة للطرق الغير ممهدة ولو لمسافة بسيطة (من 1 الي 3 كم)
4-اي اعطال ظهرت بالسيارة
5-معدل استهلاك البنزين بالتكييف او بدون
6-توافر قطع الغيار
7-خدمة ما بعد البيع (الصيانة - التوكيل-الالتزام بالضمان)
8-رأي عام للسيارة....وهل لو ما كنتش اشتريتها ...ممكن تشتريها تاني ولا تجربة ولن تتكرر...


وجزاكم الله خيرا....

[birgas10]

نريدا ردا لو سمحتم

[birgas10]

نريدا ردا لو سمحتم

[Nasieem]

اقوللك يا سيدى
بخصوص 110
صوت الموتور هادىوتسارعها حلو
لسه بقالها سنة معايا بس اكيد عفشتها حديد دى لادا
وع فكرة انا انزلت بالعربية ف ارض زراعية يعنى ماتخفش عليها
الاعطال لسه ماشوفتش حاجة ربنا يستر
استهلاكها جميل العربية حقن وموديل جديد تماما عن 107
من راى السيارة تعطى كفاءة 85% بس الحاجة اللى مزعلانى بس حاجتين ان الدريكسيون مش باور اى نعم خفيف بس مش باور وان الخلفية اللى ورا مش اد كده عايزه فوانيس روسى
شكراااااا

[أبومعاذ]

بخصوص التوكيل فهو شركة الامل وهو من اسوء التوكيلات في كوكب الارض

[asdfg]

على حسب ما أعرف انت ممكن تركب باور ف الشركة ب 2500 ج.م.

اقوللك يا سيدى
بخصوص 110
صوت الموتور هادىوتسارعها حلو
لسه بقالها سنة معايا بس اكيد عفشتها حديد دى لادا
وع فكرة انا انزلت بالعربية ف ارض زراعية يعنى ماتخفش عليها
الاعطال لسه ماشوفتش حاجة ربنا يستر
استهلاكها جميل العربية حقن وموديل جديد تماما عن 107
من راى السيارة تعطى كفاءة 85% بس الحاجة اللى مزعلانى بس حاجتين ان الدريكسيون مش باور اى نعم خفيف بس مش باور وان الخلفية اللى ورا مش اد كده عايزه فوانيس روسى
شكراااااا

[egydriver]

اقوللك يا سيدى
بخصوص 110
صوت الموتور هادىوتسارعها حلو
لسه بقالها سنة معايا بس اكيد عفشتها حديد دى لادا
وع فكرة انا انزلت بالعربية ف ارض زراعية يعنى ماتخفش عليها
الاعطال لسه ماشوفتش حاجة ربنا يستر
استهلاكها جميل العربية حقن وموديل جديد تماما عن 107
من راى السيارة تعطى كفاءة 85% بس الحاجة اللى مزعلانى بس حاجتين ان الدريكسيون مش باور اى نعم خفيف بس مش باور وان الخلفية اللى ورا مش اد كده عايزه فوانيس روسى
شكراااااا

ياريت نعرف منك إشتريتها منين و بكام و الصيانة الدورية بتعملها فين و رأيك فيها إيه و يا ترى موديل 2008 فيه أي إختلاف. شكرا.

[sanmark]

ياجماعه اللادا 2110 عندى من 6 اشهر عربية ممتازه وتقفل مصرى وبلاش كلام فارغ احنا نقفل مرسيدس مش هانقفل روسى والمصنع فى العاشر فيه خبرا روس فكرى

[ahmed_m_w]

يا جماعه انا عندي شوية اسئلة بخصوص الموديلين دول...
1-صوت الموتور..(عالي -مزعج- هادي - مسموع بس مش مزعج....)
2-كفاءة السيارة في التسارع
3-تحمل السيارة والعفشة للطرق الغير ممهدة ولو لمسافة بسيطة (من 1 الي 3 كم)
4-اي اعطال ظهرت بالسيارة
5-معدل استهلاك البنزين بالتكييف او بدون
6-توافر قطع الغيار
7-خدمة ما بعد البيع (الصيانة - التوكيل-الالتزام بالضمان)
8-رأي عام للسيارة....وهل لو ما كنتش اشتريتها ...ممكن تشتريها تاني ولا تجربة ولن تتكرر...


وجزاكم الله خيرا....

1- والله هو صوت الموتور مسموع بس مش مزعج بس ده لئنى انا بشد بيها كتير انما اول مجبتها كان صوتها هادى عن كده كتير
2- التسارع فيها ممتاز جدا والحمد لله عندها استعداد كمان تقفل 180 بس الى انا جربته كان 170 على ار بى ام 3500 لفه فى الدقيقه
3- السياره مصفحه من تحت اصلا وتحملها الحمد لله فوق الممتاز عن اى عربيه تانيه ركبتها وممتازه وانا اصلا كل طرقى ظلط ورمل لئنى ساكن فى صحراء مدينه العبور
4- الى الان لم يظهر شى وربنا يسطور ولكن انا فى معلومى انها انجيكشن والهدف منه تقليل الاعطال يعنى ايه الى ممكن يعطل فى الموتور غير حاجه من الاتنين يا الرشاشات وده هيكون منى انا لئنى مش مهتم بالبنزين يعنى بمشى والتنك خلاص بيهوى او ان الكمبيوتر يبوظ وده بره هيكون منى انا لئن الكهربه عملت قفله تخليه يبوظ والحمد لله انا الى الان مشوفتش منها اى حاجه وربنا يسهل ويبركلى فيها
5- استهلاك البنزين فى الطريق السريع الحمد لله من 17 الى 18 لتر فى مسافه 220 كيلو على سرعه من 100 الى 140 وده لما كنت مسافر الاسكندريه اما فى الطرق العاديه فاكيد هتستهلك اكتر خصوصا مع زحمه مصر والطرق الواعره الى بنمشى فيها لكن هى اقتصاديا فى استهلاك الوقود 100% وخصوصا انها 1600 سى سى الاستهلاك مع التكيف مش بيكون الفرق كبير اوى هو الحقيقه انا بفول التنك مره كل 5 ايام وبامشى بالتكيف فى الحر يعنى الظهر وانا جى بس كل يوم بروح العباسيه واجى تانى على العبور يعنى مشوار يومى فوق ال 100 كيلو لئنى فى اخر العبور فى الحى التانى
6- قطع غيرها موجوده عند حمدى لادا وعند شويه ناس تانى فى الظاهر بس مش عارف اسم ليهم والحمد لله
7- التوكيل منه لله وحرامى حتى فى شوغله وبيسرق من العربيه حجات بس ده توكيل الامل مش عارف بقى فيه توكيل تانى ولا لا الله اعلم لكن انا مش بروح التوكيل بروح اعمل الصيانه مركز الصيانه بتاع الاوبل الى هو عند شارع الطيران الراجل بيعملى كل حاجه فى العربيه الحمد لله
8- العربيه زى الفل والى يقول غير كده يبقى مركبش عربيات قبل كده وانا لو مكنتش اشتريتها كان زمانى ندمان خصوصا بعد ما وقفو تصنعها والحمد لله ان ربنا خلانى اشتريها الحمد لله
شكرا جدا

[LUX]

التوكيل منه لله وحرامى حتى فى شوغله وبيسرق من العربيه حجات بس ده توكيل الامل مش عارف بقى فيه توكيل تانى ولا لا الله اعلم لكن انا مش بروح التوكيل بروح اعمل الصيانه مركز الصيانه بتاع الاوبل الى هو عند شارع الطيران الراجل بيعملى كل حاجه فى العربيه الحمد لله

ممكن تقولنا ازاي بتعمل الصيانة عند الناس بتوع الاوبل؟

وهل يرضي توكيل الامل بكده؟
وهل الكلام ده بيوقع الضمان الاصلي للعربية؟

و ايه الحاجات اللي سرقوها منك معلش :)

و علش هاطول تاني؟ اعمل ايه علشان اخلي توكيل اوبل يقبل عربية لادا"الكلام ده طبعا في حالة اذا كان ينفع " :)
و اسف للاطالة و ارجــــــــــــــــــــــــــــو الــــــــــــــــــــــــــرد
ــــــــــ

[ahmed_m_w]

لا هو حضرتك مش هتروح هناك تقولهم انك عاوز تفتح عندهم ضمان انا بقول بعمل الصيانه بتاعتها هناك مش بالضمان خالص يعنى هما بيخدو العربيه يربطوها ويكشفو عليها وكل حاجه زى التوكيل بالظبط بس على حسابك وبتغير الزيت وكده يعنى انت الى بتعمل كل حاجه على حسابك لكن ارحم من التوكيل بكتير والى اتسرق منى 1-سلك الدبرياج الاصلى بتاع العربيه الى جى معاها من روسيا وده لما قولت ان الدبرياج عالى اوى سرقو السلك الاصلى وحطولى سلك تانى خشن وتقيل ولما قولت قالولى لا هو شويه مش المشى هيبقى كويس
2-اتسرق فى نفس اليوم من واحد تانى معاه لادا 110 2006 مصرى وهو تكسى اجره يعنى اتسرق منه حساس الشكمان وكان اعد يتخانق هناك مع العمال وبصراحه التوكيل زى الزفت وخصوصا ان انا لسه مشترى منهم مرايه شمال المفروض انها بره عند حمدى لادا الاصليه الى الزجاج بتاعها اخضر عاليه عاكس يعنى دى عند حمدى عامله 150 وعند شركه الامل مش موجوده والى موجوده المصرى العاديه وعامله 154 يعنى سرقه من كله واخر قله ادب فى التعامل مع الناس يعنى الاستراحه الى المفروض الناس تعد فيها على شان يشوفو عربيتهم خلوها للعمال بتوع التوكيل والواحد ميبقاش شايف اى حاجه بتحصل فى العربيه عموما منهم لله وبصراحه توكيل شركه النصر زى اعسل بس للئسف شغال فى الشاهين و ال 128 وعموما لو حد عنده صيانه يعملها فى المكان الى يريحو انا بقول الى انا شوفه فى التوكيل وانا اصلا بطلت اروح الامل غير للحاجات الى مش موجوده بره يعنى زى المرايه كده الحجات بتاعت العربيه لو ملقتهاش بره بروح اجبها وخلاص غير كده مش هدخولو تانى لئن اصلا انا تقريبا الضمان بتاعى صقت وهو كده او كده هيصقط الشهر الجى وانا مستعملتهوش غير مره وحده ساعت سلك الدبرياج ومن سعتها مدخلتوش لكن لو حد عمل صيانه بره اكيد الضمان هيسقط والتوكيل بتاع الاوبل اصلا بيعمل صيانه لئى عربيه معادا العربيات الجيب والحجات العاليه بس كله على حسابك وانت الى تقول عاوز كذا وكذا لئن انت الى هتدفع فى الاخر مش هما بس اسعرهم رخيصه يعنى انا بربط العربيه بى 10 ج وعموما الادا ال 110 مش محتاج حاجه غير التربيط وبس الحمد لله لئن هى اصلا اعطلها نادره جدا وخصوصا انها انجيكشن يعنى لا الكربيراتير اتسد ولا الاسبريتير عاوز ابلاتين والكوندنسر ضرب مدفع كلها كهربه وكمبيوتر وخليك عارف ان الانجيكشن اى عيب فيه هيكون من اهمالك انت مش من العربيه
وشكرا وانا اسف انى طولت فى الكلام

[LUX]

لا هو حضرتك مش هتروح هناك تقولهم انك عاوز تفتح عندهم ضمان انا بقول بعمل الصيانه بتاعتها هناك مش بالضمان خالص يعنى هما بيخدو العربيه يربطوها ويكشفو عليها وكل حاجه زى التوكيل بالظبط بس على حسابك وبتغير الزيت وكده يعنى انت الى بتعمل كل حاجه على حسابك لكن ارحم من التوكيل بكتير والى اتسرق منى 1-سلك الدبرياج الاصلى بتاع العربيه الى جى معاها من روسيا وده لما قولت ان الدبرياج عالى اوى سرقو السلك الاصلى وحطولى سلك تانى خشن وتقيل ولما قولت قالولى لا هو شويه مش المشى هيبقى كويس
2-اتسرق فى نفس اليوم من واحد تانى معاه لادا 110 2006 مصرى وهو تكسى اجره يعنى اتسرق منه حساس الشكمان وكان اعد يتخانق هناك مع العمال وبصراحه التوكيل زى الزفت وخصوصا ان انا لسه مشترى منهم مرايه شمال المفروض انها بره عند حمدى لادا الاصليه الى الزجاج بتاعها اخضر عاليه عاكس يعنى دى عند حمدى عامله 150 وعند شركه الامل مش موجوده والى موجوده المصرى العاديه وعامله 154 يعنى سرقه من كله واخر قله ادب فى التعامل مع الناس يعنى الاستراحه الى المفروض الناس تعد فيها على شان يشوفو عربيتهم خلوها للعمال بتوع التوكيل والواحد ميبقاش شايف اى حاجه بتحصل فى العربيه عموما منهم لله وبصراحه توكيل شركه النصر زى اعسل بس للئسف شغال فى الشاهين و ال 128 وعموما لو حد عنده صيانه يعملها فى المكان الى يريحو انا بقول الى انا شوفه فى التوكيل وانا اصلا بطلت اروح الامل غير للحاجات الى مش موجوده بره يعنى زى المرايه كده الحجات بتاعت العربيه لو ملقتهاش بره بروح اجبها وخلاص غير كده مش هدخولو تانى لئن اصلا انا تقريبا الضمان بتاعى صقت وهو كده او كده هيصقط الشهر الجى وانا مستعملتهوش غير مره وحده ساعت سلك الدبرياج ومن سعتها مدخلتوش لكن لو حد عمل صيانه بره اكيد الضمان هيسقط والتوكيل بتاع الاوبل اصلا بيعمل صيانه لئى عربيه معادا العربيات الجيب والحجات العاليه بس كله على حسابك وانت الى تقول عاوز كذا وكذا لئن انت الى هتدفع فى الاخر مش هما بس اسعرهم رخيصه يعنى انا بربط العربيه بى 10 ج وعموما الادا ال 110 مش محتاج حاجه غير التربيط وبس الحمد لله لئن هى اصلا اعطلها نادره جدا وخصوصا انها انجيكشن يعنى لا الكربيراتير اتسد ولا الاسبريتير عاوز ابلاتين والكوندنسر ضرب مدفع كلها كهربه وكمبيوتر وخليك عارف ان الانجيكشن اى عيب فيه هيكون من اهمالك انت مش من العربيه
وشكرا وانا اسف انى طولت فى الكلام

شكرا جدا علي الرد الجاد و الوافي ده
بجد انا متشكر جدا...
بس هما ليه بيعملوا كده في رأيك؟
و الراجل االي انت شفته في التوكيل بتاع التاكسي ال110 اخده ليه منه السنسور بتاع العادم؟
هو قاللهم حاجة بايظة فيه فراحوا اخدتوه؟

يعني تنصح ان اي حد يروح هناك يقوللهم ايه علشان مايخدوش حاجة من عربياتهم؟
و شكرا علي الرد و آسف للإطالـــــــة
________

[ahmed_m_w]

والله انا شايف ان الواحد يقلل من الذهاب للتوكيل و ميروحش غير لو حاجه فعلان تستدعى المرواح ده ولما يكون فيه حاجه ياريت تخلى عينك على عربيتك وبيتهيقلى الناس الى عارفه حركات الشركه بيقفو من بره لئن ممنوع الدخول وبيشوفو عربيتهم والى بيحصل فيه رغم ان فيه استراحه بره لكن الناس كلها بتفضل انها يكون عينها على العربيه عموما انا الحمد لله بعت عربيتى الادا ال 110 لئنى مسافر وفاضل معايا عربيه تانيا برده 110 بس دى لسه زيرو خالص 4000 فبنبعها هى كمان لئن محدش بيسوقها ومحدش فضيلها وملهاش لزمه اصلا وشكلى هسافر انا كمان على الشهر الجى وهريح دماغى من الامل ومن العربيات كلها ان شاء الله

[tamim]

والله انا شايف ان الواحد يقلل من الذهاب للتوكيل و ميروحش غير لو حاجه فعلان تستدعى المرواح ده ولما يكون فيه حاجه ياريت تخلى عينك على عربيتك وبيتهيقلى الناس الى عارفه حركات الشركه بيقفو من بره لئن ممنوع الدخول وبيشوفو عربيتهم والى بيحصل فيه رغم ان فيه استراحه بره لكن الناس كلها بتفضل انها يكون عينها على العربيه عموما انا الحمد لله بعت عربيتى الادا ال 110 لئنى مسافر وفاضل معايا عربيه تانيا برده 110 بس دى لسه زيرو خالص 4000 فبنبعها هى كمان لئن محدش بيسوقها ومحدش فضيلها وملهاش لزمه اصلا وشكلى هسافر انا كمان على الشهر الجى وهريح دماغى من الامل ومن العربيات كلها ان شاء الله

ممكن تقولنا على سعر البيع للعربيتين دول
وهل انت تعبت علشان تبيعهم ولا مفيش مشاكل؟؟؟؟؟؟؟؟؟

[cobraa2008]

بس غو التوكيل ده ما يتجش الالو انت عندك حاجة بيزوة في العربية وعايزلها قطع غيار علشان صعبة تلاقيها بره بس