مرايات جنب كهرباء لادا 2107

[tiger451]

السلام عليكم ورحمة الله وبركاته

اهلا بيكوا اخواني في احلي منتدي
انا عضو جديد نوفي في اللادا
انا جبت من شهر لادا 2107 وكنت بستفسر لو ينفع يركبلها مرايات كهرباء وتكلفتها كام؟؟

[mohamed2002]

السلام عليكم ورحمة الله وبركاته

اهلا بيكوا اخواني في احلي منتدي
انا عضو جديد نوفي في اللادا
انا جبت من شهر لادا 2107 وكنت بستفسر لو ينفع يركبلها مرايات كهرباء وتكلفتها كام؟؟

لية لا ممكن يركب لها عادي

[a7madramadan]

انت لو بتدور على ميرايات كهرباء يعني تغير اتجاهاتها بزراير بيتهيقلي آه .... وهتوصل شوية كابلات بتاعة الكونترول لحد فتحة التكييف الي جهة السائق ..... انا شوفت واحد عاملها في 2105 ..... بس الصراحة ماكانتش متقفلة حلو فشكل المنطقة بتاعة فتحة التكييف كانت وحشة

أما لو قصدك ميرايات الضم الكهرباء الي لما تقفل السنتر تقوم قافلة نفسها فدي صعب تلاقي واحدة تركب على المثلث بتاع المرايا كلهم كبار قوي عليها .... أو عالأقل ده الي شوفته انا

[tiger451]

لية لا ممكن يركب لها عادي

يعني اي نوع يركب ولا ايه؟؟
مشكور لاهتمامك

انت لو بتدور على ميرايات كهرباء يعني تغير اتجاهاتها بزراير بيتهيقلي آه .... وهتوصل شوية كابلات بتاعة الكونترول لحد فتحة التكييف الي جهة السائق ..... انا شوفت واحد عاملها في 2105 ..... بس الصراحة ماكانتش متقفلة حلو فشكل المنطقة بتاعة فتحة التكييف كانت وحشة

أما لو قصدك ميرايات الضم الكهرباء الي لما تقفل السنتر تقوم قافلة نفسها فدي صعب تلاقي واحدة تركب على المثلث بتاع المرايا كلهم كبار قوي عليها .... أو عالأقل ده الي شوفته انا

لا انا اقصد النوع الاول اني احركه بزراير من جوه
بس بالنسبه لنوع المرايات ايه اللي بيركب في انهي عربيه عشان مجبس حاجه وتطلع متركبش عندي؟؟
شاكر لمرورك

[Mustafino]

أولاً ألف مبروك على العربية... و اللة مش عارف بس حاسس أن مفيش داعى لتغيير حاجة الفبريكة علطول كدة خصوصاً أنك بتتكلم فى كماليات... حد كان قال زمان على هذا المنتدى (من حوالى 3 سنين) أن اللادا كبريها كاسيت و الحقيقة الراجل ماكدبش... The DieSel عندة حق ممكن تركب بس تقفيلها مش هيبقى كويس... يا راجل دة أنا يوم ما حولت أركب كاسيت فى الروسى بتاعتى أكتشفت أنهم عاملين مكان لكاسيت موديل 1970 أبو كورتين من قدام!!! فطبعاً أضطرت لنشر الوش كلة و لك أن تتخيل شكل التقفيل :-(
د. مصطفى

[engaass]

اعتقد هيكون اعطالها كتيرة ده غير سوء شكل التقفيل

[a7madramadan]

منغير جو القلق الي ممكن تستوحيه من الردود السابقة ....... انت اهم حاجة يكون معاك واحد شغله نظيف ..... تركيب المرايات سهل خااااااالص بس تقفيل مكان كويس للكونترول هوه الي عاوز نظافة شوية ...... عموما زي ماقولت لحضرتك فتحة التكييف الشمال هيدخلها الأسلاك من ورا وكل الأسلاك هتتدارى بس يتعمل فريم كويس علشان مايبانش انه معمول زي مابيقولوا لطش ....... والموضوع لو اتعمل كويس هيبقى حكااااااااااااية والله انت بس شوف شكل الكونترول الي جاي مع المرايات الي هتجيبها وشوف تركيبها هيكون ازاي وتوكل على الله ..... بس ماتشتريش وبعدين تفكر ازاي تركب يعني خد المقاسات والمطلوب عند التركيب من بتاع الكماليات وشوف الحاجة بنفسك و شوف الي هيركبلك هيعمل ايه وخلاص