قطع غيار لادا 2105

[mrastra]

السلام عليكم ورحمة الله امبارح رحت اتفرجت على عربية لادا 2105 84 العربية فيها بوهية حلوة اوى من برة شكلها ابن ناس الموتور لسة متعمر من شهر كرونا وفتيس حلوين الصراحة
لكن العربية محتاجة وبشكل عاجل تابلوة ممكن اعرف سعرة كام استيراد لو حد اشتراة قبل كدة اة وكمان الشمسية بكام لانها متدغدغة وتقريبا العربية هاتعوز جوز مساعدين ادمانى ممكن اعرف سعرهم كام جديد
بالمناسبة العربية مطلوب فيها 15500 فهل دة سعر مناسب ؟؟؟؟؟؟؟مستنى الرد بسرعة لو سمحتم لانى عاوز اخلص فيها النهردة

[sedyrohy]

التابلوه في حدود 450 الي 500 حسب الحاله و ممكن يزيد
بالتنسبه للسعر هوا مناسب بس خلي بالك من البويه الي جوا العربيه
المساعدين استعمال خارج ب 85 الاثنين
و في حاجه غاز و زيت ب 175 جنيه ياباني

[engaass]

التابلوه ممكن يكتسى جلد

[ahmdmagdy]

لو تعرف تخلصها علي 15 ألف تبقي معقوله

[mrastra]

شكرا لكل من ساهم بالرد

[a7madramadan]

لو عدادات التابلوه والقزاز بتاعه سليم تماما .... وكل الي بتعاني منه هو التشققات أو سوء الشكل ...... ممكن تروح لسروجي محترم يعملهولك كسوة جلد هتبقى أرخص بكتير من تغيير التابلوه وأشيك كمان ...... وانت لو فالإسكندرية ممكن أساعدك في الأماكن ولو فالقاهرة الإخوة كتيييييير يقدروا يفيدوك .......

[keko]

السلام عليكم ورحمة الله امبارح رحت اتفرجت على عربية لادا 2105 84 العربية فيها بوهية حلوة اوى من برة شكلها ابن ناس الموتور لسة متعمر من شهر كرونا وفتيس حلوين الصراحة
لكن العربية محتاجة وبشكل عاجل تابلوة ممكن اعرف سعرة كام استيراد لو حد اشتراة قبل كدة اة وكمان الشمسية بكام لانها متدغدغة وتقريبا العربية هاتعوز جوز مساعدين ادمانى ممكن اعرف سعرهم كام جديد
بالمناسبة العربية مطلوب فيها 15500 فهل دة سعر مناسب ؟؟؟؟؟؟؟مستنى الرد بسرعة لو سمحتم لانى عاوز اخلص فيها النهردة

اولا مالكش دعوة بكلام الراجل اللى بيبيع ونظام عمره من شهر والكلام ده المهم الاتى
تتاكد انها مش راشة دواخل وان البوهية الحلوة دى معمولة صح لان فيه ناس بتدارى البارومة بمعجون وترش علشان تحسسك بالعربية لازم سمكرى كويس يشوفها
تغير زيت الكرونة فى البنزينة وانت بتجرب العربية
ميكانيكى فاهم يشوفها
قطع الغيار ماتشغلش بلك خالص اما التابلوه اعتقد اقل كتير من 500 جنيه دا اللانوس ب 500 وخليك فى تابلوه ال2107 شكله احلى ويركب عادى اعتقد يعمل 300 جنيه والعفشة اول ما تشتريها تغير طقم بيض المقصات حتى لو سليم دول 100 ولا 200 جنيه هاتشترى دماغك من حاجات تانية بيهم
وربنا يوفقك

[mrastra]

متشكر جدا يا اخ كيكو والشكر موصول لكل من ساهم بالراى

[ahmedsamir79]

التابلوه أمره سهل