علبة الفيوز

[HanyAziz]

الاخوة الاعزاء في ا لمنتدي
تحية طيبة وبعد
معلشي انا عارف انة مش وقتة في الظروف دي بس كنت محتاج اعرف سعر علبة الفيوز كاملة للسيارة لادا 2105 تعمل كام ولو في حد عندة ومش محتاجلها ممكن يبيعهالي لاني عندي مشكلة علبة الفيوز بتفصل من الداخل وفكيتها نضفتها وعدت علي الحامات بالكاوية والقصدير وبرضوا مش نافع وبتتعمل معايا الاتي
النور الواطي فاصل تماما
النور العالي يعمل احيانا ويفصل احيانا اخري
مؤشر التانك والبطارية والحرارة بيفصلوا احيانا
اما اهم شي اجي اقف وافصل كونتاكت واطلع المفاتيح والسيارة لاتزال تعمل واضطر ااديها غيار واشيل رجلي من علي الدبرياج عشان تبطل واروح فاصل كابل البطارية لاني العدادات بتكون شغالة هل المشلة فيوز ولاكتاوت ولا الكونتاكت نفسة بيعلق والموضوع بعيد عن علبة الفيوز
اسف للاطالة وشكرا

[darkmask]

المشكلة دى بتاعة أنك تشيل المفتاح حصلت معايا بس لما النور العالى بس يكون شغال واول ما أطفى النور تبطل العربية
جربها عندك
وروحت لواحد شالى تانى كتاوت فى فتحات علبة الفيوز بتاعة العربية من ناحية الشمال وانت واقف قدام العربية يعنى القريبة من الباب الشمال مش باب السواق بس خد بالك أنها تانى فتحة يعنى حتى لو اول فتحة فاضية عدها معاك وأتظبطت كل حاجة
بس لما روحت لوحد تانى أمبارح بركب سنتر سألته قالى لا طبعا الكتاوت ما يعملش كده دى أكيد مشكلة فى العلبة نفسها
ولازم تتحل بس الوقت كان متأخر وقالى نخليها يوم تانى عشان حتأخد وقت كبير
جرب كده شيل الكاتاوت دة وقولى عملت ايه

[HanyAziz]

الاخ الفاضل شكرا جزيلا للرد والمساعدة
اول محصلت المشكلة وروحت للكهربائي قام شال فعلا الكتاوت اللي حضرتك حددتة بالفعل والموضع خد شهر تمام دون تكرار المشكلة ثم عادت مرة اخري من حوالي اسبوع اما بالنسبة لطفي النور فبطفية ونور البطارية والزيت ومؤشر التانك والبطارية يعملان وشكرا جزيلا لحضرتك

[darkmask]

الحل فى كهربائى كويس ويكون فاهم بس كده لازم العلبة تتحل
ممكن تجيبلك واحدة أستعمال خارج من السكندرية شارع صلاح الدين
واحد أسمه الرشيدى مشهور جدا بس دور وراه وأفحص العلبة كويس أول ما تأخدها
أنت كده قلقتنى بسبب موضوع شيل الكتاوت يعنى ممكن عربيتى ترجع تانى تعمل كده
أنا كنت بمشى بيها والمفتاح فى جيبى
على العموم لو وصلت لحل أبقى بلغنى عشان اعمل زيك

[SAMER_ENGINES]

سالت عليها لسه قريب لقيتها بـ 375 جنيه

[HanyAziz]

الاخوة الاعزاء شاكر جدا علي المساعدة والرد
العربية رجعت لطبيعتها لوحدها تقريبا بعد مخدت مطب فصلت الكونتاكت فصل وشغلت اشتغلت طبيعي والحمدلله بس باقي مشكلة النور الواطي اللي دايما فاصل
سئلت علي علبة الفيوز لقيتها استيراد ونضيفة علي 150 ولكن بدون غطاء وسئلت علي الغطا لوحدة ب 25 جنية بس لسة مجبتهمش وشكرا