النيفا جابت اخرها امبارح ....

[Xpert]

الحمد لله النيفا تقريباً كده جابت اخرها امبارح ...:d
ابويا راكب العربيه و ماشي بيها .. راح ركنها في العزبه .. و هوه راجع مادارتش معاه حسب كلامه .. جه مواصلات .....
العبد لله راح يجيبها ...ابص الاقي الاتي :
شديت العربيه دورتها زق ... العربيه دايره تمام .. ماشي بيها في الشاع .. لقيت الاكسراتير اتشد علي الاخر و العربيه مسروعه ... قعدت اشد في الاكسراتير مافيش فايده .. كانت العربيه بقي كابسه بنزين علي الاخر و بتضرب مدافع و امبليهات و باك فاير ...بطلت العربيه و افاجاء العربيه كلها مليانه دخان .. عادي خالص دي نيفا يا رجاله ...فتحت الكبوت و افاجاء بالاتي : العربيه جايبه زيت من كل حته في المكنه .. و الموتور راكب بجنب في الحوض (قاعده الموتور مفكوكه و طلعت من مكانها) ... و غالباُ كده المكنه في الباي باي ...علماُ بأن :
الموتور مفوت بقاله 5 سنين ان لم يكن اكثر ... شداد الكاتينه مكسور بقاله شهر ... ماكانتش غيرت زيت من سنه ... (يادوب غيرته الاسبوع اللي فات ..) ...
النهارده ان شاء الله هانفك المكنه من الحوض ... و هانلحم قواعد الشدادات (موعت قواعد الشدادات من مكانها من بتاع سنه كده ..) ... و نشوف بقي المكنه فيها ايه ... (مكنه لادا اوريجينال 1600 سيسي بتاعه النيفا و فتيس 5 غيار جايب غوايش من سنتين ...) ....
جاري البحث و التصليح ... (قلت احكيلكم مغاماراتي مع النيفا هلي السريع كده و انا فاضي قبل ما انزل ...) ....
ارضي عن العربيه بقي يا حج و سيبنا نشد شده كامله ! .. اعتقها دي قربت تنطق هههه :d

[Chicco]

الموتور مفوت بقاله 5 سنين ان لم يكن اكثر ... شداد الكاتينه مكسور بقاله شهر ... ماكانتش غيرت زيت من سنه

يا رااااااجل طب ما تنسفها بقنبلة أحسن :D

[bimmeraddict]

بس لو الحاج سابك تظبطها على مزاجك أعتقد هتبقى أسرع نيفا في م

[fahd_628]

يا ساتر يا رب اية الى حصل دة

ربنا يكون فى عونكم

[Xpert]

الاجنده اليوميه : تم عمل الاتي : تغير 2 قاعده موتور + لحام القنطره الحديد ... تغير شداد الكاتينه بواحد جديد .. تغير الجوان غطاء التاكيهات ...
الخلاصه : العربيه لسه مفوته طبعاُ و بتجيب زيت من كل ناحيه ...
المطلوب : فك الموتور و عمره كامله ...
المقترح من سعادتي ... اجيب المكنه ال 132 ال 2000سيسي اللي عند عمي .. استيراد سويسرا و موتور تمره واحد .. و تركيبه في النيفا + فتيس 132 تمساح ....
الاقتراح قوبل بالرفض ...
الحاله الحاليه : بنزين علي الدماغ ... (مش عارف بقي بس حاسس انه مش هاعرف ارخصه غير بمصيبه ... بس اقفش المكنه و اركبها و بعد كده يحلها ربنا ...)
ده غير اليومين اللي فاتوا كنت باتمرمط في البي ام و واقفه علي الميكانيكي ... انظر قسم البي ام ...

[Karim_Monir]

يابني ارحموا عربياتكم بقي
ده انتم عايزين عربيات عمولة

[Xpert]

خامس و اخر الاكسراتير .... احنا عفاريت الاسفلت ... لا نقل يهم ولا سمكري يلم ههههه
انا بالنيفا دي باسابق بيها التيوتا الميكروباص القديم و هوه فاضي .. و ال 504 و المرسيدس ال 200 هههه
لاغي فتيس الغرز و فتيس عش النمل و كرونه سريعه و موضب الات الجر .. بس هوه الزمن عفي علي الموتور خلاص ...
نسيت اقول الفتيس جايب غوايش .. بس ده عادي بقي .. معاه لحد ما يقف ههههه

[Xpert]

اخر الانباء عن المارد الروسي ...
تم اكتشاف تسريب في زيت الكرونه .. و بقيت كل ما اقف في حته الاقي بقعه زيت .. البقعه اختفت و غالباً الكرونه خلصت الزيت الحمد لله .. كاعنديش تسريب تاني كده :d

[Xpert]

تم علاج الكرونه ... فك الكرونه و اتضح العيب عيب جوان الكرونه فقط تم تغيره و حطيناله سيليكون و الحمد لله ...
لسه بازن علي موتور ال 132 ال 2000 سيسي ... ربنا يسهل ...

[Xpert]

و انا قاعد امبارح بافكر .. قررت اعمر الموتور لان لقيت عندي طقم بستم جديد لانج ... ربنا يسهل ...

[Karim_Monir]

هاتكتشف ان الموتور جايب اخرة وهاترجع تفكر في موتور 32

[Xpert]

مش بعيد .. بس اصل لقيت عندي بلوك تحتاني كامل بالكرنك بالسبيكه بكله كان المعلم عمره قبل كده .. فشكلي كده هاعمر ... بيني و بينك مش مرتاح لل 132 الالفين ... لو 1600 يبقي احسن ..(اصلها عربيه شغل .. كفايه واحده 3500 و التانيه تفضل 1600 :d (

[ams]

مش بعيد .. بس اصل لقيت عندي بلوك تحتاني كامل بالكرنك بالسبيكه بكله كان المعلم عمره قبل كده .. فشكلي كده هاعمر ... بيني و بينك مش مرتاح لل 132 الالفين ... لو 1600 يبقي احسن ..(اصلها عربيه شغل .. كفايه واحده 3500 و التانيه تفضل 1600 :d (

انا حاسس ان انت بتلعب ميكانو مش بتصلح عربيه
ثم ان العربيه دى المفروض تسيبوها عند شاهد الجندى المجهول وكفايه عليها كده:D

[Xpert]

لاء ده العادي عندي هنا :d انا قلت اشرككم بس في حياتي اليوميه ههههه

[mohmet]

ايه ده يا راجل انت
ديه ما باقتش عربيه
هاتاخد العزه في المرحومه امتي