استلمت لادا 2107 مصرى تكييف وباور من 10 ايام..اليكم التقييم الشامل

[midonbtc]

انا اشتريت لادا2107 مصرى ...عامل بيها حتى الان 600 كيلومتر
العربيه تكييف وباور ...ثمن العربيه 44 الف + 2500 باور +3000 الف تكييف
الثمن الاجمالى 49 الف ونص
اليكم القصه التاليه
اشتريت العربيه وفى تانى يووم من استلمها سمعت صوت وره عالى اوى وتكتكه جامده جدا المهم انا قلت يمكن دى تكهات او شكمان ..طلعت بيها تالت يوم على التوكيل وبعد انتظار اكتر من 4 ساعات ..((كل الناس اللى كانت عربيتهم داخله معايا مشيوا)) قلت اروح اسال المهندس ايه الاخبار قالى لأ حضرتك هتروح وتيجى بكره قلتله ((نعم انت بتقول ايه))قالى يافندم اهدى عربيتك فيها كسر فى طنبوره عمود الكرنك..طبعا انا سمعت كدا صعقت واتخنقت وقلتلهم مش ماشى ..المهم من هنا لهنا وبعد انتظار لاكتر من 3 ساعات اخرى عملوا العربيه والصوت انتهى وكله تمام...بعد كدا بيومين صمعت صوت صفاره عند الضغط على الفرامل روحت التوكيل قالولى غيرنالك التيل ووانا راجع بيها البيت رجع نفس الصوت تانى((وكانك ياابوزيد ماغزيت)) المهم انا طبعا تعبت من مشوار التوكيل قلت استنى لصيانه الالف لانى اكتشفت حاجه كمان
فتحه التكييف اللى على الشمال ضعيفه جدا قلت اوفر كل الملحوظات لصيانه الاف
العربيه بصفه عامه مش بطاله
استهلاك البنزين عالى شويه
20 لتر لكل
160 كيلو متر
انا مهتمتش انها فى التليين وجبت بيها 120 على الدائرى حاسس انها بتعوم شويه
الباور كويس جدا بس انا حاسس انه السبب شويه فى تعويم العربيه
اى سؤال انا فى الانتظار

[aif]

الف مبروك ربنا يعطيك خيرها ويكفيك شرها
واصبر شوية لغاية لما تروح صيانة ال 1000 وخليك مركز اوي مع اي ملاحظة
وما تقرصش عليها في التليين
ربنا يملهالك بركة

[yasoxp]

الف مبروك يامان وربنا يكفيك شرها بس انا عندى رأى لانى لا اثق فى التوكيلات قوى وهو انك تروح لاى صنيعى كويس وتعرف العربية فيها اه الاول علشان امانك على الطريق على الاقل وعلشان لما تروح التوكيل تكون عارف اه المفروض يتعمل ومحدش يشتغلك

[recentdesign]

الف مبروك ربنا يباركلك فيها

الف مبروك ربنا يباركلك فيها
هل تنصحنا نشتريها ولا ايه؟
وياريت لو تقدر تصورها من جوه ومن بره

[hfekry]

الف مبروك يامان وربنا يكفيك شرها انت تروح لاى صنيعى كويس وتعرف العربية فيها اه الاول علشان امانك على الطريق على الاقل وعلشان لما تروح التوكيل تكون عارف اه المفروض يتعمل ومحدش يشتغلك

100 % . وبلاش تقرص عليها فى قترة التليين
ربنا يديك خيرها ويكفيك شرها

[hamedo0]

الف مبروك ربنا يعطيك خيرها ويكفيك شرها
هي دى التنفع في الشوارع مصر وبالاش تقرص عليها في الاول

[osama_alam]

الف مبروك ربنا يديك خيرها ويكفيك شرها

معلش شوية اسئلة:
- هوه استهلاك البنزين العالي وانته مشغل التكيف ولا من غير تكيف؟؟
- ايه اخبار التكيف لو شغلته حاسه كويس ولا تعبان؟؟
- الباور اللي فيها زي العربيات التانية الباور (لو جربت عربيات تانية) ولا لأ؟
- انا اعتقد ان التعويم ده نتيجة حاجة مش مظبوطة , لأن اللي قريته قبل كده ان اللادا فيها تعويم فالدركسيون علشان نظامه القديم فلو اتغير بباور المفروض المشكلة ديه تتحل ولا الكلام ده مش صح؟؟

والف مبروك يا ريس

[fahd_628]

الف مبروووووووك يا باشا

[hazem_khidr]

الف مبروك و ربنا يديك خيرها و يحميك من شرها

[recentdesign]

ليه المشاكل دى فى عربيه جديده
التوكيل مش المفروض يختبر العربيات ويختبر التصنيع

[ibrahimsaad]

الف مبروك اخى وربنا يعطيك خيرها ويكفيك شرها

[HADEDA]

هل تنصحنى اجيبها ولا لأ وهل فعلا صعبة فى سواقتها ولا اية

[midonbtc]

الف مبروك ربنا يديك خيرها ويكفيك شرها

معلش شوية اسئلة:
- هوه استهلاك البنزين العالي وانته مشغل التكيف ولا من غير تكيف؟؟
- ايه اخبار التكيف لو شغلته حاسه كويس ولا تعبان؟؟
- الباور اللي فيها زي العربيات التانية الباور (لو جربت عربيات تانية) ولا لأ؟
- انا اعتقد ان التعويم ده نتيجة حاجة مش مظبوطة , لأن اللي قريته قبل كده ان اللادا فيها تعويم فالدركسيون علشان نظامه القديم فلو اتغير بباور المفروض المشكلة ديه تتحل ولا الكلام ده مش صح؟؟

والف مبروك يا ريس

اولا الله يبارك فيك
ثانيا:استهلاك البنزين بدون تشغيل التكييف
ثالثا:التكييف فى راىى حتى الان تعبان شويه((يمكن عشان الفتحه اللى ناحيه السواق(الشمال)مش شغاله كويس))
رابعا:اعتقد والله اعلم ان التعويم (دا اذا كان فعلا فى تعويم)لانى والله معرفش لسه هوه فى تعويم فعلا ولا ده عشان السرعه العاليه اللى انا كنت ماشى بيها..المهم احتمال يكون التعويم ده من الباور برده هقولهم عليه فى صيانه الالف واقولكوا

[midonbtc]

هل تنصحنى اجيبها ولا لأ وهل فعلا صعبة فى سواقتها ولا اية

بص العربيه بصفه عامه كويسه جدا وناعمه جدا على فكره بالباور..انا بس سبحان الله اللى مضايقنى منها اللى حصلى فيها بس الحمد لله طبعا على كل شىء

[midonbtc]

الف مبروك اخى وربنا يعطيك خيرها ويكفيك شرها

الله يبارك فيك يا ابراهيم وجزاك الله خيرا