بووووور اللادا

[mezo_mmm]

السلام عليكم ورحمه الله وبركاته


دلوقتى يا جماعه فى التوكيل العربيات ممكن تشتريها بالبور بتاعها


يا ريت الناس الي جايبه عربيه ببور او ركبه فى التوكيل

يقولى اخباره ايه بالتفصيل يا جماعه

وعند سرعات عاليه بيحصله حاجه ولا ايه



بس يا ريت يكون حد فعلا معاه عربيه مش سمع بالكلام او ركب عربيه حد من اصحابه لفه بالبور ( لان اكيد مش متعود على البور بتاعاه فا هيقول حاجات )

الي يعرف يرد يا شباب ربنا يكرمكوا عشان نازل اشترى قريب

[a7madramadan]

شخصيا ركبت لادا روسي راكبلها باور فالتوكيل زيرو زي الزفت والله زي الزفت وانت سايق بعد ال 60-70 مشيت بيها على 90 قمت راكنها و مديها لصاحبها ....... بلااااااااااش ....... لو عربيتك قديمة ركبلها علبة نص باور الي هيه الرومانبلي ولو هتجيب زيرو بتنزل بالعلبة النص باور من 2008 والله اعلم .... عربيتي 2009 جايبها في شهر 12 2009 الدريكسيون ما ريحنيش اول اسبوع بصراحة علشان كنت جديد عالعربية ودي اول عربية ليا و بعدين بقى زي الهوا خاااالص واهم حاجة تربط العفشة علطوول علشان الدريكسيون بيبطأ منها تقريبا بسبب البيض

[geco]

ناس كتير بتشتكى برضه دا غير ان التوكيل زباله وزفت
لو لسه ماشترتش فكر فى اى حاجه غير اللادا
انا عندى مشكله وكتبت عنها هنا فى المنتدى ولغايه دلوقتى مش عارف لها حل انا كرهت العربيه واليوم اللى اشتريتها فيه

[mezo_mmm]

شخصيا ركبت لادا روسي راكبلها باور فالتوكيل زيرو زي الزفت والله زي الزفت وانت سايق بعد ال 60-70 مشيت بيها على 90 قمت راكنها و مديها لصاحبها ....... بلااااااااااش ....... لو عربيتك قديمة ركبلها علبة نص باور الي هيه الرومانبلي ولو هتجيب زيرو بتنزل بالعلبة النص باور من 2008 والله اعلم .... عربيتي 2009 جايبها في شهر 12 2009 الدريكسيون ما ريحنيش اول اسبوع بصراحة علشان كنت جديد عالعربية ودي اول عربية ليا و بعدين بقى زي الهوا خاااالص واهم حاجة تربط العفشة علطوول علشان الدريكسيون بيبطأ منها تقريبا بسبب البيض

طيب هقولك حاجه
مش ممكن عشان انت متعود على العاديه ومش عندك حساسيه البور دى ؟

وواخد على الي من غير
فا حسيت كده

[zakiali]

اللادا = عذاب وشقى

[zahra]

لو الدريكسيون بالباور ثقيل كده, طيب منغيره كان أزاى, دى عربيه محتاجة عضلات ذراع قوية للدريكسيون و الفتيس, و ركبة شمال من حديد عشان الدبرياج

[a7madramadan]

لأ ... أنا سوقت حوالي 15 عربية مختلفة ... من عربيات جبارة دفع خلفي (ميتسوبيشي جالنت) لعربيات 4*4 لاندكروزر 94 ... لعربيات ضعيفة فيات 128 ... وسوقت حوالي 5 عربيات لادا من ضمنهم 3 زيرو اتنين بتوع اصحابي وواحدة بتاعتي

انا باكلمك لإني فاهم في السواقة وفي استجابة الدريكسيون لإني سوقت حاجات مختلفة كتير موش بس عربيتي وعربية علاء صاحبي مثلا ..... .... حقيقي الثبات منعدم تماما الدريكسيون عمااااااال بيجري يمين وشمال لازم تفضل مكلبش فيه ... والاستجابة جباااارة مع كل لمسه ده انا باقولك ما عديتش ال 100 ..... عربيتي انا جيبت بيها 130 كانت مكلبشه فالسكة وحاسس انها تجيب تاني عادي بس ما خاطرتش كانت نزوة بس عالصحراوي وانا رايح عالتوكيل

صدقني دي مجرد نصيحة انا لا هاكسب ولا هاخسر لو حضرتك ركبت باور في عربيتك ... انا باقولك على تجربة شخصية ولحد دالوقتي شوفت حوالي 5 عربيات لادا مركبين باور وكلهم موش عاجبهم بس متكيفين عالآخر جوة البلد وبيعيبوا عليا علطوول وانا باركن عربيتي لما بيشوفوني :)

لو انت موش بتسافر مسافات طويلة على سرعات عالية نسبيا 90+++100+++ وحقيقي بتعاني من الدريكسيون بتاع اللادا ركب باور ....