موتور لادا 1500 مكان موتور النيفا؟؟؟

[MOSHAKS]

سؤال فنى شوية هو موتور لادا 1500 ممكن يركب مكان موتور النيفا 1600 بدون تعديل فى حوض الموتور؟؟؟؟
لان الموتور بتاع النيفا عندى عايز اغيره بموتور حديث شوية وفتيس 5 غيار ومش مهم عندى موضوع فتيس الغرز لانى مش بمشى فى جبال
ولكم خالص الشكر

م/عمرو ادم

[a7madramadan]

انا مش متأكد 100% ........ بس بيتهيقلي الاتنين ليهم نفس الساسات واعتقد تركيبه سهل ..... وماتسألنيش عن الجيربوكس لاني مش فاهم....

انا باقولك كده لان انا عارف كويس ان شركة افتوفاز بتصنع مواتير بتحطها في الــ 2107 والنيفا بقالي فترة واعتقد الفرق في الجيربوكس علشان فتيس الغرز ....... اما الاساسات بتاعة الموتور في الحوض متطابقة والله أعلم ..... واسأل الميكانيكي الي هيسقطهولك قبل الشراء وشوف برضه الاخوة الخبراء هنا هيقولو ايه

[monzer_500]

لا بيركب عادي يا باشا من تغيير في الحوض وممكن تركب موتور فيتارا وممكن كمان 132

[speed demon666]

يعني الفيتارا ينفع .... أصل لو كده يبقى تمام ... الموتور هيكون أنعم و أحدث ... بس هو هيركب على الجير بتاع النيفا ؟؟؟

[THE_HERO2005]

متسقطش غير ماتور لادا علشان الترخيص

ولو انتا تعرف تظبط امورك ..... 132 200cc

هيبقى عشرة على عشرة

[speed demon666]

المشكلة اني مبحبش مواتير الفيات القديمة

[mohamed2002]

طيب ما تجيب ماتور نيفا بتاعها أحسن حتي لما تبيعها يبقي بماتورها

[speed demon666]

هو في الحقيقة مش كل الناس بتبص على الموتور طالما العربية شغالة تمام بس طبعا لما بتكون بالموتور بتاعها يكون أفضل

[mohamed2002]

هو في الحقيقة مش كل الناس بتبص على الموتور طالما العربية شغالة تمام بس طبعا لما بتكون بالموتور بتاعها يكون أفضل

اللي اعرفه يا باشا ان العربية بالموتور بتاعها أفضل بكتير ولو حتغيره يبقي بنفس النوع والموديل علشان لو عندك نية البيع قدام تبيع وانت مستريح بالآضافة ان اكيد موتور النيفا يختلف عن موتور الادا 2105 أو 2106 أو 2107 من ناحية العزم الا كانو عملو ماتور واحد لجميع أنواع الادا ونستني رأئ الآصدقاء منذر وبسام

[monzer_500]

انا كمان بفضل تركب موتورها وده راي كويس لان الناس بتكش م المواتير المتغيرة

[engaass]

وبعدين هو الواحد بيركب الموتور الاكبر ولا الاصغر اعتقد انك لو ركبي موتور سعة سى سى اقل ده هيأثر على عزم العربية وهيخليها تسخن
نصيحة يا اما تركب موتورها او موتور اكبر

[MOSHAKS]

اشكركم يجماعه على الرد السريع على سؤالى .. هو كل مافى الامر ان الموتور اللى فى عربيتى مش وحش والله وفيه عزم بس بطئ فى التجميع بتاعه شويه و4 غيار لما اوصل لسرعه 90 كم بيكون صوت الموتور عالى جدا لدرجة انى احس انه جنب ودنى وطبعا لان النيفا مش معموله للجرى وخطر كمان انى اجرى بيها انا بس عايز اركب فتيس 5 غيار علشان يريح الموتور وصوته يهدى شويه بدل الكراكة اللى شغالة اللى بتسرع اى حد ماشى جنبى من صوتها ومشيها يئولك ياعم ابعد عنه ياعم ده مش فارق معاه حاجه (مصلحة بصراحة بيسبولك مجال تتحرك براحتك)سيبكم انتم الكبير كبير بردوا
علشان كده فكرت فى موضوع تغير الموتور للتحديث ومنه راحة للموتور والصوت الصعب ده

وهو موتور النيفا يعمل كام؟؟والفتيس 5 غيار؟؟

[a7madramadan]

نصيحتي ليك .... اشتري موتور نيفا بالفتيس بتاعة 5 سرعات وفتيس غرز .... هاته 1600 عشان الترخيص .... ولو مش فارف معاك قد كده الترخيص هات الــ 1700i موتور محترم بس ترخيصه اغلى شوية علشان في شريحة اكبر من 1600

[mohamed2002]

نصيحتي ليك .... اشتري موتور نيفا بالفتيس بتاعة 5 سرعات وفتيس غرز .... هاته 1600 عشان الترخيص .... ولو مش فارف معاك قد كده الترخيص هات الــ 1700i موتور محترم بس ترخيصه اغلى شوية علشان في شريحة اكبر من 1600

كلام سليم

[MOSHAKS]

نصيحتي ليك .... اشتري موتور نيفا بالفتيس بتاعة 5 سرعات وفتيس غرز .... هاته 1600 عشان الترخيص .... ولو مش فارف معاك قد كده الترخيص هات الــ 1700i موتور محترم بس ترخيصه اغلى شوية علشان في شريحة اكبر من 1600

شكرا ليكم والله على تعبكم معايا وهو فعلا هترسى على كده انى اجيب الموتور 1600 بالفتيس 5 غيار واريح دماغى بس هو يعمل كام؟؟؟؟؟

وبالمناسبة انا عايز اجيب سوستتين جداد للعفشة من ادام لحسن العربية فيها ميل من الجنب اليمين وركبت علايه ومفيش فايده زى اللى فى الصورة ديه حدي عرف مكانهم بيتباعوا فين وبكام؟؟؟؟؟