أستفسار بخصوص سرعة اللادا

[hassanin_lada]

الشغل ده تعديلي انا ونفسي جدا اعملو في عربيتي بس انا عارف ان العربيه واطيه بزياده

[hassanin_lada]

http://nileup.com/up/uploads/nilemotors_13523156471.jpg

[MEKAWY2000]

متابع
Liquimoly | Facebook

[OussamaShaaban]

سوال للناس اللى كسرت ال 100

هو كان تسارع لحظى يعنى جبت ال 120 او ال 180 و نزلت تانى بسرعة و لا بقيت ماشى ثابت بنفس الرعة دى مدة طويلة ؟

[hassanin_lada]

150 لحظي و ال 120 طولت عليها

[OussamaShaaban]

150 لحظي و ال 120 طولت عليها

يا جماعة العربية بتنط من اى مطب و انت ماسى عادى ما بالك 120 ... ارحمو نفسكم شوية و ارحموا العربية

[hassanin_lada]

مش للدرجاتي يعني

هي فعلا ضايعه بس مش للدرجاتي واللهي لو العربيه وطية شويه وجنط 14 نضيف وكوتش 185 هتلاقي العربيه ولا في اروع منها

[Zing0]

العربية مش بتاعة شد و جرى, إرحمها و صونها علشان متقلش بيك, لأنها غدارة باللى بيبهدلها.
لو حد غاوى جرى يبقى أحسن له يبيع اللادا و يجيبله أى حاجه كورى و لا يابانى و ربنا يسلم طريقه.

[hassanin_lada]

العربية مش بتاعة شد و جرى, إرحمها و صونها علشان متقلش بيك, لأنها غدارة باللى بيبهدلها.
لو حد غاوى جرى يبقى أحسن له يبيع اللادا و يجيبله أى حاجه كورى و لا يابانى و ربنا يسلم طريقه.

انت صح علي فكره بس في واحد يبقي هاوي الادا مش السرعه نفسها

[AHMED1718]

اللادا 2107 اول عربية امتلكتها ف حياتى وكنت بعشقها ومهتم بيها لدرجة انى بعتها من كتر مالناس كانو عايزين يشتروها باى شكل منى وبدأت ناس كتير تحط نفسها فيها لغايط مكتير نصحونى انى ابيع

العربية كانت معايا موديل 95 وكانت مريحانى جداا وكان عربيتى دون عن غيرها من اللادا دريكسونها مريح مش ناشف زى معظمها

بس فيه ناس كتير كانت بتعدل علبة الدريسكون ب 131 علشان تبقا انعم
العربية كنت بسافر بيها وبمشى 160 و165 مسافات كبيرة متواصل على نفس السرعة

ببس مشكلتها معايا انى كل شهر كنت لازم اروح اربط عفشة وارجلش على الفرامل مرة او مرتين كل شهر
وكان ظهر عندى مشكلة ان الفرامل مبتمسكش افش يعنى بتهدى بس وغيرت حجات كتير ومكنتش عارف اوصل لحل معاها لدرجة انى غيرت خراطيم الزيت والخزن والتيل اكتر من تلت مرات

وف الاخر صنايعي من المنصورة اكتشف العيب
فيه حاجة اسمها الضفدعة على اللى مسؤلة عن توزيع الفرامل على العجلتين الخلفيتين
دى بتبقا صدت وبتعلق فبيقوم فاصلها وبعدها انا نسيت مشاكل مع الفرامل نهائى
احلى حاجة ف اللادا ان كل حاجة فيها كانت سهلة وكنت بعملها بايدى سواء عفشة او ميكانيكا وكنت بنضف الكاربرتير بنفسى مرة كل تلت شهور وعمرى محططلها 80 وكنت بعمل بيها البدع على الطريق والناس كانت بتتجنن من تسارعها
العربية دى لما بعتها مبقاش عندى عزيز لانى كنت بحبها جداا وليها زكريات معايا حلوة

[hassanin_lada]

ايوووووووووه بقي عاوزين الناس اللي تحببنا في العربيه مش يقعدو يكرهونا اكتر ماحنا كارهينها


طيب ايه اخبار الابلتين معاك ؟؟

[MEKAWY2000]

متابع

[MEKAWY2000]

بمناسبه الضفدعه او موزع الحمل سبب التلف للضفضعه واحد وهو سؤ زيت الفرامل الموجود فى السوق عباره عن جاز سولار وزيت ودور زيت الفرامل فى السياره هو الضغط على المساتر لتوزيع النسب المفروضه على كل جهاز فى العجله وسحب الرطوبه من دايره الفرامل

[Blondi]

يا سادة يا افاضل هوه الموضوع موضوع العربيه موديل كام ماتظبط الصيانه بتعتها ومش تقولي تغير بوجيهات وبس علشان العربيه تمشي بص يا استاذي اعمل الي بقولك عليه
بعد قبل ما تغير بوجيهات والكلام دا طالما العربيه شاريها استعمال اعمل الي حقولك عليه بالحرف
1- اولا : سير الكاتينه يتغير بواحد جديد وتظبط تكيهات العربيه والهوا عند المكانيكي
2- قاعدة الفتيس تغيرها اكيد مكسوره او مشروخه من غير ما تبص مكسوره الكاوتش مشروخ بتعها كل الناس بتقول عادي انا بقول بقي دا دراع تعشيق تروس بتمشي العربيه لسرعتها
3- قواعد المتور بص عليها يمكن حاجه مكسوره فيهم غيرهم
4- روح رصص وشحم العجل بردو
5- سلك الشكمان او غير العلبه بتعته بواحده جديده

6- اطلع علي السكه وادي العربيه راحتها في الغيار وخلي رجلك علي الدواسه سنه سنه لحد ما تجمع 100 وانزل سنه سنه علي الدواسه علشان العربيه تجمع معاك انا عربيتي بروح اسكندريه بيها 150 او 140 راح جي بمتور 1200 بس اعمل الي بقولك عليه وشوف الفرق وبرهان

[MEKAWY2000]

متابععععععععععععععع