محتاج رايكم فى لادا

[mrastra]

يوم الجمعة اللى فات ربنا كرمنى وجبت عربية لادا 2107 موديل 85 العربية دواخل فابريكة ومن برة بوهية فوق الممتازة نبيتى ميتالك الصالون معقول جدا والموتور ما فهوش نسبة واحد فى المية بخرة
المهم
حبيت اعمل رفرش للموتور فكيت الكربراتير عند مركز الصفا اللى فى جسر السويس وفكة حتة حتة وظبطة وعمل اللى فية مية فى المية ....ركبت طقم بوجيهات ان جى كية وابلاتين وكوندنسر ...وزيت وفلاتر وكلة تمام التمام
النتيجة صوت الموتور بقى ناعم جداااااااااااااا اكتر من الاول بكتير وتبريد فوق الممتاز
بس انا بشتكى من حاجة رخمة اوى لية العربية الاستجابة بتعتها بطيئة جداااااا ولازم اقرص على الغيار لغاية اما اموتة وبعدين السرعة القصوة مش بتعدى المية على عدد لفات 4000 لفة على الدقيقة مع انى واثق ان الاسطوانة كويسة وجربتها فى المطالع وانا بحكم خبرتى اقدر احدد لو الاسطوانة بايظة لكن صاحة مش قادر اعرف لية العربية التسارع بتعها مش كويس ...فكرت ان الكرونا بتعتها تكون كرونة بطيئة فهل اغير الكرونة ولو حبيت اغيرها هل اجيب كارونا لادا ولا اجيب كارونا يابانى والاتنين اجبهم ارخص سعر منين ولو بالمرة بقى بكام ولكم خالص التحية

[elmkaneeki]

عزبة شلبى
هات فتيس 5 غيار وكرونة كمان والعربية هتجيب السرعة الى نفسك فيها

[a7madramadan]

اسأل ميكانيكي متخصص وشوف آراء الخبراء هنا هيقولوا ايه ...... بس ياريت تتأكد لإن ممكن يكون الجيربوكس هوه الي في حاجة مش مظبوطة واحتمال تكون الكرونة هيه الي فيها المشكلة وفي احتمال يكون الإتنين ..... اتأكد قبل ما تشتري وتغير اي حاجة وألف مبروك عالعربية :)

[elmkaneeki]

اسأل ميكانيكي متخصص وشوف آراء الخبراء هنا هيقولوا ايه ...... بس ياريت تتأكد لإن ممكن يكون الجيربوكس هوه الي في حاجة مش مظبوطة واحتمال تكون الكرونة هيه الي فيها المشكلة وفي احتمال يكون الإتنين ..... اتأكد قبل ما تشتري وتغير اي حاجة وألف مبروك عالعربية :)

يا ديزل باشا 85 ....4 غيار بس

[a7madramadan]

العربية من سنة 85 ..... في احتمال تكون مغيرة اساسا لـــفتيس 5 غيارات منغير تغيير الكرونة فدي لوحدها كارثة .... علشان كده قولت ياريت يشوف متخصص

وكلام حضرتك مظبوط غالبا تكون فابريكة جيربوكس وكورونا الــ 4 غيار

ولوكده كلام حضرتك مظبوط فتيس 5 غيار بكورونة جديدة هيريح العربية شوية وهيخليها تجمع مع نسب غيارات أقل بس ده طبعا مربوط بحالة الموتور ..

وأحييك على سرعة ملاحظة حضرتك للموديل مع الفتيس ......

وانشاء الله تتحل مشكلة صاحب الموضوع :)

[elmkaneeki]

العربية من سنة 85 ..... في احتمال تكون مغيرة اساسا لـــفتيس 5 غيارات منغير تغيير الكرونة فدي لوحدها كارثة .... علشان كده قولت ياريت يشوف متخصص

وكلام حضرتك مظبوط غالبا تكون فابريكة جيربوكس وكورونا الــ 4 غيار

ولوكده كلام حضرتك مظبوط فتيس 5 غيار بكورونة جديدة هيريح العربية شوية وهيخليها تجمع مع نسب غيارات أقل بس ده طبعا مربوط بحالة الموتور ..

وأحييك على سرعة ملاحظة حضرتك للموديل مع الفتيس ......

وان شاء الله تتحل مشكلة صاحب الموضوع :)

المهم قولى اخبار اللادا بتاعتك اية
انا ابويا باع ال 91 وجاب واحدة 2007 فابريقة برة وجوة بس النهاردة جابت ديسك واسطوانة
العين بقى
وعلى فكرة يابو ديزل انا عندى 25 سنة بس.... بلاش حضرتك يعنى واسمى احمد

[mrastra]

السلام عليكم ورحمة الله
اخوانى الكرام بشكر كل من ساهم فى الرد لكن انا ما عرفتش اعمل اية دلوقتى هل اغير الكرونا بواحدة لادا تكون سريعة وازاى اعرف انها سريعة اصل لو طلعت بطيئة ابقى ما عملتش حاجة لان الركونا بتعتى حالتها كويسة ولا اغير الكرونا بكرونا نوع تانى يابانى مثلا وهل الموضوع بتاع اليبانى دة بيحتاج تعديل وفى الحلتين اسعارهم كام ومنين ارخص سعر عزبة شلبى ولا الحرفين ولا بورسعيد ولا اسكندرية

[elmkaneeki]

السلام عليكم ورحمة الله
اخوانى الكرام بشكر كل من ساهم فى الرد لكن انا ما عرفتش اعمل اية دلوقتى هل اغير الكرونا بواحدة لادا تكون سريعة وازاى اعرف انها سريعة اصل لو طلعت بطيئة ابقى ما عملتش حاجة لان الركونا بتعتى حالتها كويسة ولا اغير الكرونا بكرونا نوع تانى يابانى مثلا وهل الموضوع بتاع اليبانى دة بيحتاج تعديل وفى الحلتين اسعارهم كام ومنين ارخص سعر عزبة شلبى ولا الحرفين ولا بورسعيد ولا اسكندرية

فى رأيى المتواضع انك مش المفروض تسافر عشان تجيب كرونة
وبلاش حوار اليبانى دة ...مالو الروسى
وكمان حضرتك هتغير فتيس بردو
الخامس هيخلى العربية جميلة جدا

[mrastra]

ماشي يعنى تقصد عزبة شلبى اجيب منة كارونا روسي بس اعرف منين انها كرونا سريعة هل بتفرق فى الشكل ولو تسمح ما تعرفش سعرها كام عشان ما اتغلبش علما بان الموتور 1200 سي سي

[mohamed2002]

باشا ازاي 2107 وماتورها 1200
الماتور دة نزل في الادا 2101
والادا 2105 من 90 الي 96 فقط

[mrastra]

والله الرخصة مكتوب فيها 1200 سي سي

[elmkaneeki]

باشا ازاي 2107 وماتورها 1200
الماتور دة نزل في الادا 2101
والادا 2105 من 90 الي 96 فقط

انا الى اعرفه ان كل ال 2107 1500 و طبعا الجديد منها 1600 بس الخليجى ال 1991 كانت 1300 انما 1200 فى 2107 عمرى ما سمعتها دى فعلا
عموما ثمن البطيخة بتاعة الكرونة حوالى 725 او 750 جنيه والتاجر اكيد فاهم وهناك فو واحد محترم جدا انا اشتريت من عنده موتور وفتيس وكرونة لو حابب ابعتلك بياناته

[mrastra]

يا ريت لو تكرمت

[keko]

العربية دى 2105 لانها موديل 85 واعتقد 2107 نزل 92او 93

[engaass]

العربية دى 2105 لانها موديل 85 واعتقد 2107 نزل 92او 93

لا فى عربيات 2107 من التمانينات