محتاوتر ومحتاس حد يفدني

[marwaend22]

السلام عليكم
دي اول مرة اشارك في المنتدي الرائع ده انا متبع المنتدي بقالي حوالي شهر ومعجب جدا بيه
بس انا عندي مشكلة الان :
انا مش بفهم في السيارات خالص ولسه متعلم قريب وبسوق علي ادي برده
عاوز اجيب عربية تكون موفرة علشان اروح بيها الشغل وتفع اسافر بياه مشوار زي طنطا المنوفية العين السخنة مثلا مش تبقي داخل القاهرة بس
ناس تقول بلاش مستعمل وناس تقول المستعمل احلي لانك بتتعلم انا مش عارف اعمل ايه انا بجد تعبت لدرجة اني بقيت اقول ملهاش لزمة العربية بس فعلا محتجها ضروري بتبهدل انا ومراتي في المواصلات والتكاسي في القاهرة انتم عارفين
انا معاية 20 الف جنية مش عارف اجيب بهم قديمة واريح دماغي ولا ادفعهم مقدم واقسط العربية في حين ان هو هقسط مش عاوز اعدي القسط عن الف جنية في اسوي الظروف بس دي كل الحكاية
ويارت اللي يرد عليه يكون بجد حد فاهم ومجرب لاني تعبت جدا ومتحير
وربنا يبارك في المنتدي الجميل ده
اخوك اسلام

[mohamed2002]

المبلغ دة يجيب لك 2105 لادا وتكون كويسة بس اهم حاجة دور علي مهلك علي عربية نضيفة عشان متتعبش ومتشتريش من تاجر تابع في الوسيط وخد معاك حد بيفهم اوي وانت بتشتري ولو حسيت ان فيها القبول اطلع علي الميكانيكي والسمكري

[marwaend22]

شكر علي ردك محمود بس معني كده انك بترشح ليه المستعمل

[mohamed2002]

شكر علي ردك محمود بس معني كده انك بترشح ليه المستعمل

اة لان كدة انت لسه متعلم السواقة جديد فممكن تتحك تاخد خبطة صغيرة بعد الشر فالاحسن في نظري تتعلم علي مستعمل سنة كدة وهات زيرو وعلي فكرة اسمي محمد

[mohammedali300]

بص يا باشا كلام الاخ محمد تمام انت ممكن تجيب لادا 2105 وزى ما قالك كدة خد واحد خبير معاك بس نصيحة منى اول ما تجيبها تروح تشيك عليها عفشة وميكانيكة وكهرباء وسمكرة كمان لو فيها حاجة عشان تبقى مظبوطة معاك وعشان لو سيبتها زى ما هيا كل شوية ممكن تظهر فبها مشكلة ودة طبيعى وحتحس انك جنيت على نفسك وممكن تبيعها طبعا انا مبخوفكش بس الصيانة الدورية وتغير كل حاجة فى معادها من اهم الاشياء اللى تحافظ عليها وحتحس انك راكب زيرو بالتوفيق ان شاء الله

[marwaend22]

اوك شكر اخي محمد علي ردك
طب ايه رايك في الماروتي عربية ناعمة شوية سهلة في التعليم ومودلاتها جديدة شوية علي 2105

[engaass]

اة لان كدة انت لسه متعلم السواقة جديد فممكن تتحك تاخد خبطة صغيرة بعد الشر فالاحسن في نظري تتعلم علي مستعمل سنة كدة وهات زيرو وعلي فكرة اسمي محمد

زيادة على كدة مع وجود قسط فبيبى الواحد مش مستحمل كمان اى مصاريف وبالتالى المستعمل افضل حتى عشان تكتسب خبرة كويسة فى التعامل مع العربيات عشان ان شاء الله لما تجيب زيرو تعرف تحافظ عليها
والمبلغ اللى معاك يجيب عربية لادا حوالين 95
الماروتى ممكن تكون عملية داخل المدينة بس مش هاتنفع خالص فى السفر
وعلى فكرة برضه ممكن تحط المبلغ اللى معاك مقدم فى عربية مستعملة وهيبقى الباقى مش كبير وهيكون القسط صغير

[marwaend22]

شكر ياهندسة بس حد عارف مكان اقدر اشتري منه عربية مستعمل بالقسط
وانا سمعت ناس علي المنتدي هنا بتقول الماروتي حلوة وناس سافرت بيها والله انا مش عارف
وخاصة ان الماروتي موفرة واشيك شوية من الادا

[engaass]

http://www.nilemotors.net/Nile/14710-a.html

http://www.nilemotors.net/Nile/163940-a.html

بص على اللينكات دى هتفيدك

[mohamed2002]

الماروتي انعم من الادا بكتير

[marwaend22]

يعني انا اجيب ماروتي
خلاص انا صرفت نظر عن الجديد هجيب مستعمل بس اجيب لادا ولا ماروتي لسه مش عارف انا عاوز اروح بيها لحد المنوفية او العين السنخة بس مش عارف اجيب ايه جاوبوني ياهل الخبر بجد قربت اجنن

[geco]

بص يا باشا انا كنت محتار زيك ومعنديش خبرة وكنت اول مره هاجيب عربيه ومش عارف اجيب جديد ولا مستعمل وواحد قال لى كلمه حكمه
هاتشترى مسستعمل يبقى هاتشترى مشاكل غيرك بفلوسك
يعنى مثلا لو جبت عربيه وكان صاحبها مجددها علشان يبيعها يبقى هايسترخص وهاتبان للميكانيكى او العفشجى انها تمام لان لسه عيوبها مش باينه
اوعى تغلط وتجيب الزفت اللى اسمها لادا انا ندمت ومن اول ماجبتها مشاكل ومصاريف رغم انها جديده وروسى كرهت كل حاجه بسبب العربيه وبشتغل علشان اصرف عليها

[midomizo]

خليك فى الجديد وابعد عن اللادا والماروتى عشان دول مش بتوع سفر كتير يعنى الماروتى مش سريعة ولما عربية تعدى جنبك هتحس انها بطيرها
واللادا بعد السفر بتلاقيها محتاجة غيار زيت وتروح للميكانيكى

عايز حاجة تريحك فى السفر الكتير ابعد عن التنين دول
دول تروح بيهم الشغل ترجع تمام اوى اكتر من كدة هتتعبك فى قطع الغيار والزيت والمصاريف

[marwaend22]

شكر ياهندسة علي ردك بس انت كده قفلتها انا مش عارف اجيب ايه بقي لو ترشحلي حاجة جديدة ماشي او مستعملة يبقي افضل وجزاك الله كل خير