إستفســـار عن تلافى العيــوب الشهيــرة فى لادا 2107 فى الموديــلات الجديــدة

[Defender]

اكيد حتقولي تيل الفرامل بيعمل صوت عالي والتكيف مش كويس

لا الفرامل زي الفل ومفيش صوت

وانا لاحظت انهم بيشتكوا من ان فتحه التكيف شمال مش شغاله كويس

بس الحمد لله دة محصلش عندي

وبردوا بيقولوا في صوت طقطقه بردو الحمد لله محصلش عندي

[osama_alam]

لا الفرامل زي الفل ومفيش صوت

وانا لاحظت انهم بيشتكوا من ان فتحه التكيف شمال مش شغاله كويس

بس الحمد لله دة محصلش عندي

وبردوا بيقولوا في صوت طقطقه بردو الحمد لله محصلش عندي

انته كلامك حيرني كتير يعني دلوقتي:

1. اللادا الروسي 2107 بيركب فيها تكيف وبارو فالتوكيل ولا لأ؟؟؟
2. اللادا المصري2107 عيبوب تجميعها وتركيبها كبيرة ولا لأ؟؟؟
3. اكيب ايه من الاخر مصري ولا روسي

[Defender]

ياسيدي

التكيف طبعا ممكن يركب في الروسي ايه المشاكل والتوكيل هو اللي يركبوا برضوا ويضمن التركيب

وجايز عيوب التجميع المصري تكون اكتر من الروسي

الفرق في الثمن
الروسي اغلي من امصري ممكن تفرق في الفين جنيه
وبعد التكيف 4 الاف
والبور 3

ولو اشرتها من شركه الامل الوكيل الوحيد للادا في مصر في تخفيض 500 جنيه

المصري بتشتريها ب 49.5 بعد خصم 500جنيه

الروسي اغلي شويه مش عارف اغلي كام بالظبط

ممكن اديك رقم شركه الامل وتتصل بيهم وتعرف الموضوع دة بلظبط
وتشوف هما هيركبوا البور والتكييف في الروسي ولا لأة
واذا كان ممكن يركبوة في الروسي تعرف هيفرق في كام ونظام الضمان
ومتحولش تشتري الروسي وتركب انت البور والتكييف بمعرفتك لان دة هيخرج العربيه من الضمان

[Defender]

[quote][اكيب ايه من الاخر مصري ولا روسي /quote]

انا لو مكانك

ولسه هشتري العربيه

هشتري الروسي مش المصري

لان الاغلبيه اشتكت من المصري وعشرين في الميه لم تشتكي

فا انت تصلي ركعتين استخارة

وتتوكل علي الله علي حسب ما انت تستريح
وان شاء الله اذا اشتريت المصري تبقي كويسه اوالروسي تبقي كويسه من غير مشاكل

بس خلي بالك من موضوع المروحه دي لان الاغلبيه او الاجماع انها بتعمل مشاكل في الاول
بس بعد ما تروح التوكيل مفيش مشاكل حصلت ...مفيش مشاكل حصلت...علي الاقل عندي..

حاول تراجع تقارير الاعضاء بتاع صيانه الالف

[LUX]

لو لادا يبقي روسي .روسي.روسي.روسي.روسي

المصري عيوبه كتير لا حصر لها .من تقفيل و كثرة اعطال.مع انها زيرو.

نصيحة يا اخي هات روسي. ولو حبيت تنزل شوية من تمنها ممكن ما تجيبش تكييف خالص في الاول ..هيوفرلك 3 او 4 الاف.

بس لو حبيت تحط باور يبقي كويس

سيبك من زغللة العين اللي بيعملوها في المصري. و خليك في الروسي حتي لو اخدتها من غير كنبة ورا هههه:D:D:D:D

و ربنا يوفقك.
_

[galallada2105]

الروسى تقفيل احسن وارقى للاسف الكماليات سهل تركيبها عندى روسى 2105مو 92 ومصرى2107 مو 2007 المصرى خفيفة وناعمة بس فى السحب يعنى وكمالياتها حلوة الصاج خفيف جدا بالنسبة للمصرىللاسف دخلت فى دايو لانوس موديل 98 من ورا بوظتلى الاكصدام من قدام وكسرت وش الفانوس اما الدايو ولاحاجة اما 2105 دخل فيا شاهين من ورا اكصدامه بالكامل وقع الروسى الجديد بدون كماليات لكن تقفيل 100% صاج محترم وتقفيل المحرك وصاج زى الفل والكماليات تيجى بعد كده وشكراً