مؤشر السعة فى اللادا لية مبيوصلش للصفر

[medooo333]

اولا رمضان كريم وكل سنة و المنتدى طيب وبخير وسلامة ومنتدى اللادا بالف خير-هو سؤال محيرنى هو مؤشر السعة فى اللادا لية مبيوصلش للصفر يعنى المؤشر عاملين له حاجز يوقفه عند 10 كم/ساعة فهل لو انا ماشى مثلا على سرعة 60 كم /ساعة تبقى هى دى سرعتى ولا تكون سرعتى 50 كم/ساعة ولا انا غلطان؟؟؟؟؟؟؟؟؟ وهل كل السيارات فيها نفس الحكاية دى ولا المؤشر فيها بيوصل للصفر ؟؟؟؟؟؟؟؟؟؟؟ارجوا الافادة و1000000000000شكر

[ayad2007]

انا فعلاً لاحظت هذا الموضوع بس كنت فاكر انه في عطل ما في العداد عندي ... ياريت حد يجاوبنا عن السبب و كل عام وانتم بخير ... رمضان كريم

[bassam93]

لا لا يا جماعة اللى انتو قصدقو عليه اسمه الار بى ام وهو بيبقى عالى فى كل الادا ولازم يبقى عالى ومش شرط انه يوقف عند 10 ممكن اقل بس مش اكتر من 10 عشرة والحاجة دى يا شباب عدية ومتقلقوش خالص واى سوءال انا تحت الخدمة.....
بسام .....

[bassam93]

اولا رمضان كريم وكل سنة و المنتدى طيب وبخير وسلامة ومنتدى اللادا بالف خير-هو سؤال محيرنى هو مؤشر السعة فى اللادا لية مبيوصلش للصفر يعنى المؤشر عاملين له حاجز يوقفه عند 10 كم/ساعة فهل لو انا ماشى مثلا على سرعة 60 كم /ساعة تبقى هى دى سرعتى ولا تكون سرعتى 50 كم/ساعة ولا انا غلطان؟؟؟؟؟؟؟؟؟ وهل كل السيارات فيها نفس الحكاية دى ولا المؤشر فيها بيوصل للصفر ؟؟؟؟؟؟؟؟؟؟؟ارجوا الافادة و1000000000000شكر

والعدداد زى ما بيقرا السرعة تعرف ان هية كدة والار بى ام اللى بيبقى قارى 10 بيبقى على الشمال لاكن السرعة الاساسية للعربية فى العداد اللى على اليمين ....وشكر واى خدمات اخرى او اسئلة
بسام...

[bassam93]

الحكاية دى بتبقى فى الادا بس وساعات قليلة الفيات 28 وشكرا...واى خدمات اخرى او اسئلة...
بسام....

[medooo333]

لا لا يا جماعة اللى انتو قصدقو عليه اسمه الار بى ام وهو بيبقى عالى فى كل الادا ولازم يبقى عالى ومش شرط انه يوقف عند 10 ممكن اقل بس مش اكتر من 10 عشرة والحاجة دى يا شباب عدية ومتقلقوش خالص واى سوءال انا تحت الخدمة.....
بسام .....

ا-بسام انا قصدت عداد السرعة مش عداد الار بى ام تلاحظ المؤشر بتاعه حتى لو السيارة واقفة والموتور لا يعمل المؤشر لا يقف على الصفر ولكن هناك حاجز على الشرطة الاولى على التدريج 10 كم فهى ايه فائدتها مش عارف وشكرا للاهتمام.........

[bassam93]

ايو ايوة يا استاذ ميدو انت قصدك على الحتة الصغيرة اللى بتبقى عاملة زيى الابرة وتوقف سهم العداد عند عشرة مش كده....
انتظر الرد؟

[BrainStorm]

أنا فاهم قصدك بس الموضوع ده بيبقى معمول علشان أكيد ماحدش بيهتم يعرف سرعته وهو ماشى أقَل من 10km/h والموضوع ده موجود برده في ال opel vectra a وبتبقى ثابتة على 20 في الأول مش 10 وأول ماسرعتك بتعلى عن 20 بيبتدي العداد يتحرك ونفس الكلام في اللادا

[BrainStorm]

على فكرة أنا كنت من ملاك اللادا 2105 وبعتها من 4 سنين

[engaass]

الحاجز بيحافظ على المؤشر من التلف ومعمول حساب انه يحسب السرعات الاعلى بطريقة صحيحة

[mahmoud5777]

الحاجز بيحافظ على المؤشر من التلف ومعمول حساب انه يحسب السرعات الاعلى بطريقة صحيحة

تمام كده علشان المؤشر لو نزل على الصفر مع الوقت هايقفش على آخر التدريج وبعدين هتلاقى نفسك بدأت تتحرك والمؤشر على الصفر وبعدين هوب يروح ناطط على 20 أو 30 كأن فى حاجة كانت مكلبشاه فى الحتة دى وفكت فجأة الأبرة بقى دى بتحمى العداد من أنو يدخل فى النقطة الميتة دى
والله اعلم

[mando62]

جبقشةث="1 80"دالموضوع ده معمول عن قصد من الشركه المصنعه علشان المؤشر بتاع السرعه لو رجع للصفر حبركن و يتلف بسرعه انا رايي كده
لاكن حساب السرعه مظبوط عند السرعات العاليه
كل عام و حضرتكم بخير

[ahsara]

لا لا يا جماعة اللى انتو قصدقو عليه اسمه الار بى ام وهو بيبقى عالى فى كل الادا ولازم يبقى عالى ومش شرط انه يوقف عند 10 ممكن اقل بس مش اكتر من 10 عشرة والحاجة دى يا شباب عدية ومتقلقوش خالص واى سوءال انا تحت الخدمة.....
بسام .....

أنت بتتكلم على عداد لفات الماتور و هما بيتكلموا على عداد السرعه
فى ملحوظه
العربيات اللمانى كلها فيها مثبت عند الل 10 كيلو . و لو لاحظت ممكن تبقى ماشى بالعربيه على سرعه منخفضه جدا هتلاقى العداد مش هيتحرك إلا لما السرعه تزيد عن 10 كم/س

[mohammedali300]

مظبوط كلامكو يا شباب الموضوع دا حفاظا على المؤشر من التلف ودة كلام كهربائى وبالنسبة للسرعة فهى مظبوطة لان انا كاذا مرة ابقى ماشى مع اصحابى واشوف سرعتى وسرعتة متطابقان اللى انا عايز اعرفة بقى هل فى حاجز عند اخر العداد باعتبار ان الادا بتعدى 160 ههههههههههههههههه وتقبلو مرورى