الحمد لله حجزت لادا 2115

[darehawk]

الحمد لله ربنا هداني واستخرت ربنا في شراء اللادا 2115 وحجزتها اليوم في توكيل الامل بجد ناس محترمين وان شاء الله الاستلام على يوم الاحد هي 1600- انجكشن - 2 زجاج كهرباء امامي -سنتر -السيارة دفع امامي غير 2107- روسي الصنع- 85 حصان واتلعربية جاي معها كوريك ومفتاح العج بس مفيش اي حاجة تانية ايه بقى النصائح عند الاستلام؟

[gebreel]

انا معايا اختها بس ال1500 موديل 2004

ربنا يباركلك فيها ان شاء الله و تشيك على كل حاجة فيها انها شغالة و شغالة كويس و تلف حوالين العربية علشان تتأكد انها مفيهاش خدش ولا خبطة ولا حتى مرشوشة و تستلم الكاتلوج و تتأكد ان الاستبن نفس نوع الاربع فرد

تتاكد من ال4 طاسات انهم موجودين و هيبقوا غالبا في شنطة العربية

حجزت لون ايه بقى و بكام و هل فيها باور و تكييف ولا لأ لأن بتاعتي مفيهاش

و وانت بتدور استنى لحد ما لمض الcheck اللي في الكونسول في النص تطفي و بعدين تدور

[darehawk]

متشكر لحضرتك على سرعة الرد هي ان شاء الله لونها ابيض ومفيهاش بور او تكييف لاني جربت الدريكسيون بناعها ولقيته مش محتاج بس انا سألت النهاردة قالي مش جاي معها طاسات وان شاء الله حركز في كل كبيرة وصغيرة في العربية عشان المقالب اللب بتتعمل وربنا يستر وان شاء الله حعملها تقييم كامل وصور و لانطباع المبدئي عشان الكل يستفاد ان شاء الله

[darehawk]

معلش نسيت اقول لحضرتك سعرها هي ب51000 كانت ب 54000 ونزل عليها عرض من فترة فلقوا اقبال فثبتوا السعر على كده انا من اسبوعين روحت شوفت واحدة عندهم ولما روحت النهاردة لقتها اتباعت وده فال خير ان شاء الله بس ايه راي حضرتك في العربية ؟

[midomizo]

نصيحة لو قطع غيارها مش موجودة او مش متوفرة خارج التوكيل يبقا 2107 بباور او تكيف احسن

[darehawk]

فعلا كلام حضرتك مظبوط جدن ونصيحة غالية انا سألت على قطع الغيار الحمد لله طلعت متوفرة جوة التوكييل وبرة التوكيل ودي حاجة كويس لعربية لسه نازلة السنة دي ومتشكر جدن لحضرتك

[gebreel]

العربية بصراحة حمالة اسية

انا حملت فيها كام مرة حاجات فووووووووق طاقتها بمراحل و ماقلتش لأ

مربطش عفشة لمدة تتعدى السنة و لما رحت اربطها مش علشان مفككة ولا حاجة لقيت الراجل خلص في دقيقتين و مربطش حاجة تقريبا

موتورها ال1500 اللي معايا ما شاء الله الله اكبر ممتاز

سحبها مقبول

تقفيلها بس مش عاجبني لكن كومبيوتر الاعطال ممتاااااااز

توكيلها اي كلام بس هي عربية مش معقدة خالص و اي ميكانيكي يشتغل فيها

قطع غيارها موجودة برة التوكيل مفيهاش اي مشكلة

انا لما باشتري بشتري اما من حمدي لادا او الفهد ال2 في دمشق و جنب بعض بس حاجة الفهد بتبقى انضف و اغلى بس كلمته واحدة

حمدي لادا مش كل حاجته فيها كويسة بس مش كلها وحشة بردو

بس العربية نازلة بقالها فترة يا باشا مش السنة دي اول سنة و لو عاوز اي حاجة انا تحت امرك

[darehawk]

شكرا جزيلا يا استاذ جبريل وان شاء الله لو في اي حاجة حستشير حضرتك

[darehawk]

معلش عندي سؤال هو التعديل الحراري بتاع العربية عشان جاية من روسيا اعمله برة ولا في التوكيل الراجل قالي بيتعمل ب 200 جنيه ايه راي حضرتك هو كده صح ولا ايه؟

[gebreel]

معلش عندي سؤال هو التعديل الحراري بتاع العربية عشان جاية من روسيا اعمله برة ولا في التوكيل الراجل قالي بيتعمل ب 200 جنيه ايه راي حضرتك هو كده صح ولا ايه؟

اعملوا في التوكيل يا باشا

[darehawk]

اعملوا في التوكيل يا باشا

متشكر جدن وان شاء الله حنزل موضوع بكل التفاصيل ان شاء الله

[midomizo]

فى انتظار الموضوع القيم وشكرا مقدما

[mmffor]

عربيه موديل 2010 في مصر من غير باور ولا تكييف؟!؟! 128 دي يا مرسي

[darehawk]

هههههههه لأ دي لادا 2115 يا مرسي وممكن تضيف اللي انت عاوزه في التوكيل بس هس نازلة اقل حاجة كده انت عايز تزود براحتك

[a7madramadan]

اتمنى فعلا لو لقيت حضرتك عامل موضوع ومصور فيه العربية دي من كل جزء فيها ... كل زرار وكل زاوية ممكنة للداخل والخارج .... حقيقي نفسي اشوفها ومستني رأي حضرتك فيها بعد ركوبها

انا كنت محتار بينها وبين عربيتي (لادا 2107 شريتها في شهر 12 الي فات) وكنت محتار خالص اشتريها ولا اشتري السمارا ... ورسيت على ال 2107 ارتاحت فيها اكتر. وكمان علشان السمارا دفع امامي وقرأت كتير احساس السواقة بالدفع الخلفي دائما افضل والموتورين تقريبا زي بعض والتوافر بتاع ال 2107 اكبر بكتييييير فتوكلت على الله...والسعر ماكانش مشكلة لان الفرق كان الف جنيه تقريبا ان ماكنتش ناسي وقتها.....