اختيار كاوتش للادا 2105

[islamnasser10]

صحبي معاه لادا 2105 عايز يغير الفردتين اللي قدام ومش عارف يركب اية
مقاس 13 175/70
هو عنده حاليا بريلي ومش عاجباه خالص
عندة مشكلة بيحس بكل زلطة بيعدي عليها
وقدامه الماركات دي

كومهو وسعره 240 بعد الفصال
هانكوك وسعره 280 قبل الفصال
ميشلان وسعره 340 قبل الفصال

ياريت اللي جرب حاجة من دول يقولي حلوة ولا لا او ينصحني باية
وهل الميشلان يستحق فرق السعر العالي ده

تاني حاجة عايز يجنط ومفيش جنوط 13 عاجبه خالص وكل اللي عاجبه 14 هل لو غير الكاوتش كله 14 هيأثر علي حاجة في العربية ولا عادي

[HanyAziz]

الاخ الفاضل
علي نفس الجنط ال 13 اللي راكب عندة يركب كاوتش 13 \185 \70
هيركب عندة بدون مشاكل هيدلة ثبات اكتر للعربية وفرق السعر بيكون بسيط وبيكون قرب من الجنط ال14 ودة عن تجربة
وكل انواع الكاوتش اللي ذاكرها كويسة وممتازة وفي انواع كتير في السوق تركي واندونيسي وبس ابعد عن الصيني

[islamnasser10]

شكرا للمداخله المفيدة من الاستاذ هاني عزيز
بس كنت عايز اعرف حاجة
هو ال 185 يفرق عن ال 175 في العرض ولا ارتفاع الكاوتش؟
ومعني انه قرب من الجنط ال 14 انه ينفع فعلا يركبلة جنط 14 ولا الجنط 13 برضة ؟
تاني حاجة
طيب انا برجح انه يستبعد الميشلان لان سعره غالي
ترشحلي الهانكوك ولا الكومهو لو حضرتك جربت حاجة منهم
يعني الكوري ولا الاندونيسي ولا التركي ادور علي اية
ومعلش لو طولت علي حضرتك

[islamnasser10]

وفيه كمان بريدجستون وجي تي وسوميتومو تقريبا ده ياباني
ياريت الاعضاء يساعدوني في اختيار افضل نوع كاوتش 13

[HanyAziz]

الاخ الفاضل
الكاوتش 185 بيديك عرض كبير وواضح وملحوظ عن مقاس 175 ومش ملحوظ في الارتفاع وزي ما قلت لحضرتك بيركب علي نفس الجنط ال 13 دون الحاجة الي تغيير الجنط والنتيجة بتكون مرضية جدا جدا خلي بالك مش كل العربيات بيليق فيها تعريض الجنط ومنهم اللادا بيكون عامل بروز مش مرغوب فية وبالنسبة لهوع الكاوتش صدقني كلة كوبس ماعدا الصيني زي ماقلت لحضرتك واهم حاجة اخلي بالك من الحاجات دي
1_ تاريخ انتاج الكاوتش لازم يكون حديت ومش مركون عند التاجر
2_ النقشة محفورة وياريت تلاقي نقشة الشجرة
3_ الكاوتش يكون طري مش ناشف
ومن الانواع اللي ليها سمعة كويسة لاسا التركي _شيت تركي _نيكسون_ وغيرهم من الانواع الكتيير
ولازم طبعا تكون مصنوعة من التيل وليس السلك

[HanyAziz]

ونسيت اقول لحضرتك ان الكاوتش كل ماكان طري كان افضل وياخد ويدي معاك في المطبات وبيريح العفشة بتاعة العربية وبالنسبة لموضوع الا حساس باي زلطة اومطب ممكن يكون في حاجة في العفشة ولازم يزبط ضغط الهواء باستمرارلل وكاوتش وبرضوا شوف راي باقي الاخوة الاعضاء

[islamnasser10]

شكرا علي النصايح الغاليه ياغالي
وهقولة علي كل اللي حضرتك قولتهولي

[a7madramadan]

هاقولك كلمتين ابرك من عشرة .......... قوله ينزل على موزع معتمد بريدجستون ويشتري الفردتين الي عاوزهم ويتأكد من التواريخ ... ويتوكل على الله ........

كل معارفي عالمنتدى وخارجة بيرشحوا البريدجستون وعيبه الوحيد انه بيبقى اغلى شوية من ماركات اخرى فــ في ناس بتختار الارخص .....

[islamnasser10]

طب ممكن تكمل جميلك وتقولي علي عنوانه
انا من اسكندريه زيك
وربنا يخليك للشعب

[a7madramadan]

كتيييييييييييييييير قوي

وهاقولك افضل واحد الي في شارع الفتح في بولكلي .. قريب من محطة ترام الوزارة ...... انا باقولك على ده بالذات علشان شغالين بعرض نايلموتورز ... ده لو حضرتك معاك الاستيكر ....... وممكن تروح الي على الترام في محطة مصطفى زيان (الي فيها باب كلية تجارة المجمع) جنب البنزينة .... بيجيبوا جديد علطووول وبرضه مايمنعش انك تتأكد من التاريخ


ولو . ومش مناسبك المكان او الاتنين بعاد عن حضرتك قولي حضرتك فين فالاسكندرية واقولك على اقرب مكان بالظبط ليك ولو حضرتك محتاج حد ييجي مع حضرتك انا فالخدمة...

[islamnasser10]

ربنا يكرمك والمكانين مناسبين جدا
انا ساكن في فليمنج وصحبي اللي معاه العربية ساكن في سيدي بشر