العربية غوووووووول بنزين

[masrawy1441]

السلام عليكم انا ياجماعه خلاص كرهت نفسى بجد من يوم ما اشتريت العربية لادا 2105 موديل 92 وهيا استهلاكها فى البنزين تقريبا 160 او 180 كيلو فى الصفيحه داخل البلد وخارج البلد بتعمل حوالى 220 بالكتير اوى
طبعا لما بقول كده للميكانيكى بيبرقلى عنيه وبيقولى ازاى يا استاذ ده قليل اوى واول ما شاف العربية قالى المكنه خفيفه هنحتاج نركب طقم شنبر
ركبت طقم شنبر وللاسف المعدل زى ما هو ويمكن قل كمان
مع العلم ان الميكانيكى اللى بروح له الناس كلها بتشكر فيه يعنى مش ميكانيكى اونطه
المهم اخيرا قالى هنحتاج نغير الكربراتير ... وعلى فكره انا غيرت الفونيه بتاعه العربية خليتها اقل بس خنقت العربية اوى ومفيش فايده برضه
بصراحه انا اتخنقت منها قولولى يا خبراء اللادا
اعمل ايــــــــــــه ؟؟؟؟

[mohamed2002]

اللتر عندك بيعمل 9 كيلو وانا شايف انها نسبة معقولة في وسط البلد

[mohamed9999]

انا شايف لو اللتر بيعمل من 9-10كم يبقى كويس اوى يعنى 20لتر (الصفيحه )تعمل 200كم

[masrawy1441]

يا جماعه انا بقول الصفيحه بتعمل 140 كيلو او 160 كيلو جوا البلد
فين ال 200 دول بقى
دا عربيتى لو عملت 200 جوا البلد اعلق عليها نور والله هههههههههههه

[mohamed9999]

يا جماعه انا بقول الصفيحه بتعمل 140 كيلو او 160 كيلو جوا البلد
فين ال 200 دول بقى
دا عربيتى لو عملت 200 جوا البلد اعلق عليها نور والله هههههههههههه

ههههههههههههههههههههههههههه خلاص اشترى كربراتير جديد

[HanyAziz]

العربيه كدة استهلاكها معقول جدا وده الربج اللى بتستهلكة كل العربيات الموديلات القديمه الكاربيرتير فمتعملش مقارنه بينها وبين الحديث الانجاكشن اللى بيقولك 400 كيلو فى الصفيحه انا عربيتى 2105 وعاملها اكس وباب ومعدل استهلاكها اعلى من كدة ومنحاولش تصرف فلوس بدون نتيجه المشى جوة البلد معروف انه بيحرق بنزين كل اللى ممكن تعمله
تنظيف الكاربيرتير
ضبط التاكيهات
ضبط كهربه العربيه
تغيير فلتر البنزين
ده رايى الشخصى وشوف اراء الزملاء

[mohamed_e36]

العربيه كدة استهلاكها معقول جدا وده الربج اللى بتستهلكة كل العربيات الموديلات القديمه الكاربيرتير فمتعملش مقارنه بينها وبين الحديث الانجاكشن اللى بيقولك 400 كيلو فى الصفيحه انا عربيتى 2105 وعاملها اكس وباب ومعدل استهلاكها اعلى من كدة ومنحاولش تصرف فلوس بدون نتيجه المشى جوة البلد معروف انه بيحرق بنزين كل اللى ممكن تعمله
تنظيف الكاربيرتير
ضبط التاكيهات
ضبط كهربه العربيه
تغيير فلتر البنزين
ده رايى الشخصى وشوف اراء الزملاء

انا برضو رأي من رأي حضرتك
وفعلا متقارنش بين القديم والحديث لان معدل استهلاك البنزين للكربراتير اعلى من الانجكشن
والله انا من رأي لو عربيتك معدل استهلاكها 180 كده تبقى حلو جدا وطالما العربيه مفيهاش مشاكل متعملش فيها حاجه عشان الصنايعيه ميعملوش شغل عليك

[mohamed2002]

انا برضو رأي من رأي حضرتك
وفعلا متقارنش بين القديم والحديث لان معدل استهلاك البنزين للكربراتير اعلى من الانجكشن
والله انا من رأي لو عربيتك معدل استهلاكها 180 كده تبقى حلو جدا وطالما العربيه مفيهاش مشاكل متعملش فيها حاجه عشان الصنايعيه ميعملوش شغل عليك

كلام سليم وعلي فكرة ممكن تكون سواقتك الطابع بتاعها بيحرق بنزين كتير حاول لما تلاقي نفسك حتقف قريب تقوم ممور حاول تظبط كهرباء العربية ؟ طقم الدبرياج حالته اية؟ لاتتعجل بشراء كربراتير

[masrawy1441]

متشكر جدا لكل من ساهم بالرد على موضوعى على العموم انا رحت امبارح للميكانيكى وقالى هات فونيتين جداد واحده 107 والتانيه 120 رحت جبتهم ومليت التانيك واخدت القرايه بتاعه العداد
لما نشووووووووووووووووف ايه النظام يا مسهل يارب

[engaass]

اوعى تغير الكربرتير مش هايفرق كتير متغلطش غلطتى

[masrawy1441]

انا غيرت الفونيه بتاعه الكربراتير ومليت التانيك ومستنى اشوف ايه الى هيحصل انشاء الله خير

[masrawy1441]

سلام عليكم يا شباب
محدش شايف اقتراحتكم ليه ؟؟؟

[mahmoud5777]

يا باشا انت فى الاول قلت 160 - 180 وده بالنسبة للعربية بتاعتك استهلاك معقول جدا داخل البلد رجعت تقول انها 140 يعنى فرق 20 كيلو بحوالى 3 لتر دول ممكن ببساطة لو موش بتريح العربية او بتشبع الغيار جامد تعمل كدة يعنى انشاء الله عربيتك تمام ومتفتحش على نفسك لان الميكانيكى هايقولك كاربراتير وبعدين طقم دبرياش وبعدين كهربا وفى الآخر هايوصلك لنقطة انت قلتها هايقلك المكنة خفيفة نعمل شنبر وبعد مايفتح يقلك شنبر مينفعش عمرة كاملة
ده موش عيب فى الميكانيكى بس حاول تشوف الموقف واحد عاوز يعمل عربينه الكربراتير بشكل معين الميكانيكى شايف انو زيادة هايقول فى نفسه ده عاوز يدفع فلوس وهايدفعك
ارجو اكون افدتك