بعض الاستفسارات عن اللادا

[youssefmustang]

بسم الله الرحمن الرحيم
السلام عليكم ورحمة الله وبركاته
انا دلوقتى بعد بحث وعناء كبير رسيت والحمد لله على اللادا 2107 الروسى وكنت عايز استفسر عن شوية حاجات
هل لسه بينزل الموديل الروسى لانى سمعت انى مافيش روسى بقى كله محلى
التكييف نظامه ايه كويس ولا تعبان ولا ايه
توافر قطع الغيار
الحرارة ايه ظروفها لانى سمعت انها بتسخن عشان مصممة على الظروف الجوية الروسية (الجو البارد)
التوكيل كويس ولا ايه (انا ساكن فى الجيزة)
وانا اسف على الاطالة
والسلام عليكم ورحمة الله وبركاته

[ahmed1981]

هل لسه بينزل الموديل الروسى لانى سمعت انى مافيش روسى بقى كله محلى

الروسي موجودة وسعره حوالي 53000 جنيه
لكن بيجيبوا منه شحنة كل فترة

التكييف نظامه ايه كويس ولا تعبان ولا ايه

الروسي تنزل بدون أي كماليات خالص مالص

توافر قطع الغيار

متوفرة

التوكيل كويس ولا ايه (انا ساكن فى الجيزة)

توكيل اللادا سيء السمعة جداً
ولكنك لن تحتاجه لأن اللادا ضمان 10000 كلم فقط أو سنة أيهم أقرب

المصري بينزل به تكييف ودركسيون باور وسنتر وسعرها حوالي 48000 جنيه
رأيي هي بهذه الكماليات أفضل من الروسي

[youssefmustang]

الروسي موجودة وسعره حوالي 53000 جنيه
لكن بيجيبوا منه شحنة كل فترة

الروسي تنزل بدون أي كماليات خالص مالص

متوفرة

توكيل اللادا سيء السمعة جداً
ولكنك لن تحتاجه لأن اللادا ضمان 10000 كلم فقط أو سنة أيهم أقرب

المصري بينزل به تكييف ودركسيون باور وسنتر وسعرها حوالي 48000 جنيه
رأيي هي بهذه الكماليات أفضل من الروسي

متشكر اوى يا استاذ احمد بس بجد انا مش مصدق معقولة الروسى هى اللى بتنزل من غير كماليات ده انا كنت فاكر ان المصرى هو اللى مافيهوش كماليات
ده لو كده يبقى حلو اوى اوى

[a7madramadan]

خلي باااااااااااااااااااااااااااااالك ........

المصري تقفيل سيئ جدا جدا

الروسي أجمل (الاكصدامات النيكل اشيك مليون مرة من الالومنيوم)

الكماليات الي بتتكلم عنها دي اسعارها الآتي :

الباور ستيرينج الي اساسا زي الزفت في اللادا علشان مابيفصلش فصل حقيقي مع السرعة فوق ال 70 ولا ليه اي لازمة هيعوم منك العربية وانت عالطرق السريعة او فالسفر واقرأ كل الموضوعات في القسم عن الباور ستيرينج وشوف كلام الناس وهتفهم كلامي الي باقولهولك ..... إلا لو حضرتك سواقتك هتكون جوة البلد وبس ركبه في التوكيل بــ 3000 جنيه

التكييف غير عملي تماما لإن العربية مافيهاش عزل حراري للكابينة الداخلية ... بمعنى : المكيف شغال تمام وبيسقع بس فقد الحرارة مع الجو الخارجي كبييييييييير جدا فلو شغلته موش هتحس بيه غير فالأول وشوية كده هتلاقي ان التكييف موش عامل شغله خالص وموش هتحس انك دافع 3000 جنيه في التكييف وهتفضل تقول ياريتني ركبت المروحة ام 30 جنيه وغيرتها مئة مرة (ما انصحكش بحوار المروحة لان شكلها مش حلو انا بس باقارنلك السعر بالنتيجة) وطبعا لو واخد بالك من الكلام التكييف بيركب في التوكيل بــ 3000 جنيه

وأخيرا السنتر لوك ....... معقوله تكون صعبة وتخليك تشتري لادا مصري ؟؟ وتسيب الروسي علشان فرق 100-120 جنيه ؟؟ ياعم بنزاهه كده طلع 350 جنيه وركب سنتر لوك وانذار ولف موش مبلغ كبير وانت لسه شاري العربية اعتبره جوة تمن العربية

وغير ان المصري بينزل كاربيراتير والروسي انجكشن ... واكيد الكاربيراتير اسهل في التصليح واكثر عيوب ... والاينجيكشن اقل في العيوم بكتيييييير جدا جدا جدا بس تصليحه بيبقى في التوكيل ....

نصيحتين ...... أولا وأخيرا هات الروسي وانت مغمض
ثانيا شوف موضوعات المقارنة بين المصري والروسي واقرأها بعناية ويــــــارب اكون أفدتك

[ahmed1981]

الباور ستيرينج الي اساسا زي الزفت في اللادا علشان مابيفصلش فصل حقيقي مع السرعة فوق ال 70 ولا ليه اي لازمة هيعوم منك العربية وانت عالطرق السريعة او فالسفر واقرأ كل الموضوعات في القسم عن الباور ستيرينج وشوف كلام الناس وهتفهم كلامي الي باقولهولك ..... إلا لو حضرتك سواقتك هتكون جوة البلد وبس ركبه في التوكيل بــ 3000 جنيه

الباور في اللادا 2107 عادي جداً
بور هيدروليك
ومسألة الفصل مع السرعات مش موجودة في السيارات القديمة كلها
لكن عن تجربة له أداؤه جميل جدا بيسهل من ثقل الدركسيون الغبي لو كان بدون باور

التكييف غير عملي تماما لإن العربية مافيهاش عزل حراري للكابينة الداخلية

تمام 100%

لو التكييف من أولويات المشتري
يبقى ميشتريش لادا أساساً

نصيحتين ...... أولا وأخيرا هات الروسي وانت مغمض
ثانيا شوف موضوعات المقارنة بين المصري والروسي واقرأها بعناية ويــــــارب اكون أفدتك

في موقع كونتاكت
لقيتهم كاتبين إن فيه لادا روسي مكيفة ؟
يمكن؟

[SS]

الروسى فيها منها مكيف و فيه منها باور

بس التوكيل عنده يا تكييف يا باور...بيقولك حاجة من الاتنين...ما ينفعش تركب الاتنين مع بعض

ع العكس من المصرى بيركب فيه الاتنين....بغض النظر عن كفائتهم

نصيحة: ما تجيبش مصرى و ما تجيبش زيرو

يعنى هات واحدة روسى تكون دى عليها سنتين تلاتة و تكون ماشية قليل

لان بصراحة لو هى ب53 زى ما الاستاذ امد بيقول و لا و حتى ب 48 او 49 حرام يتدفع فيها

انت تصبر شوية و تجيب فيرنا و لا لانوس ....ع الاقل هتبقى مكييفة

لان اللادا لو جيت تبيعها بعد شوية هتخسر جامد فيها مقارنة باى عربية جديدة....لان ناس كتير بتحسبها

الحسية اللى قولتهالك....و بالتالى ده بقى وضعها فى السوق

هيتبصلها ع انها قدمت و انها كده كده لادا

فحاول تشوف واحدة تكون 2008 او 2007 و تكون ماشية قليل هتبقى زى الجديدة تقريباً و هتجنب نفسك الخسارة الكبيرة....
وديه ع حد على هتعمل 37 -38 بالكتير ع حد علمى

[smsm061274]

الروسى فيها منها مكيف و فيه منها باور

بس التوكيل عنده يا تكييف يا باور...بيقولك حاجة من الاتنين...ما ينفعش تركب الاتنين مع بعض

ع العكس من المصرى بيركب فيه الاتنين....بغض النظر عن كفائتهم

نصيحة: ما تجيبش مصرى و ما تجيبش زيرو

يعنى هات واحدة روسى تكون دى عليها سنتين تلاتة و تكون ماشية قليل

لان بصراحة لو هى ب53 زى ما الاستاذ امد بيقول و لا و حتى ب 48 او 49 حرام يتدفع فيها

انت تصبر شوية و تجيب فيرنا و لا لانوس ....ع الاقل هتبقى مكييفة

لان اللادا لو جيت تبيعها بعد شوية هتخسر جامد فيها مقارنة باى عربية جديدة....لان ناس كتير بتحسبها

الحسية اللى قولتهالك....و بالتالى ده بقى وضعها فى السوق

هيتبصلها ع انها قدمت و انها كده كده لادا

فحاول تشوف واحدة تكون 2008 او 2007 و تكون ماشية قليل هتبقى زى الجديدة تقريباً و هتجنب نفسك الخسارة الكبيرة....
وديه ع حد على هتعمل 37 -38 بالكتير ع حد علمى

كلام سليم 100%

[kohana]

ما شاء الله ولا حول ولا قوة إلا بالله

علامة والله
هى اللادا بتاعة الخدمة الشاقة مش بتاعة الترفية والرفاهية