موتور لادا مرشح زيت بغباء

[jojajo]

لو سمحتم انا تعبت بجد الموتور عندى مرشح زيت جامد علما انا لسة مغير زيت وبعد ما غيرت الزيت على طووول ظهرت الحكاية دية جاامد والراجل اللى غيرلى الزيت هو مغيرهوش من الطبة تحت هو عنده حاجة كدة بتسحب الزيت المهم بعد ما غيرت الزيت لقيته معدى العلامة بتاعت الماكس فا سفرت بيها اسكندرية فا انا وفى الطريق لقيت العربية مترتشخة زيت كتير اوىىىىىىىىى مترتشة زيت على كل حاجة ولقيت الزيت بردو عند العلامة مع العلم المكنة مش خفيفة يعنى الحمد لله حلوة بس الكاربراتير عندى فى مشكلة فا الميكانيكى قالى روح شبرا اعمله اكس وباب علشان بيهبب البيجوهات بسرعة اوى ودية شوية صور من الزيت اللى فى العربية
http://img580.imageshack.us/i/051td.jpg
http://img255.imageshack.us/i/064mf.jpg
http://img259.imageshack.us/i/065cd.jpg
http://img820.imageshack.us/i/066gj.jpg

[jojajo]

يا جماعة عايز اعرف اعمل اية وشكرا

[midomizo]

على فكرة مشكلتهم عندنا فى المحطات ان كل البيغيرو زيت بيحطو ازيد من علامة الماكس

الحل انك بعد متغير الزيت متسبش المحطة الا لما تتاكد ان مستوى الزيت معقول

[jojajo]

طب ودية مشكلة فى العربية ؟؟

[tomm]

محرك اللادا 2107 بتاخذ 3.5 لتر زيت بدون تغير الفلتر , وبتاخذ 3.75 لتر زيت مع تغير الفلتر

[tomm]

معظم بتوع الزيت بيقلبوا الجركن 4 لتر فى المحرك ودة غلط وبيخلى الزيت يعدى max بكتير وبالتالى ممكن اويل سيل عمود الكرنك ينشع زيت ويحتاج بعد كدة يتغير

[mohamed2002]

يعني المفروض الادا 2105 او 2107 يتحط لهم قد اية ؟؟؟ بتغير الفلتر وبدون تغير الفلتر

[jojajo]

طب وبالنسبة لللادا 1500 اية نظامها ؟ وحكاية الزيت اللى عندى دية فيها مشكلة ؟؟

[aymanay32]

انا عندى كمان نفس المشكلة و مش عارف اعمل ايه

[engaass]

غطا المحرك ومقياس الزيت اخبارهم ايه

[jojajo]

motashakr gedan gedan gedan w el 3'ata beta3 el motor kewayes laken ana fe3lan le2et zet 3and el makas beta3 el zeet fa shaklo kda meno w shokran tany mara

[ahmedbonte]

اربط طرمبت البنزين
ربط الكرتيه من تحت

[mohmdy]

بسم الله الرحمن الرحيم
يا جماعة انا معايا لادا 1500 وكانت بترشح زيت كدا من ناحية المارش فرحت لميكانيكي وشاف وش السلندر عايز يتغير والحمد للة ذي الفل واتاكد من غطا الي فوق الماتور الي بنزود منة الزيت ممكن عايز كاوتش ولا حاجة وانصحك تروح المغسلة تغسل الماتور بجاز وبعدين تشوف ميكانيكي شاطر يبص عليها وهي دايرة وهوهايكتشف مكان الرشح بالظبط ذي ما انا عملت واسف للأطالة وربنا يكون وفقت وافدتك وان شاء الله خير .
وعليكم السلام ورحمة الله وبركاته
اللهم صل على محمد وعلى آله وصحبه أجمعين

[mostafawbss]

شوف الجوانات و الاورسيلات بتاعت لموتور
كان عندي نفس الحوار و غيرتهم و
الاورسيل بيعمله بتاع 5 ج و وهم كلهم 3 اورسيلات
وربط وش السلندر و الكارتير و الغطا و بالشفا

[a7madramadan]

فعلا موضوع الزيت ده مهم لإن لو واحد في بنزينة مش فاهم ممكن يقلبلك الجركن وخلاص .... يـــاريت بعد تغيير الزيت تتأكدوا ان الزيت في النص بين Min-Max ..... الموضوع ده سمعته من ناس كتييييير