ماتور لادا 1500 استيراد

[mohmdy]

بسم الله الرحمن الرحيم
ممكن من اصحاب الخبرة معرفة سعر ماتور لادا 1500 استيراد وممكن نجيبة منين اضمن حتة يعني واذاي نعرف مدي كفاءتة بدون اشتغالات وحركات ميكانيكية .
والسبب ان الماتور بتاعي كان اخر خرطة وعلي فكرة هو ذي الفل ولكن بقول يعني لو قل اصلة في يوم من الايام عايز افاضل بين ماتور استيراد او عمرة .
وممكن لوتفضلتم تكلفة العمرة كدا بالنسبة لهذا الماتور الي هو اخر خرطة وهو افضل لو صرفت علية ولا ماتور استيراد وريح دماغي .وذلك لثقتي فيكم وافادتكم التي هي لوجة الله . واسف للأطالة
و السلام عليكم ورحمة الله وبركاته .

[midomizo]

انت ممكن تركبلة شميز بعد اخر خرطة ويشتغل تانى عادى

او تنزل بورسعيد تجيب محرك كامل جديد استيراد او من عزبة شلبى او الحرفيين

بالنسبة للاسعار معرفش الصراحة بس ممكن حضرتك تسال وتفيدنا عن الاسعار ومتابع معاك لو حد يعرف الاسعار يفيدنا

[emad_ms]

بالنسبة لافضل مكان تجيب منة متطلبات لادا استيراد الاسكندرية شارع صلاح الدين واقولك على تجربتى انى غيرت الفتيس وكان فى الوكالة والحرفيين اخرة 700جنية ولاكن كنت بصيف فى الاسكندرية الصيف اللى فات وجبتة من احد المحلات فى شارع صلاح الدين ب370جنية وتركيبة ب60جنية وشغال معايا تمام اما عن الموتور 1500cc اناسالت علية فى الوكالة من شهر وكان عامل 2000 جنية وبالتاكيد فى الاسكندرية هايكون ارخص

[SHNORY]

فعلا عندنا في اسكندريه ممكن تلاقيه ارخص لان الادا هنا اكتر من البني ادمين
والموتور احسن من العمره علي الاقل بتفكك من التليين ووقفه الصنايعيه
وبتاخده علي التجربه وبضمان اسبوع

[monzer_500]

انا راي من رأيك برضو

[mohmdy]

شاكر لأهتمامكم
وان شاء الله هسأل وشوف الدنيا عاملة اة بس لما نخرج شوية من دوامة العيد وشوية المطبات ألي فاتت دي

[mohmdy]

السلام عليكم
والله يا جماعة الدينمو افش مني امبارح ورحت اغيرة بلية وحصل مشكلة الطنبورة ماردتش تتفك من الأكس ورحت لخراط وعملها علي مكبس وفكت بس كسرت لطنبورة والقلة لأنة كانت فابريقة ومتحلتش اقبل كدا المهم مش هاطول عليكم رحت جبت واحد استيراد كاتاوت خارجي ملقتش كتاوت داخلي المهم المصلحة خلصت وكانت تمام وانا عند الراجل بتاع الستيراد سئلت علي الماتور اللادا 1500 قلي عامل 1850 جنية بالفتيس ومن غير الفتيس 1450 وهذا للعلم وجيلة كدا بعد 3 شهور .

[SHNORY]

السلام عليكم
والله يا جماعة الدينمو افش مني امبارح ورحت اغيرة بلية وحصل مشكلة الطنبورة ماردتش تتفك من الأكس ورحت لخراط وعملها علي مكبس وفكت بس كسرت لطنبورة والقلة لأنة كانت فابريقة ومتحلتش اقبل كدا المهم مش هاطول عليكم رحت جبت واحد استيراد كاتاوت خارجي ملقتش كتاوت داخلي المهم المصلحة خلصت وكانت تمام وانا عند الراجل بتاع الستيراد سئلت علي الماتور اللادا 1500 قلي عامل 1850 جنية بالفتيس ومن غير الفتيس 1450 وهذا للعلم وجيلة كدا بعد 3 شهور .

علي فكره يا باشا
حضرتك ممكن تركبلها موتور اي لادا مش شرط نفس الموديل بتاعك
ورق الموتور مش بيكون مكتوب فيه غير كلمه موتور لادا بس ولا يكتبوا السعه ولا الموديل
وباقي البيانات مكتوبه عادي زي رقم الموتور والبيانات الاخري

اهم حاجه تكون قواعد الموتور واحده علشان متحتاجش تعدل فيها
يعني لو يركب عندك موتور ال2107 حيكون احسن لانك ممكن تجيبه موديل احدث من اللي في عربيتك لان علي ما اظن ان ال1500 موديل تمانينات يعني لو جالك موتورها حيكون قديم جدا
انما لو جيبت 2107 تسعينات حيكون حالته احسن
واسال الميكانيكي بتاعك
انا كلامي مجرد اجتهاد شخصي

[keko]

لو هاتغير موتور هات حاجة بقالها بالكتير 10 سنين يعنى مواتير بعدسنة 2000 والسعر غالبا واحد ضيف على كده ان اللادا عمرتها سهلة ومش مكلفة انما انت قيس الاداء العام عندك للموتور والفتيس والمارش والدينامو والكاربراتير لو بقيت الحاجات كويسة يبقى العمرة تمام انما لو الباقى نص نص يبقى هاتلك موتور كامل بالفتيس والمارش والدينامو وحاجته وريح دماغك منهم سنين