صوت المروحة

[mahgoup]

السلام عليكم/ انا المروحة بتاعة تيريد الريداتير باظت فركبت مروحه عى الماتور مش كهربا بس صوتها عالى جدا فهل لو ركبت كفر اوكسوة للمروحة ممكن تمنع الصوت ولا لا وايه الحل وشكراااا
فى استفسار تانى عندى الكربراتير بيعمل صوت (خخخخخخخخخ) ولما بسد فتحة الكربراتير يروح الصوت وملاحظ ان معدل استهلاك البنزين عالى لدرجة ان11 لت بعمل بيهم 70كم فيا ريت حل للمشاكل ديه وشكراااا

[engaass]

انت متأكد ان المروحة ركبت بطريقة صح يعنى بتسحب هواء للماتور من برة مش العكس
والكربرتير ده عايز ضبط هوا

[mahgoup]

شكرااا على الرد الصراحة ما اعرفش بس هيه بتبرد كويس /طب لو هيه مش متركبة صح تعمل صوت عالى وشكراااا

[engaass]

حط منديل قماش قدام الشبكة ولو اتسحب ناحية الشبكة يبقى راكبة صح وخايف اقول انها بتحك فى حاجة وهى بتلف

[mrastra]

الكفر اللى انتى بتشوفة فى العربيات اللى راكبلها ما هو الا سيفتى او حماية لان المروحة عضو متحرك وخطر انما الصوت مش هايفرق كتير لو ركبتهو وبعدين المروكة لا يمكن تركب معكوسة ولا يمكن طبعا الماتور يلف بالعكس حتى لو العربية ماشية مارش دير الصوت دة طبيعى بس انت ممكن تتغلب علية بظبط تاكيهات العربية وهوا وبنزين للكربراتير وعدد لفات الموتور على السلانسية لا تزيد عن 700 لفة هاتحس ان الموتور هادى جدااااااااااا زى عندى ما شاء الله ولا اكنها لادا وبعدين هاتحس بتبريد اكبر من الاول مية مرة لان المروحة تبدا عملها مع عمل المحرك مما تؤدى الى عدم زيادة درجة المحرك ووصولة الى 90 درجة مئوية ومن ثم تبريدة الى ان يصل الى 70 درجة مئوية وهاكذا دة كمان هاتجد صعوبة ان المحرك اساسا يسخن الصبح لو ان العربية الردياتير بتعها مظبوط خلاصة الكلام انت اتصرفت التصرف الصح والمناسب واستحمل شوية صوت المروحة

[mahgoup]

انا متشكر جدااااا ليكوا هيه المروحة متركبة صح وححاول اظبط التكيهات، اما بالنسبة لظبط الاربى انا كنت الاول ظبطه تحت العشرة يعنى 7او8 بس كان صوت الماتور عالى فرخت للميكانيكى وطى الاربى فوق الصفر بدرجة وصوت الماتور بقى واطى بس لاحظت ان استهلاك البنزين زاد اوى فهل لملا الاربى بيقل بيسحب بنزين اكتر والعكس ولا لا وشكرااا جداااا مرة تانية

[mrastra]

لا يا اخى الكريم كل اما قل عدد لفات الموتور كل اما استهلاك البنزين بيقل عملية طردية
خلية بس يظبط نسب الهوا مع البنزين ويظبط توقيت الاشعال من الاسبراتير لو الحاجات دى ظبطت مع بعض هاتلاقى شكمان العربية بيعرق مية يبقى دى ظبطة الموتور الصح ونضف فلتر الهوا واظبط تاكيهات مهم جدااااااااااااا وخلية ياخد بوش سير الكاتينة شوية عشان الصوت يهدى اكتر وبامر الله هاتبقى زى الفل

[mahgoup]

يعنى الاربى يكون كام بالظبط وشكراااا على الرد

[mrastra]

الطبيعى من 700 الى 800 لفة / دقيقة

[engaass]

الكفر اللى انتى بتشوفة فى العربيات اللى راكبلها ما هو الا سيفتى او حماية لان المروحة عضو متحرك وخطر انما الصوت مش هايفرق كتير لو ركبتهو وبعدين المروكة لا يمكن تركب معكوسة ولا يمكن طبعا الماتور يلف بالعكس حتى لو العربية ماشية مارش دير الصوت دة طبيعى بس انت ممكن تتغلب علية بظبط تاكيهات العربية وهوا وبنزين للكربراتير وعدد لفات الموتور على السلانسية لا تزيد عن 700 لفة هاتحس ان الموتور هادى جدااااااااااا زى عندى ما شاء الله ولا اكنها لادا وبعدين هاتحس بتبريد اكبر من الاول مية مرة لان المروحة تبدا عملها مع عمل المحرك مما تؤدى الى عدم زيادة درجة المحرك ووصولة الى 90 درجة مئوية ومن ثم تبريدة الى ان يصل الى 70 درجة مئوية وهاكذا دة كمان هاتجد صعوبة ان المحرك اساسا يسخن الصبح لو ان العربية الردياتير بتعها مظبوط خلاصة الكلام انت اتصرفت التصرف الصح والمناسب واستحمل شوية صوت المروحة

فى صنايعية تعبانة ساعات بتغلط فى توصيلات المروحة فتبقى النتيجة ان المروحة بتاخد هواء من الحوض الى الخارج عكس المفروض يحصل وممكن مياخدش باله

[mrastra]

فى صنايعية تعبانة ساعات بتغلط فى توصيلات المروحة فتبقى النتيجة ان المروحة بتاخد هواء من الحوض الى الخارج عكس المفروض يحصل وممكن مياخدش باله

اخى الكريم حضرتك بس ما اختش بالك الاخ السائل ركب مروحة بسير راكب على الموتور مش مروحة تبريد كهرباء

[engaass]

اخى الكريم حضرتك بس ما اختش بالك الاخ السائل ركب مروحة بسير راكب على الموتور مش مروحة تبريد كهرباء

فى دى عندك حق
شكرا ليك