طلب مساعدة

[emadelmahdy]

من فضلكم افيدونى انا رحت التوكيل عملت صيانة عشر الف غيرت الابلاتين والكندنسر وفلتر الزيت والزيت الماتور وغيرت عدد 2 تيل فرامل امامى والبوجيهات لم يغيرة قال فية رطوبة بتنتش العربية ساب القديم فية واغيرة فى 15000 المهم بعد كدة سمعت صوت فى تيل لما اضغط فرامل بس صفارة خفيفة دة عادى عشان لسة جديد ولا فى حاجة افيدونى وامبارح شايف فى تبلو العربية شكل البطارية عمال بيظهر خفيف ويختفى بسرعة لما ادوس بنزين يختفى ويظهر تانى بعد ما ارفع رجلى من على البنزين وتبطل دة يرجع لكندنسر واو فى حاجة فى طقم الكهرباء وشكرا على الرد

[emadelmahdy]

مفيش حد رد لية وانا فى المنتدى لوحدى افيدونى وشكرا

[tomm]

تأكد من عدد لفات المحرك من عداد rpm لا يقل عن 850 -900لفة اقل من 1000 بحاجة بسيطة فأذا كان عدد اللفات اقل من ذلك عدى على اى مكانيكى وقلة عللى المحرك ويتم ذلك من خلال تهوية مسمار تثبيت الاسبراتير و تحريك ( الاسبراتير ) قليلا مع مراقبة عداد لفات المحرك للوصول الى العدد المضبوط و ان شاء الله دة هيوقف اللخبطة .

[emadelmahdy]

شكرا على الرد انا رحت فعلا امبارح لميكانيكى وكانت المشكلة فى البوجيهات عايزة تتغير وبعد تركيب البوجيهات جديدة لا يوجد تنتيش فى الماتور ولا رسمة البطارية بتظهر على التابلو ودة كان المفروض يحصل فى صيانة عشر الف بس قالو لى البوجيهات فيها رطوية ممكن فى 15000 تركبة والحمد للة على كل شى شكرا على الرد