نيفا و شركة الأمل

[mohamedadelemam]

السلام عليكم...الميزة الوحيدة اللى أراها فى السيارات اللادا إنها من السيارات القلائل جدا إلى اليوم حضرتك تقدر تشتغل فيها بنفسك أو أى ميكانيكى حتى لو مش كفئ..بجد سيبك من التوكيل والكلام الفارغ بتاع السيارات الحديثة دى وخليك مع الميكانيكى بتاعك وبإذن الله هتبقى تمام جدا...بالتوفيق إن شاء الله

[SHNORY]

اكيد حضرتك معاك ايصالات او فواتير بمواعيد دخولك الصيانه
والاعطال والعيوب والحاجات دي كلها اللي اتعملت في العربيه
معاليك تصورهم
وتاخدهم وتتصل بجهاز حمايه المستهلك
وحيجيبولك حقك تالت ومتلت باذن الله
انا احتاجتلهم قبل كده في مشكله مع شركه تي داتا وعملوا معاهم الواجب والمشكله اتحلت
طبعا شكرا لاستاذ عماد محاولته حل الموضوع
بس واضح ان صاحب العربيه عاوز حقه بالطرق القانونيه بعيدا عن الخدمات
وده حقه ومنقدرش نلومه فيه
بجانب انه لو مش عاوز حقه من التوكيل
كان راح لاي ميكانيكي وعمله العربيه
اللادا ايا كانت اي حد بيشتغل فيها حتي لو صبي ميكانيكي
ربنا يوفق صاحب الموضوع ويا ريت يبلغنا بالتطورات

[monzer_500]

طيب انا ليا رأي تاني ..بدل ما يروح توكيل وجهاز حمايه المستهلك وتضيع وقت انا شايف ان كا المشاكل الي في العربية حاجات سهله وبسيط يعني كارتيرة زيت وتسريب ميه حاجات بسيطه .. طيب ما يرو لميكانيكي امين وصنايعي كويس يحل له كل المشاكل دي بدل ما يفضل زهقان من العربية بالطريقه دي ويبيعها بخسارة زي ما بيقول .. المسأله سهله وزي الفل يعني ماحدش هغلب فيها واحمد ربنا ان المشاكل دي مش موجوده في كرونه او فتيس ولا غربله في العربية . العربيه يا اخي كويسه جدا جدا وانا بركب مودلات قديمه منها تسعينات وتمانيات مش عايز 2010 تكون افضل .... انت بس استعن بالله واعمل اللي بقولك عليه هتلاقي كل حاجه كويسه وزي الفل معاك ... بس لازم يكون ميكانيكي امين وتفضل علي ايده . واى مساعده انا تحت امرك ............... منــــــــــــــــــــذر

[nimo.mimo]

طيب انا ليا رأي تاني ..بدل ما يروح توكيل وجهاز حمايه المستهلك وتضيع وقت انا شايف ان كا المشاكل الي في العربية حاجات سهله وبسيط يعني كارتيرة زيت وتسريب ميه حاجات بسيطه .. طيب ما يرو لميكانيكي امين وصنايعي كويس يحل له كل المشاكل دي بدل ما يفضل زهقان من العربية بالطريقه دي ويبيعها بخسارة زي ما بيقول .. المسأله سهله وزي الفل يعني ماحدش هغلب فيها واحمد ربنا ان المشاكل دي مش موجوده في كرونه او فتيس ولا غربله في العربية . العربيه يا اخي كويسه جدا جدا وانا بركب مودلات قديمه منها تسعينات وتمانيات مش عايز 2010 تكون افضل .... انت بس استعن بالله واعمل اللي بقولك عليه هتلاقي كل حاجه كويسه وزي الفل معاك ... بس لازم يكون ميكانيكي امين وتفضل علي ايده . واى مساعده انا تحت امرك ............... منــــــــــــــــــــذر

طيب هوا فيه ميكانيكى كويس تعرفه أو مركز خدمة حلو ياريت لو تقوللى العنوان و أحاول أجربه. و جزاك الله خيرا

[a7madramadan]

لو حضرتك تعرف تنزل الاسكندرية خلال الاسبوع ده هانزل معاك للتوكيل عالصحراوي خدمة فوق الممتاز وكل الناس بتشكر فيهم من القاهرة لمطروح بييجوا لفرع الاسكندرية الرئيسي عالصحراوي .... انا باتكلم بجد على فكرة مش عزومة مراكبية .. تليفوني وايميلي موجودين عالموقع هنا

و ان شاء الله تتحل المشكلة وتروق كده ..... وعلى فكرة برضه توكيل الأمل في القاهرة سيئ جدا جدا جدا جدا بشهادة كل القاهروية في المنتدى .... و ان شاء الله المشكلة تتحل و عندي اعتقاد انهم مش عاوزين يصلحوها لحد ما تمشي الف كيلو كمان يعني تعدي الــ 10000 وتطلع برة الضمان ... لو حضرتك فعلا على استعداد لزيارة الاسكندرية الأسبوع ده قولي وانا هابقى مع حضرتك ... وماتسيبش حقك انت لسه فالضمان ماتصلحش برة الضمان غصب عنهم يصلحوها دي لسه فالضمان ولو الموضوع اتعقد جهاز حماية المستهلك هيقوم بالواجب معاهم

[gebreel]

يا جماعة يروح لميكانيكي ايه انا معاكم ان اللادا مش مستاهلة توكيل بس الفكرة ان دول عالم تيييييييييييت و انا مجربهم للأسف قبل كدة و لول اني عملت مشكلة في يومها انا و واحد ثاني و اتنطتلهم مكانتش العربية دخلت و علشان العربية دخلت غصب عنهم قعدولي العربية جوة لحد الساعة 7 و قثاعد انا برة الاستراحة من الساعة 5 في الشارع علشان بيقفلوا هما 5

التوكيل ده لازم ياخد حقه منهم و يصلح اللي على مزاجو و بعدين لما يبقى راضي عن الحاجات اللي اتصلحت يصلح بعد كدة عند ميكانيكي

ماتسيبش حقك يا باشا

[nimo.mimo]

لو حضرتك تعرف تنزل الاسكندرية خلال الاسبوع ده هانزل معاك للتوكيل عالصحراوي خدمة فوق الممتاز وكل الناس بتشكر فيهم من القاهرة لمطروح بييجوا لفرع الاسكندرية الرئيسي عالصحراوي .... انا باتكلم بجد على فكرة مش عزومة مراكبية .. تليفوني وايميلي موجودين عالموقع هنا

و ان شاء الله تتحل المشكلة وتروق كده ..... وعلى فكرة برضه توكيل الأمل في القاهرة سيئ جدا جدا جدا جدا بشهادة كل القاهروية في المنتدى .... و ان شاء الله المشكلة تتحل و عندي اعتقاد انهم مش عاوزين يصلحوها لحد ما تمشي الف كيلو كمان يعني تعدي الــ 10000 وتطلع برة الضمان ... لو حضرتك فعلا على استعداد لزيارة الاسكندرية الأسبوع ده قولي وانا هابقى مع حضرتك ... وماتسيبش حقك انت لسه فالضمان ماتصلحش برة الضمان غصب عنهم يصلحوها دي لسه فالضمان ولو الموضوع اتعقد جهاز حماية المستهلك هيقوم بالواجب معاهم

و الله إنت راجل جدع و شهم و أصيل و إن شاء الله لما آجى إسنكدرية حا ظبط معاك و أقابلك و نقضى يوم سوا بإذن الله.

و لله الحمد ربنا رؤوف و أكرم الأكرمين و أرحم الراحمين , ربنا كرمنى و رحمنى و حررنى من سجن و أسر الضمان و التوكيل.

شوف يا أخى أن و لله الحمد و الفضل و المنة و بالتوكل على الله و حده لا شريك له , ربنا يسر لى واحد زميل فى الشغل يعرف ميكانيكى صاحبه متخصص لادا.

رحنا له إمبارح , و فك الكرونة الأمامية و غير جوان الكارتيرة كان نوعه وحش و جابه فل على كاوتش و ظبط ماستر الفرامل عشان الفرامل الأمامية كانت محملة بزيادة على الطنابير , فظبتها الحمد لله رب العالمين.
و فيه كمان جلدة إسمها جلدة أولسيل أو أويل سيل محتاجة تتغير فادى حا أغيرها فى يوم تانى بإذن الله لأنها لازم يتفك الفتيس و ينزل.

المهم بقه المفاجئة الكبرى , من يوم ما جبت العربية قلتلهم حطولى زيت 10,000 كم عشان أنا , ما أنا ناصح بقى , لما آجى أغيره على 5,000 كم يبقى الموتور يرتاح , ناصح عمركوا شفتوا حد فى نصاحتى يا ريتنى ذاكرت فى ثانوى و دخلت هندسة على النصاحة اللى بتشر منى دية , قوم إيه يا واد يا سليمان يا غانم فى مسلسل ليالى الحلمية قالك إيه , لما الولد الصنايعى بتاع الراجل جه ينزل الزيت صاحبى قاله حط الزيت فى جردل نضيف عشان نرجعه تانى الموتور دا زيت 10,000 كم , الولد نزل الزيت و قالى بالحرف , زيت إيه يا بيه اللى إنت عايز ترجعه دا الزيت محروق , فا قلت له خلاص مش إشكال نغير الزيت المهم رحت جيبت زيت شل هيليكس ألترا 10,000 , قالولى أحسن من موبيل للمواتير , الله أعلم أنا باجرب , و حطينا الزيت , فكرت كدة بعد ما حطو الزيت و جبت الولد و قررته و قلت له يابنى أنا حا أسألك سؤال لو عارف الإجابة جاوب لو مش فاهم السؤال أعيده عشان أنا حاسس بحاجة كدة , إنت الزيت اللى فضيته إمبارح دوة هل هو زيت 10,000 كم ماشى 3,000 كم , قالى يا بيه الزيت محروق , طبعا إنتم دلوقتى عرفتوا ليه أنا قلت أنا كنت فاكر نفسى ناصح , لأن طلع إن فيه ناس أنصح منى , بس صاحبى قاللى بلاش نظلمهم و نستنى كمان 3,000 كم و نشوف , المهم الى خلانى أسأل الولد السؤال دوة إن أنا لما نزلت النهاردة الصبح أشوف الزيت و بشد قياس الزيت إتخضيت إفتكرت الزيت و قع من العربية , أتارى إن زيت ال 10,000 كم شفاف زى القزاز و مالوش لون!!!!!

و بعد ما خلصت مع الميكانيكى قلت له عايزك تشوفلى زيت الكورونة مظبوط و لا محتاج يتزود , المهم الولد فك الطبة و كشف و قالى مظبوط و بلم كدة و قالى الزيت محروق , شم كدة لقيت رحتة صدأ , الراجل الميكانيكى بصلى و قالى إيه الزيوت المعفنة دية , بالمناسبة الميكانيكى دوة فاتح فى غيط و لما رحت أجيب الزيوت من واحد فى الغيط اللى جنبه لقيت عنده زيوت إسسو و موبيل.

المهم اتفقت مع الميكانيكى إن شاء الله إنه يغير زيوت الكرونات و الفتيس و قاللى أجيب زيت موبيل فالفالين 4 لتر و إن شاء الله كله يبقى تمام.

إلى الأستاذ عماد حبيب /
أرجوك ما تزعلش منى أنا إن كنت بأقول المواقف دية فهى للعلم بالنسبة لك و للشركة لمعالجة الموقف و لزملائى فى المنتدى الذين أخاف عليهم أن تكلبش الفرامل أو الكورونة أو الفتيس و هم على سرعة مما قد يودى بحياتهم فى حادث لاقدر الله , و أشهد الله أنى لا أريد تشويه سمعة الشركة أو أى من هذا القبيل و أنا بعد ما الميكانيكى ما طمئنى , الحمد لله رب العالمين , رجعت تانى لوجهة نظرى فى إن اللادا سيارة فى متناول الأسر محدودة الدخل و عملية جدا بالنسبة لهم فى بلدنا.
و أرجو منك أن تطمئن كل الإطمئنان أنا توكلت على الله و اعتبرت نفسى اشتريت العربية دية خارج الضمان و سأتعايش معها فهى رزقى و نصيبى الذى أرجو من الله أن يبارك لى فيه و الله المستعان و عايز حضرتك تطمئن بأمانة أنا بإذن الله لا أنوى لا أروح لا لحماية مستهلك و لا أقدم شكاوى و لا غيره , الحمد لله على ستره علينا و حمايته لنا جميعا من كل مكروه , بس أنا فعلا أكرر طلبى لك ياريت تهتموا بالناس اللى بيشتروا العربية على الأقل الغلابة منهم اللى ما يعرفوش ميكانيكية , تصدق بالله أنا شفت شابه فى العشرينات و رجالة على المعاش و واحدة ست جايباها لإبنها اللى ماكملش العشرين سنة لسه و جايه معاه تتفسح فى يوم الصيانة كلهم جايين فرحانيين يصلحوا عربياتهم اللى على قد حالهم عندكوا فى التوكيل أنا أرجوا منك إنك تهتم بأرواحهم و بحياتهم قبل ممتلكاتهم لأنهم فعلا غلابة و لا يعرفوا كيفية إكتشاف أعطال السيارات أو حتى المجادلة لإثبات وجهة النظر , إذا اهتممت بهؤلاء و راعيتهم صدقنى سأكون مسامح أمام الله كل السماح فى حقى و أعتبره وصل إلى و زيادة.

قال رسول الله صلى الله عليه وسلم , رحم الله عبدا سمحا إذا باع سمحا إذا اشترى سمحا إذا اقتضى
الراوي: جابر بن عبدالله المحدث: الألباني - المصدر: صحيح ابن ماجه - الصفحة أو الرقم: 1804
خلاصة حكم المحدث: صحيح
ط§ظ„ط¯ط±ط± ط§ظ„ط³ظ†ظٹط©

[bassem.naguib]

أستاذ/ mnmmnmmnmmnm

ربنا يبارك ليك في عربيتك ويكفيك شرها .. وبإذن الله تعالى ربنا يجازيك كل خير فيها ..

[atefadel]

حضرتك رجل محترم
بس مش عارف هل الي حضرتك عملتة دة صح ولا خطأ
هل نتنازل عن حقوقنا ونقول ربنا سهلة من جانب اخر ولا اة رأي حضرتك
ممكن نعرف اة مميزات العربية
لاني كنت بفكر اجيبها
هل البور كويس
هل العفشة ناشفة
هل بتسمع اصوات في الخلف منها
وشكرا

[nimo.mimo]

حضرتك رجل محترم
بس مش عارف هل الي حضرتك عملتة دة صح ولا خطأ
هل نتنازل عن حقوقنا ونقول ربنا سهلة من جانب اخر ولا اة رأي حضرتك
ممكن نعرف اة مميزات العربية
لاني كنت بفكر اجيبها
هل البور كويس
هل العفشة ناشفة
هل بتسمع اصوات في الخلف منها
وشكرا

شكرا على اهتمامك يا أخى

و الله هى العربية كويسة دول فى روسيا عاملين بيها احلال و تجديد حوالى 30 ألف عربية نيفا لغاية دلوقتى. دا غير ال 2107 و ال 2105

هوا البور كويس بس مش حا يظهر إلا بعد ظبط الزوايا , يعنى لما تجيبها توديها مركز ظبط زوايا و قله يوزنها من فوق و تحت عشان العربية اللى معايا العجلة الشمال كانت مرحلة من فوق لبرة فكانت بتحدف شمال و متقلة البور بس لما ظبطوها فى مركز خدمة زوايا فى امبابة العربية الحمد لله بقت ما بتحدفش حتى كانت كل ما أنزل فى مطب الدريكسيون يحود شمال بس الحمد لله دلوقتى إتظبطت.
فيه صوت فى المساعدين , صوت هواء نظام فس فس بس الميكانيكى قاللى دا صوت المساعدين عادى يعنى.
و الله العفشة بشهادة واحد اسمه جيمى كلاركسون بتاع توب جير قال دى العربية الدفع الرباعى الوحيدة اللى ممكن تولع سيجارة و انت سايقها فى مدق عشان بتمتص الصدمات.

بس بصراحة هوا فيه مشكلة , فلتر الزيت اللى فى السوق ما بيركبش لأن كومبريسور التكييف زانق لسان الفلتر فا ما بيعرفوش يربطوه , بس أنا ربنا يسهل و أشوف ناس بتوع تكييف يمكن يقدرو يرحلو الكومبريسور شوية أو لو مكنش شكلى كده حا أشيل التكييف مش عارف

مميزات السيارة أنا زميلى اللى ودانى للميكانيكى قالى دى غير النيفا القديمة خالص قاللى الدريكسيون خفيف و السحب سلس و الميكانيكى قاللى إن السوست الجديدة سوست متعلية جاهزة عشان كدة تلاقى فى مسافة بين الكاوتش و الرفرف حوالى 10 سم.

بس بأمانة لو حا تجيبها إنت قرأت اللى أنا كاتبه لازم يكون عندك ميكانيكى يظبطهالك أول ما تشتريها و يكشفلك عليها هل فيها عيوب صناعة أو لأ لو العربية تمام توكل على الله و خليك معاه يظبطهالك.

اللى عملته صح أم خطأ؟
و هل نتنازل عن حقوقنا ونقول ربنا سهلة من جانب اخر؟
ولا اة رأي حضرتك؟

بص يا سيدى:
أولا: هذا ابتلاء من الله و أتمنى منه الرحمة التى لم و لن أجدها عند أحد غيره أبدا.
ثانيا: أنا ذاكر فوق حديث للرسول محمد صلى الله عليه و سلم , أتمنى من الله أن أكون نفذت الجزء الخاص بى كمشترى بشكل يرضى الله و هذا هو ما يهمنى.
ثالثا: حقك لا يمكن أن يضيع أبدا إذا لم يأت إليك فى الدنيا ستعوض عنه أضعاف الحسنات بإذن الله فى الآخرة , حقك محفوظ عند الله لا تقلق.
رابعا: التنازل هو الإستمرار فى تحمل الإهمال المتعمد من الآخرين دون أخذ موقف جدى تجاههم.
خامسا: أنت إنسان حر و لست عبد لذلك إذا حاول أيا كان أسرك و سجنك فى سجن العبودية فحرر نفسك من هذا السجن لماذا؟ لأنك إنسان حر خلقك الله لتطيعه و سخر كل شيئ لخدمتك و إعانتك على طاعته فلا تكن أبد عبدا إلا لله وحده لا شريك له و هذا ما قمت به وجدت أن السيارة التى تعبت فى تحويش أموالها لشرائها لتكون لتكون دابة مسخرة فى يدى أقضى بها حوائجى فى سبيل الله , إذا بى أجد نفسى أسير السيارة و التوكيل و الضمان و الفلوس , لا و الله لا أكون عبدا لمادة أبدا و الحمد لله أن نجانى من هذا الإبتلاء على خير.
سادسا: و بم أن الساعة الواحدة صباحا فالناس الكبيرة قالت يا بخت من بات مظلوم و لا باتش ظالم و تصبح على خير

[atefadel]

زي ماقولت لحضرتك
انت رجل محترم جدا ( انت اكيد من عالم تاني )

[Emad Habib]

الاستاذ:/ غير معلوم الاسم والعنوان ورقم التليفون وكمان رقم الشاسيه والموتور
كفاك من هذا الكلام الفارغ حيث ان صاحب الشركه والتوكيل طلب تليفونك عده مرات ونحن لا نعلم عنك شىء ولم تستجيب فماذا نفعل معك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[atefadel]

طننننننننننننننننننننننننننننننننننننننننننننننننن نننننننننننننننننن

[SHNORY]

طيب يا ريت الاستاذ صاحب الموضوع يبعت لاستاذ عماد اسمه ورقم تليفونه
وان كان مش عاوز يتعامل مع التوكيل فعلي الاقل يقولهم هو مين
علشان يقدروا يعرفوا تاريخ اخطائهم معاه وميكرروهاش مع حد تاني
لان بعد جمله استاذ عماد دي بقي فيه نقط لازم تتحط علي الحروف

[mohamed2002]

فعلا المفروض الآستاذ صاحب المشكلة يحاول يتصل بالاستاذ عماد عشان يحل مشكلته