لمبة الزيت بتنور .!!أعمل إييه?!!!

[Fadl]

القصة و ما فيها إن لمبة الزيت بترعش أو تنور و العربيه ع السلانسيه أو واخده غيار الأول و بطيئه ...و لما ترعش أحس ان الموتور بيلق أو صوت الموتور كأنه هيبطل

و عشان اللمبه تطفي لازم أدوسلها بنزين...و ساعات تبقي طافيه طبيعي بمزاجها
طبعا الطبيعي انها تكون طافيه

انا مغير زيت <موبيل الأبيض>و مغير فلتر الزيت...

حد عنده فكره..يبقي المشكله فين?و حلها إيه??

[medooo333]

اكشف على طرمبة الزيت

[midomizo]

شوف مقياس الزيت مضبوط ولا لا واكشف على طرمبة الزيت

[keko]

طرمبة الزيت او ترس الزيت اللى تحت السبراتير

[engaass]

بص على الاسبراتير

[ahmed_gamal777]

السلام عليكم ورحمة الله
ارجو من حضرتك الكشف على 2
1-ترس الاسبراتير -وتم تغير عندى بسبب نفس الموضوع
2-طرمبة الزيت ودى اهم ولو ضغطها ضعيغ يتم تغيرها بالموجود بالسوق والاحسن فى السوق طرمبة ارجنتينى مش روسى لان الروسى فيها عيوب ودى من محلات قطع غيار الادا وسعرها حوالى من 115 الى 130
وارجوا الردعملت اية
عشان دى نفس المشكلة كانت عندى وتم اصلاحها

[mohamed2002]

بيتهق لي الماتور مش مظبوط وعاوز يعلا شوية

[darkmask]

غير الترس الصغير اللى تحت الأسبراتير لأنه دايما بيتكسر أو تروسه بتنعم بسرعة وحتى لو الزيت جديد ومليان
الترس ده مش بيلف ومش بيعدى الزيت بسببه والعربية تحس أن الزيت فاضى
أنا أعرف واحد خرم الترس ده بأكس صغير وخلى الأكس ده هو اللى بيلف الترس بدل التروس وعايش معاه بقاله سنين

[a7madramadan]

بص رأيي الشخصي ..... الموضوع كهرباء والموتور بتحس انه عاوز يوصل لمرحلة انه خلاص هيفصل ومش واصله بنزين ورجرجة بسيطة ..... والله أعلم الموضوع ده كهرباء .... وشوف الخبراء يقولوا ايه